Bæjarstjórn Sveitarfélagsins Voga

162. fundur 27. nóvember 2019 kl. 18:00 - 20:00 á bæjarskrifstofu
Nefndarmenn
  • Ingþór Guðmundsson forseti bæjarstjórnar
  • Bergur Álfþórsson aðalmaður
  • Birgir Örn Ólafsson aðalmaður
  • Inga Rut Hlöðversdóttir varamaður
  • Björn Sæbjörnsson aðalmaður
  • Sigurpáll Árnason aðalmaður
  • Jóngeir Hjörvar Hlinason aðalmaður
Starfsmenn
  • Einar Kristjánsson ritari
  • Ásgeir Eiríksson, bæjarstjóri
Fundargerð ritaði: Einar Kristjánsson bæjarritari
Dagskrá

1.Bæjarráð Sveitarfélagsins Voga - 289

1911002F

Fundargerð 289. fundar bæjarráðs er lögð fram á 162. fundi bæjarstjórnar eins og einstök erindi með sér. Forseti gefur orðið laust um fundargerðina. Bæjarstjórn staðfestir afgreiðslu bæjarráðs á einstökum liðum fundargerðarinnar, nema annað komi fram í bókun undir viðkomandi máli.

2.Bæjarráð Sveitarfélagsins Voga - 290

1911004F

Fundargerð 290. fundar bæjarráðs er lögð fram á 162. fundi bæjarstjórnar eins og einstök erindi með sér. Forseti gefur orðið laust um fundargerðina. Bæjarstjórn staðfestir afgreiðslu bæjarráðs á einstökum liðum fundargerðarinnar, nema annað komi fram í bókun undir viðkomandi máli.
  • 2.1 1907014 Fjárhagsáætlun 2020 - 2023
    Bæjarráð Sveitarfélagsins Voga - 290 Vinufundur bæjarráðs vegna yfirferðar fjárhagsáætlunnar á milli umræðna.
    Fjárhagsáætlun E-listans fyrir Sveitarfélagið Voga 2020 voru unnar inn i fjárhagsáætlunina 2020.
    Að neðan eru áherslur fjárhagsáætlunar E-lista fyrir árið 2020. Hér er gert ráð fyrir áframhaldandi framkvæmdum, niðurgreiðslu lána, lækkun fasteignaskatta og fráveitugjalds til móts við hækkun fasteignamats.
    Gjaldskrárbreytingar verða að mestu í samræmi við verðlagsbreytingar . Í anda lífskjarasamninga er lögð áhersla á kjarabætur til tekjulágra og lækkun skatta, leikskólagjöld lækkuð og þjónustugjöld eldri borgara taka ekki verðlagshækkunum.
    Sveitarfélagið Vogar stuðlar að bættri lýðheilsu og í samræmi við markmið um heilsueflandi samfélag mun verða frítt í sund fyrir íbúa sveitarfélagsins.
    Gert er ráð fyrir að rekstrarafgangur verði um 20 milljónir og að veltufé frá rekstri verði um 93 milljónir sem verði nýtt til helminga til framkvæmda og til styrkingar eiginfjár sveitarfélagsins.
    1.
    Fasteignaskattur lækkar úr 0,33% í 0,32%
    2.
    Fráveitugjald lækkar úr 0,15% í 0,13%
    3.
    Gjaldskrá. Almennar verðlagsbreytingar. Matarbakkar og matarskammtar í Álfagerði fyrir eldri borgara þó undarskildir, óbreytt krónutala og lækka því sem nemur verðlasgbreytingum.
    4.
    Leikskóli, dvalargjald fyrir 8 tíma dvöl lækkar í 25.600.- tímagjald í samræmi við það fyrir allt að 8 tíma dvöl.
    5.
    Gjaldskrá. Frítt í sund fyrir bæjarbúa, en haldið inni í áætlun 800.000.- tekjum, sem aflað verði af gestum í sveitarfélaginu.
    6.
    Gjaldskrá. ? afsláttur af fasteignaskatti til tekjulágra - tekjuviðmið hækkuð um allt að 13% þó mismikið eftir tekjuhópum.
    7.
    Framkvæmdir ? farið verði í endurnýjun yfirlags á Iðndal, Keilisholti og Vogagerði, kostnaðaráætlun um 30.000.000.-
    8.
    Gert verður ráð fyrir 15.000.000.- í stígagerð á Vatnsleysuströnd, sem þó er háð styrkveitingu frá Vegagerðinni.
    9.
    Gert verði ráð fyrir 5.000.000.- í frumathugun á fýsileika lagningu hitaveitu (og vatnsveitu) á Vatnsleysuströnd.
    10.
    Gert er ráð fyrir að framkvæmdafé verði um 93.000.000.- Til framkvæmda verði varið samkvæmt ofanskráðu allt að 50.000.000.- og því rúmar 40.000.000.- sem nýttar verði til að styrkja einginfjárstöðu sveitarfélagsins og til niðurgreiðslu lána.

