Fréttir

Námskeið fyrir atvinnuleitendur sem vilja taka þátt í verkefninu Félagsvinir atvinnuleitenda eru að fara í gang á suðurnesjum í byrjun september.

Heilsuleikskólinn Suðurvellir óskar eftir að ráða leikskólakennara/leiðbeinanda til starfa sem fyrst í 80 % starfshlutfall.Suðurvellir er fjögurra deilda leikskóli sem vinnur eftir viðmiðum heilsustefnunnar.Yfirmarkmið leikskólans er að auka gleði og vellíðan barna með áherslu á næringu, hreyfingu og listsköpun í leik og starfi.

Fimmtudaginn 25.ágúst boðar bæjarmálafélag H-listans til fundar með aðal og varabæjarfulltrúum listans.Einnig verða á staðnum formenn og varaformenn nefnda sveitarfélagsins sem starfa fyrir H-listann.Fundurinn verður haldinn í Lions-húsinu og hefst klukkan  20:00. Farið verður yfir stefnumálin og rætt um það sem gert hefur verið í bænum frá sveitarstjórnarkosningum 2010. Allir velkomnir Bæjarmálafélag H-listans.

Laus er til umsóknar staða leiðbeinanda í kvöldstarfi unglinga í félagsmiðstöðinni Borunni.Félagsmiðstöðin býður upp á fjölbreytt tómstundastarf fyrir unglinga á aldrinum 14-16 ára.

Mánudaginn 22.ágúst tók gildi endurbætt áætlun almenningssamgangna við Voga.Nokkrar breytingar hafa verið gerðar á áætluninni frá því sem var og því nauðsynlegt fyrir íbúa að kynna sér nýja tímatöflu sem dreift var í öll hús í Sveitarfélaginu Vogum sl.

Fjölskyldudagurinn í Vogum var haldinn með glæsibrag að venju.Dagskráin var þétt og góð.Aðeins er farið að teygjast úr deginum þar sem hann hófst á föstudagskvöldi með varðeld og grilli og lauk á sunnudegi með golfmóti á Kálfatjarnarvelli.Keppt var í nokkrum greinum og eru helstu úrslit þessi: Kassabílarallý10 ára og yngri:1. sæti Símon Kristjáns, Ýmir og Stella2. sæti Sigurbjörg, Guðbjörg og Ólafur3. sæti Diljá Dögg11 ára og eldri:1. sæti Daníel2. sæti Sindri, Tóti og Maggi3. Elmar Þór, Sólrún og JanaSápuboltinnYngri flokkur: Liðið Sony CenterEldri flokkur: Liðið SugardaddyÖkuleikniSjá úrslit hér Texas scrambleSjá úrslit hér Eins og áður þá var sveitarfélaginu skipt í þrjú hverfi, grænt, gult og rautt. Græna hverfið var valið best skreytta hverfið.Lyngdalur 2 var valið best skreytta húsið. Myndasmiður var Gréta Magnúsdóttir, sjá myndasafnið hér.Bæjarstjórn þakkar öllum sem komu að deginum og lögðu á sig óeigingjarnt starf í þágu fjöldans.

Nú getur borgað sig að vera vinur Lestrarfélagsins Baldurs á Facebook.Þrír heppnir vinir fá ókeypis bókasafnskort í eitt ár! Dregið verður úr pottinum þegar 200 vinir verða komnir í hús.

Á Fjölskyldudaginn 13.ágúst 2011 voru veittar umhverfisviðurkenningar Sveitarfélagsins Voga.Fallegum og vel hirtum húsum og görðum fjölgar stöðugt og gróskumikill gróður setur æ meiri svip á sveitarfélagið.

Búið er að gróðursetja epla- og kirsuberjapar auk nokkurra berjarunna í Aragerði. Eplaparið er gjöf Hvatafélaginu Á-vexti.Íbúar gáfu berjarunna (sólber og hindber) og sveitarfélagið keypti tvö kirsuberjatré.Nokkrar myndir voru teknar af þessu tilefni (sjá myndir).

Frábært námskeið í konfektgerð þar sem þátttakendur eru leiddir í leyndardóm um hvernig á að búa til dýrindis konfekt.Farið er í gerð fyllinga og meðhöndlun á súkkulaði ( temprun ).