Bæjarstjórn Sveitarfélagsins Voga

1806004F

• 1.1 1806022 Alþjóðahúsið
  Bæjarráð Sveitarfélagsins Voga - 257 Lagt fram.
• 1.2 1806007 Ráðning bæjarstjóra kjörtímabilið 2018 - 2022
  Bæjarráð Sveitarfélagsins Voga - 257 Bæjarstjóri vék af fundi undir afgreiðslu þessa máls.
  Bæjarráð staðfestir ráðningarsamninginn.
• 1.3 1712026 Innleiðing persónuverndarlöggjafar
  Bæjarráð Sveitarfélagsins Voga - 257 Með fundarboði fylgja drög að persónuverndarstefnu sveitarfélagsins,ásamt uppfærðri öryggisstefnu og útvistunarstefnu sveitarfélagsins. Sveitarfélagið lýsir jafnframt yfir jákvæðri afstöðu sinni til þess að sameiginlegur persónuverndarfulltrúi sveitarfélaganna á Suðurnesjum verði ráðinn, sbr. erindi framkvæmdastjóra SSS. Bæjarráð samþykkir framlagðar stefnur.
• 1.4 1806024 Hafnargata 101 - fasteignin boðin til kaups
  Bæjarráð Sveitarfélagsins Voga - 257 Erindið lagt fram. Bæjarstjóra er falið að afla nánari upplýsinga um málið, sem og að óska eftir upplýsingum um verðhugmyndir seljanda. Bókun fundar Til máls tóku: BS, IRH.
  
  Inga Rut Hlöðversdóttir bókar hjásetu við afgreiðslu málsins, vegna meints vanhæfis síns.
• 1.5 Umhverfis- og skipulagsnefnd Sveitarfélagsins Voga - 100
  Bæjarráð Sveitarfélagsins Voga - 257 Fundargerð 100. fundar Umhverfis- og skipulagsnefndar er lögð fram á 257. fundi bæjarráðs eins og einstök erindi bera með sér.
  
  Bæjarráð staðfestir afgreiðslu Umhverfis- og skipulagsnefndar, nema annað sé bókað undir viðkomandi máli.
• 1.6 1801009 Fundargerðir Fjölskyldu-og velferðarnefndar 2018.
  Bæjarráð Sveitarfélagsins Voga - 257 Fundargerðin lögð fram.
• 1.7 1801067 Fundargerðir Heilbrigðisnefndar Suðurnesja 2018.
  Bæjarráð Sveitarfélagsins Voga - 257 Fundargerðin lögð fram.
• 1.8 1801016 Fundargerðir Sambands sveitarfélaga á Suðurnesjum 2018.
  Bæjarráð Sveitarfélagsins Voga - 257 Fundargerðin lögð fram.
• 1.9 1806009 Aðalfundur 2018 Landskerfa bókasafna hf.
  Bæjarráð Sveitarfélagsins Voga - 257 Fundargerðin ásamt skýrslu stjórnar lagt fram.
• 1.10 1801019 Fundargerðir Sorpeyðingarstöðvar Suðurnesja 2018.
  Bæjarráð Sveitarfélagsins Voga - 257 Fundargerðin lögð fram.

1807003F

• 2.1 1806026 Skyldur sveitarfélaga samkvæmt jafnréttislögum.
  Bæjarráð Sveitarfélagsins Voga - 258 Erindið lagt fram.
• 2.2 1807007 Til sveitarstjórarmanna - Sumarefni frá Saman- hópnum
  Bæjarráð Sveitarfélagsins Voga - 258 Erindi Saman hópsins dags. 13.7.2018, sumarefni frá Saman hópnum.
  
