Fréttir

Í dag 26.september er Evrópski tungumáladagurinn.Hans var minnst í Stóru-Vogaskóla með athöfn á sal. Í skólanum eru börn frá mörgum þjóðlöndum,  ættuð í aðra ættina eða báðar.

Umhverfisstjóri hefur sagt upp og er hættur störfum.   Ákveðið hefur verið að ráða í nýja stöðu forstöðumanns tækni- og umhverfissviðs sveitarfélagsins og starfsmanns sem heyrir undir hann.   Forstöðumaður  tækni- og umhverfissviðs hreppsins mun sinna starfi byggingafulltrúa, hafa yfirumsjón með verklegum framkvæmdum á vegum hreppsins, sjá um gerð kostnaðaráætlana og útboða ofl.  Starfsmaður mun sjá um tilfallandi útivinnu, smálegt viðhald, sendiferðir og önnur störf.

Kattafár. Mikið hefur verið kvartað vegna ágangs flækingskatta hér í Vogum, sérstaklega í suður Vogum.Til að stemma stigum við þessu verður fljótlega auglýst herferð gegn flækingsköttum.

Eins og íbúar hafa orðið varir við, þá hefur sveitarfélagið boðið upp þá þjónustu að vera með gáma fyrir flokkaðan úrgang á svæði við höfnina.

Úrslit kosninganna urðu þau, að H-listinn fékk 263 atkvæði eða 57% og þrjá menn, T-listinn fékk 116 atkvæði eða 25% og einn mann og V-listinn fékk 78 atkvæði eða 17% og einn mann.

Íbúum fækkar.   Alls fluttu 33 einstaklingar til Vatnsleysustrandarhrepps á fyrsta fjórðungi þessa árs.Á sama tíma fluttu 35 í burtu. Brottfluttir eru því 2 umfram þá sem fluttu í hreppinn.

Loksins bankaútibú í Vogum. Föstudaginn 15.mars opnaði Sparisjóðurinn í Keflavík útibú í Vogum, nánar tiltekið  í Vogaseli að Iðndal 2.

Eins og flestir vita voru fasteignir og lóðir í landinu endurmetnar á síðasta ári.Verulegar hækkanir urðu á lóðarmati í Vogum, allt að 500%.

  Fjárhagsáætlun Vatnsleysustrandarhrepps fyrir næstu fjögur ár, var samþykkt við aðra umræðu á fundi hreppsnefndar þann 11.des.

Í júní 1999 var 5 ára markaðsáætlun kynnt í Vogum meðal byggingaverktaka, fasteignasala, bankastofnana og fréttamanna.Tilgangurinn var að kynna kosti Voga sem vænlegan kost fyrir þá sem vilja vera nálægt höfuðborgarsvæðinu og búa í rólegu og fjölskylduvænu umhverfi og þó í passlegri fjarlægð frá stóru atvinnusvæði.