Bæjarstjóri Sveitarfélagsins Voga

Bæjarstjóri

Viðtalstímar:

Bæjarstjóri Sveitarfélagsins Voga er með viðtalstíma á föstudögum frá kl. 10:00-12:00.

Nauðsynlegt er að panta viðtalstíma fyrirfram með því að hafa samband í síma 440-6200 eða á skrifstofa@vogar.is

Viðtalstímar fara fram á bæjarskrifstofu sveitarfélagsins, Iðndal 2 í Vogum.

Bæjarstjóri er framkvæmdarstjóri sveitarfélagsins.
Hann skal sitja fundi bæjarstjórnar og hefur hann þar málfrelsi og tillögurétt en eigi atkvæðisrétt nema hann sé kjörinn fulltrúi í bæjarstjórninni. Hann hefur og rétt til setu á fundum nefnda bæjarfélagsins með sömu réttindum.
Bæjarstjóri undirbýr fundi bæjarstjórnar, og hefur á hendi framkvæmd þeirra ákvarðana sem bæjarstjórn tekur.
Bæjarstjóri er prókúruhafi bæjarsjóðs, en honum er heimilt að veita öðrum starfsmanni bæjarfélagsins prókúru að fengnu samþykki bæjarstjórnar. Prókúruhafar bæjarsjóðs skulu vera fjár síns ráðandi.
Bæjarstjóri undirritar skjöl varðandi kaup og sölu fasteigna bæjarfélagsins, lántökur og ábyrgðir, svo og önnur skjöl sem fela í sér skuldbindingar eða ráðstafanir sem samþykki bæjarstjórnar þarf til.
Bæjarstjóri er æðsti yfirmaður annars starfsliðs bæjarfélagsins.
Í samþykkt um stjórn bæjarfélagsins skal setja nánari ákvæði um verksvið framkvæmdarstjóra og mörk milli þess og ákvörðunarvalds bæjarstjórnar og bæjarráðs.