  Erindið lagt fram.
• 2.3 1806023 Lyngholt 8, umsókn um lóð.
  Bæjarráð Sveitarfélagsins Voga - 258 Bæjarráð samþykkir umsóknina.
• 2.4 1712026 Innleiðing persónuverndarlöggjafar
  Bæjarráð Sveitarfélagsins Voga - 258 Bæjarráð samþykkir að fela bæjarstjóra að ganga til samninga við Reykjanesbæ um kaup á þjónustu persónuverndarfulltrúa og að Hrefna Gunnarsdóttir verði persónuverndarfulltrúi Sveitarfélagsins Voga.
  Bæjarráð staðfestir jafnframt framlagða vinnsluskrá sveitarfélagsins, ásamt áhættumati, í samræmi við ákvæði nýsamþykktra laga um persónuvernd.
• 2.5 1806028 Fulltrúar í heilbrigðisnefnd Suðurnesja.
  Bæjarráð Sveitarfélagsins Voga - 258 Bæjarráð samþykkir að erindið verði afgreitt á vettvangi SSS. Afstaða Sveitarfélagsins Voga er að fimmta sæti nefndarinnar verði skipað fulltrúa Reykjanesbæjar.
• 2.6 1806024 Hafnargata 101 - fasteignin boðin til kaups
  Bæjarráð Sveitarfélagsins Voga - 258 Bæjarráð samþykkir að fela bæjarstjóra að ganga til samninga við seljanda fasteignarinnar. Gert er ráð fyrir að kaupverðið rúmist innan framkvæmdaáætlunar ársins, en verði nánar útfært með viðauka þegar niðurstaða liggur fyrir. Bókun fundar Inga Rut Hlöðversdóttir bókar hjásetu vegna málsins vegna meints vanhæfis síns.
• 2.7 1801009 Fundargerðir Fjölskyldu-og velferðarnefndar 2018.
  Bæjarráð Sveitarfélagsins Voga - 258 Minnisblað bæjarstjóra um málefni dagdvalar aldraðra lagt fram.
  Bæjarráð samþykkir jafnframt fyrir sitt leyti drög að verklagsreglum um afgreiðslu húsnæðisumsókna fyrir fatlað fólk, sem lagt var fram á 139. fundi Fjölskyldu- og velferðarnefndar.
• 2.8 Frístunda- og menningarnefnd Sveitarfélagsins Voga - 74
  Bæjarráð Sveitarfélagsins Voga - 258 Fundargerð 74. fundar Frístunda- og menningarnefndar er lögð fram á 258. fundi bæjarráðs eins og einstök erindi bera með sér. Fundargerðin er lögð fram í bæjarráði til fullnaðarafgreiðslu þar sem bæjarstjórn er í sumarleyfi.
  
  Bæjarráð staðfestir afgreiðslu Frístunda- og menningarnefndar á einstökum málum, nema annað komi fram í bókun undir viðkomandi máli.
  
  Björn Sæbjörnsson bókar:
  Haft var samband við fullrúa D lista í þann mund sem fundur var að hefjast og spurt hvort hvort hann ætlaði ekki að sitja fundinn. Í ljós kom að fundarboð hafði verið sent á rangt netfang og farið var fram á að fundi yrði frestað um sólahring. Við því var ekki orðið og samkomulag var um að ástæða fjarverunar kæmi fram í fundargerð, í það minsta yrði skráð boðuð forföll.
  
  
  
  
• 2.9 1802010 Fundargerðir Sambands íslenskra sveitarfélaga 2018.
  Bæjarráð Sveitarfélagsins Voga - 258 Fundargerð 861. fundar stjórnar Sambands íslenskra sveitarfélaga lögð fram.
• 2.10 1801032 Fundargerðir Hafnarsambands Íslands 2018
  Bæjarráð Sveitarfélagsins Voga - 258 Fundargerð 404. fundar stjórnar Hafnasambands Íslands lögð fram.

1808002F

• 3.1 1807016 Landsþing Sambands íslenskra sveitarfélaga.
  Bæjarráð Sveitarfélagsins Voga - 259 Erindi Sambands íslenskra sveitarfélaga dags. 20.07.2018 lagt fram, um boðun Landsþings Sambands íslenskra sveitarfélaga á Akureyri, dagana 26. - 28. september 2018. Tveir kjörnir fulltrúar sækja þingið f.h. Sveitarfélagsins Voga, auk bæjarstjóra.
• 3.2 1712026 Innleiðing persónuverndarlöggjafar
  Bæjarráð Sveitarfélagsins Voga - 259 Drögin lögð fram til kynningar. Bæjarstjóra var falið á 258. fundi bæjarráðs að ganga til samninga við Reykjanesbæ um málið, unnið er að útfærslu samningsins með öðrum sveitarfélögum og stofnunum á Suðurnesjum, sem hyggjast nýta sér þjónustu Reykjanesbæjar.
• 3.3 1806024 Hafnargata 101 - fasteignin boðin til kaups
  Bæjarráð Sveitarfélagsins Voga - 259 Tilboðið lagt fram.
  Vegna eðli máls er niðurstaða bæjarráðs færð í trúnaðarmálabók. Bókun fundar Inga Rut Hlöðversdóttir bókar hjásetu vegna málsins vegna meints vanhæfis síns.
• 3.4 1710037 Verkefnaráð vegna Suðurnesjalínu 2
  Bæjarráð Sveitarfélagsins Voga - 259 Bæjarráð staðfestir óbreytta skipan í Verkefnaráð Suðurnesjalínu 2: Aðalmaður: Ásgeir Eiríksson, bæjarstjóri. Til vara: Inga Rut Hlöðversdóttir, varabæjarfulltrúi.
• 3.5 1808003 Drög að reglum um úthlutun ráðherra á styrkjum og framlögum úr byggðaáætlun
  Bæjarráð Sveitarfélagsins Voga - 259 Lagt fram.
• 3.6 1807017 Grænbók um málefnasvið 6. Þar undir heyra hagskýrslugerð og grunnskrár ríkisins, þ.e. málefni hagstofu, þjóðskrár og landmælinga.
  Bæjarráð Sveitarfélagsins Voga - 259 Lagt fram.
• 3.7 1807019 Til umsagnar, drög að frumvarpi Mál nr. S-99/2018
  Bæjarráð Sveitarfélagsins Voga - 259 Lagt fram.
• 3.8 1801009 Fundargerðir Fjölskyldu-og velferðarnefndar 2018.
  Bæjarráð Sveitarfélagsins Voga - 259 Fundargerðin lögð fram.

1806003F

• 4.1 1508006 Umhverfismál
  Umhverfis- og skipulagsnefnd Sveitarfélagsins Voga - 100 Afgreiðsla umhverfis- og skipulagsnefndar:
  Mikilvægt er að haldið verði áfram aðgerðum vegna lóðarhreinsunar.
• 4.2 1806016 Umhverfisviðurkenningar 2018
  Umhverfis- og skipulagsnefnd Sveitarfélagsins Voga - 100 Afgreiðsla umhverfis- og skipulagsnefndar:
  Ákveðið að garðaskoðun fari fram 24. júlí. Tilkynning um það verður sett á heimasíðu sveitarfélagsins. Óskað er eftir tilnefningum frá íbúum.
• 4.3 1806008 Ákvörðun um endurskoðun aðalskipulags kjörtímabilið 2018 - 2022
  Umhverfis- og skipulagsnefnd Sveitarfélagsins Voga - 100 Afgreiðsla umhverfis- og skipulagsnefndar:
  Lagt er til að aðalskipulag sveitarfélagsins verði tekið til endurskoðunar og hafinn verði undirbúningur að því. óskað er eftir því við bæjarstjórn að í næstu fjárhagsáætlun verði gert ráð fyrir fjármagni til þessa. Bókun fundar Til máls tóku: BS, ÁL, IG.
• 4.4 1805019 Lyngdalur 1. Ósk um breytingu á deiliskipulagi, stækkun byggingarreits.
  Umhverfis- og skipulagsnefnd Sveitarfélagsins Voga - 100 Afgreiðsla umhverfis- og skipulagsnefndar:
  Samþykkt að tillagan verði grenndarkynnt, málsmeðferð verði í samræmi við 2. mgr. 43. gr. skipulagslaga nr. 123/2010. Grenndarkynna skal tillöguna fyrir íbúum og eigendum Lyngdals 1-5, Lyngdals 2-4, Heiðardals 2, 4 og Leirdals 18, 20, 22, 24.
• 4.5 1806015 Miðbæjarsvæði - Deiliskipulagsbreyting
  Umhverfis- og skipulagsnefnd Sveitarfélagsins Voga - 100 Afgreiðsla umhverfis- og skipulagsnefndar:
  Samþykkt að tillagan verði auglýst, málsmeðferð verði í samræmi við 1. mgr. 43. gr. skipulagslaga nr. 123/2010.
• 4.6 1806014 Heiðarholt 2. Umsókn um byggingarleyfi
  Umhverfis- og skipulagsnefnd Sveitarfélagsins Voga - 100 Afgreiðsla umhverfis- og skipulagsnefndar:
  Umhverfis- og skipulagsnefnd telur að um óveruleg frávik sé að ræða skv. 3. mgr. 43. gr. skipulagslaga nr. 123/2010 og hagsmunir nágranna skerðist í engu og heimilar því frávikið. Málsmeðferð umsóknar verði í samræmi við ákvæði laga um mannvirki nr. 160/2010 og byggingarreglugerð nr. 112/2012.
• 4.7 1806017 Lokaúttektir bygginga
  Umhverfis- og skipulagsnefnd Sveitarfélagsins Voga - 100 Afgreiðsla umhverfis- og skipulagsnefndar:
  Ekki hefur farið fram lokaúttekt á talsverðum fjölda húsa sem hafa verið byggð á undanförnum árum. Unnið hefur verið á greiningu og skráningu þessar bygginga, sem er ekki lokið og verður unnið áfram að því. Í kjölfarið verður viðkomandi byggingarstjórum og húseigendum tilkynnt um ákvæði byggingarreglugerðar varðandi lokaúttektir og þeir hvattir til þess að óska eftir lokaúttekt.

1807004F

• 5.1 1806016 Umhverfisviðurkenningar 2018
  Umhverfis- og skipulagsnefnd Sveitarfélagsins Voga - 101 Nefndin fór í skoðun um sveitarfélagið með það að markmiði að tilnefna lóðir til umhverfisverðlauna. Niðurstaða nefndarinnar að lokinni skoðun er eftirfarandi:
  
  Fyrirtækjalóð
  
  Ísaga fyrir lóð sína undir súrefnisverksmiðju að Heiðarholti 5. Frágangur lóðar er snyrtilegur og til mikillar fyrirmyndar. Ljóst er að hér hefur verið lagður metnaður í umgjörðina þar sem fallegur frágangur og öryggissjónarmið fara vel saman.
  
  Íbúðarlóðir
  
  Jónína Róbertsdóttir og Benedikt Guðbrandsson fyrir lóð sína að Akurgerði 1a. Á stuttum tíma hefur lóð verið umbylt úr órækt í einstaklega fallegan og skemmtilegan garð þar sem útsjónasemi og hugmyndaauðgi ráða ferðinni. Einfaldleiki í hönnun og endurnýtingu gamalla hluta gefa fallegt yfirbragð þar sem hver planta og hlutur nýtur sín.
  
  Anna María Franksdóttir, Sæmundur Þórðarson, Siv Elísabet Sæmundsdóttir og Sigurður H. Valtýsson að Stóru-Vatnsleysu. Aðkoman að bænum er einstaklega falleg þar sem blandað er á skemmtilegan hátt saman villtun plöntum og ræktuðum garði. Á stað sem frá náttúrunnar hendi er erfiður til ræktunar hefur hér tekist vel til í að fegra umhverfið og rækta fallegan gróður og ber vott um mikla natni. Handgert skraut ábúenda gefa lóðinni svo ævintýralegan blæ og ímundunaraflinu lausan tauminn.
  
  Fleira ekki rætt og fundi slitið kl. 20:15
  Bókun fundar Til máls tók: BS, ÁL.

1808001F

• 6.1 1802059 Grænuborgarhverfi. Breyting á deiliskipulagi
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Alls bárust 40 athugasemdir frá 49 aðilum. Umhverfis- og skipulagsnefnd telur brýnt að fara vandlega yfir allar athugasemdir og draga fram hvaða sameiginlegu áhersluatriði komi þar fram. Í ljósi þess leggur nefndin til að frekari umfjöllun um tillöguna verði frestað til næsta fundar. Umhverfis- og skipulagsnefnd leggur til við bæjarstjórn að skipaður verði vinnuhópur til að vinna nánar að útfærslum á skipulaginu með tilliti til athugasemda. Vinnuhópurinn verði skipaður þremur fulltrúum frá E-lista, tveimur fulltrúum frá D-lista og einum fulltrúa frá L-lista.
  
  Tillagan samþykkt samhljóða
  Bókun fundar Til máls tóku: JHH, BS, ÁL.
  
  Tillaga um skipan vinnuhóps er eftirfarandi:
  Fulltrúar E-lista: Áshildur Linnet, Friðrik V. Árnason, Davíð Harðarson
  Fulltrúar D-lista: Andri Rúnar Sigurðsson og Jóna Kristbjörg Stefánsdóttir
  Fulltrúi: L-lista: Gísli Stefánsson.
  
  Samþykkt samhljóða.
• 6.2 1806015 Miðbæjarsvæði - Deiliskipulagsbreyting
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Umhverfis- og skipulagsnefnd leggur til við bæjarstjórn að tillagan verði samþykkt með þeirri breytingu frá auglýstri tillögu að afmarkaður verði byggingarreitur og gerð grein fyrir sorp- og hjólageymslum á lóðinni Keilisholt 1-3. Málsmeðferð verði skv. 42. gr. skipulagslaga nr. 123/2010.
• 6.3 1805019 Lyngdalur 1. Ósk um breytingu á deiliskipulagi, stækkun byggingarreits.
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Tillagan hefur verið grenndarkynnt í samræmi við 44. gr. skipulagslaga nr. 123/2010. Engar athugasemdir hafa verið gerðar við tillöguna. Málsmeðferð verði í samræmi við 2. mgr. 43. gr. skipulagslaga nr. 123/2010.
• 6.4 1805001 Aragerði 12. Umsókn um byggingarleyfi
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Umsóknin hefur verið grenndarkynnt í samræmi við 44. gr. skipulagslaga nr. 123/2010. Engar athugasemdir hafa verið gerðar við umsóknina. Afgreiðslu umsóknarinnar og útgáfu byggingarleyfis vísað til afgeiðslu byggingarfulltrúa í samræmi við ákvæði laga um mannvirki nr. 160/2010 og byggingareglugerð nr. 112/2012.
• 6.5 1806035 Heiðargerði 19. Fyrirspurn um byggingarmál. Bílskúr og viðbyggingar við hús.
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Umsókn um byggingarleyfi ásamt aðaluppdráttum skal grenndarkynna í samræmi við 44. gr. skipulagslaga nr. 123/2010 áður en umsókn um byggingarleyfi er afgreidd. Áskilið er samþykki lóðarhafa aðliggjandi lóðar vegna byggingar bílskúrs í lóðarmörkum.
• 6.6 1808014 Lyngholt 6. Umsókn um stækkun byggingarreits.
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Tekið er jákvætt í fyrirspurnina. Umhverfis- og skipulagsnefnd telur að um óverulegt frávik sé að ræða skv. 3. mgr. 43. gr. skipulagslaga nr. 123/2010 og hagsmunir nágranna skerðist í engu og heimilar því frávikið. Málsmeðferð umsóknar verði í samræmi við ákvæði laga um mannvirki nr. 160/2010 og byggingarreglugerð nr. 112/2012.
• 6.7 1803025 Matsáætlun - Suðurnesjalína 2
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Lagt fram til kynningar.
  
  Fulltrúar D-listans bóka: Allir þeir sem koma að þessu máli eru hvattir hvort sem það er bæjarstjórn eða nefndir að tekið verði tillit til þeirra innan sveitarfélgsins, þ.e.a.s. landeigenda, íbúa og svo framvegis og hlustað verði á þeirra málstað og aðilar kynni sér málin til hlýtar. Áheyrnarfulltrúi L-listans tekur undir bókunina.
  Bókun fundar Til máls tóku: BS
  
  Að beiðni Björns Sæbjörnssonar fylgir bókun fulltrúa D-listans í nefndinni fundargerð bæjarstjórnar. Bókunin er svohljóðandi: Allir þeir sem koma að þessu máli eru hvattir hvort sem það er bæjarstjórn eða nefndir að tekið verði tillit til þeirra innan sveitarfélagsins, þ.e.a.s. landeigenda, íbúa og svo framvegis og hlustað verði á þeirra málstað og aðilar kynni sér málin til hlýtar.
  
• 6.8 1807006 Stækkun Keflavíkurflugvallar
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Engar athugasemdir eru gerðar við drögin.
  
• 6.9 1807010 Auglýsingar meðfram vegum og annars staðar utan þéttbýlis.
  Umhverfis- og skipulagsnefnd Sveitarfélagsins Voga - 102 Afgreiðsla umhverfis- og skipulagsnefndar:
  Bréfið lagt fram. Skipulags- og byggingarfulltrúa falið að fylgja erindinu eftir og óska eftir samstarfi við Umverfisstofnun.

1807002F

• 7.1 1807001 Fjölskyldudagar 2018
  Frístunda- og menningarnefnd Sveitarfélagsins Voga - 74 Fjölskyldudagar í Vogum verða haldnir vikuna 13. - 19. ágúst. Undirbúningur gengur vel og verða félögin boðuð til fundar á næstu dögum til að ræða það sem að þeim snýr í undirbúningi og framkvæmd. FMN hefur undanfarin ár séð um val á skreytingum húsa og hverfa og er ætlunin að svo verði áfram. Dagskrá verður með svipuðu sniði og áður en þó eru alltaf einhverjar breytingar og hátíðin þróast áfram.
  
  Afgreiðsla FMN.
  Ákveðið að fulltrúar í FMN verði boðaðir á samráðsfundinn með félögunum.
  Bókun fundar Til máls tóku: IRH, BS
  
  Bæjarstjórn færir félagasamtökum og öðrum þeim sem komu að framkvæmd fjölskyldudaga 2018 fyrir vel heppnaða framkvæmd.
• 7.2 1609026 Frisbee Golf.
  Frístunda- og menningarnefnd Sveitarfélagsins Voga - 74 Ákveðið hefur verið að setja upp frisbeegolfvöll á svæðinu í kringum Aragerði samkvæmt teikningu sem lögð hefur verið fram. Kvenfélagið Fjóla hefur tekið málið fyrir og samþykkt það fyrir sitt leyti. Von er á körfunum um næstu mánaðamót og stefnt að uppsetningu vallarins í framhaldinu.
  
  Afgreiðsla FMN.
  Málið rætt. Nefndin fagnar tilkomu vallarins og veit að hann er kærkomin viðbót við útivistarmöguleika í sveitarfélaginu. Bókun fundar Til máls tók: BS, ÁE, ÁL.
• 7.3 1807002 Heilsueflandi samfélag.
  Frístunda- og menningarnefnd Sveitarfélagsins Voga - 74 Farið yfir kynningu á heilsueflandi samfélagi frá Landlæknisembættinu. FMN hefur áhuga á að gera Voga að heilsueflandi samfélagi enda ávinningur þess ótvíræður og fjölþættur.
  
  Afgreiðsla FMN.
  Ákveðið að fara í undirbúningsvinnu með haustinu og setja málið af stað. Bókun fundar Til máls tók: IRH
• 7.4 1807003 Heilsuefling eldri borgara í Vogum.
  Frístunda- og menningarnefnd Sveitarfélagsins Voga - 74 Drög að samningi um heilsueflingu eldri borgara í Vogum lögð fram og rædd. Nefndin telur mikilvægt að huga að þætti þessa aldurshóps þegar rætt er um heilsueflingu.
  
  Afgreiðsla FMN.
  Málið rætt. FMN vill kynna sér verkefnið frekar til að geta tekið afstöðu til málsins.
• 7.5 1807004 Viðhald sundlaugar.
  Frístunda- og menningarnefnd Sveitarfélagsins Voga - 74 Vinna við viðhald sundlaugar hefur staðið yfir undanfarnar vikur og er á lokastigi. Búið er að hleypa vatni í allar laugar og gangsetja kerfið. Kominn er nýr kaldur pottur, auk þess sem skipt hefur verið um lagnir og síur fyrir sundlaug og vaðlaug en eldri búnaður var kominn til ára sinna.
  
  Afgreiðsla FMN.
  FMN fagnar því að endurbætur sundlaugar séu komnar vel á veg.

1806006

1808034

1808033