3.Bæjarráð Sveitarfélagsins Voga - 291

1911006F

Fundargerð 291. fundar bæjarráðs er lögð fram á 162. fundi bæjarstjórnar eins og einstök erindi með sér. Forseti gefur orðið laust um fundargerðina. Bæjarstjórn staðfestir afgreiðslu bæjarráðs á einstökum liðum fundargerðarinnar, nema annað komi fram í bókun undir viðkomandi máli.

4.Skipulagsnefnd Sveitarfélagsins Voga - 8

1911005F

Fundargerð 8. fundar Skipulagsnefndar er lögð fram á 162. fundi bæjarstjórnar eins og einstök erindi bera með sér.
  • 4.1 1810076 Hvassahraun-frístundabyggð. Breyting á aðal- og deiliskipulagi
    Skipulagsnefnd Sveitarfélagsins Voga - 8 Afgreiðsla skipulagsnefndar:
    Tillögurnar hafa verið auglýstar í samræmi við 1. mgr. 31. gr. og 1. mgr. 43. gr. skipulagslaga nr. 123/2010. Engar athugasemdir hafa verið gerðar við tillögurnar á auglýsingatíma. Tillögurnar eru samþykktar óbreyttar og lagt til við bæjarstjórn að þær verði samþykktar. Málsmeðferð verði í samræmi við 32. gr. og 42. gr. skipulagslaga nr. 123/2010.
     Bókun fundar Bæjarstjórn samþykkir breytinguna með 6 atkvæðum. JHH sat hjá.
  • 4.2 1911014 Til umsagnar. Breyting á reglugerð um MÁU og reglugerð um framkvæmdaleyfi
    Skipulagsnefnd Sveitarfélagsins Voga - 8 Afgreiðsla skipulagsnefndar:
    Umsagnarfrestur er liðinn. Lagt fram til kynningar.

5.Umhverfisnefnd Sveitarfélagsins Voga - 4

1911003F

Fundargerð 4. fundar umhverfisnefndar er lögð fram á 162. fundi bæjarstjórnar eins og einstök erindi með sér. Forseti gefur orðið laust um fundargerðina. Bæjarstjórn staðfestir afgreiðslu bæjarráðs á einstökum liðum fundargerðarinnar, nema annað komi fram í bókun undir viðkomandi máli.
  • 5.1 1911009 Sorpflokkun í Sveitarfélaginu Vogum
    Umhverfisnefnd Sveitarfélagsins Voga - 4 Afgreiðsla umhverfisnefndar: Uppfæra þarf heimasíðu vegna endurvinnslutunnu. Nefndin leggur til að sorpflokkun verði samræmd milli allra stofnana sveitarfélagsins og grunnskólinn verði leiðandi í þessu verkefni. Nefndin leggur til að stofnaður verði starfshópur með fulltrúa frá hverri stofnun til að innleiða flokkunina.
    Nefndin sendir frá sér hvatningu til íbúa fyrir hátíðarnar á heimasíðu sveitarfélagsins með hvatningu til vistvæns hugsunarháttar um hátíðirnar.     Bókun fundar Til máls tók: JHH
  • 5.2 1911010 Grænfána Leikskóli
    Umhverfisnefnd Sveitarfélagsins Voga - 4 Afgreiðsla umhverfisnefndar: Málinu frestað þangað til stofnaður hefur verið starfshópur vegna flokkunarmála samanber fyrsta mál.
  • 5.3 1904015 Umhirðuáætlun Sveitarfélagsins Voga
    Umhverfisnefnd Sveitarfélagsins Voga - 4 Afgreiðsla umhverfisnefndar: Nefndin hvetur forstöðumann til að útbúa umhirðuáætlun og leggja fyrir nefndina tvisvar á ári.
  • 5.4 1911011 Haustverk Umhverfisdeildar
    Umhverfisnefnd Sveitarfélagsins Voga - 4 Afgreiðsla umhverfisnefndar: Nefndin leggur til að halda opinn fund um umhverfismál snemma árs 2020. Bókun fundar Til máls tók: JHH

6.Frístunda- og menningarnefnd Sveitarfélagsins Voga - 82

1911001F

Fundargerð 82. fundar frístunda- og menningarnefndar er lögð fram á 162. fundi bæjarstjórnar eins og einstök erindi með sér. Forseti gefur orðið laust um fundargerðina. Bæjarstjórn staðfestir afgreiðslu bæjarráðs á einstökum liðum fundargerðarinnar, nema annað komi fram í bókun undir viðkomandi máli.

7.Fjárhagsáætlun 2020 - 2023

1907014

Síðari umræða í bæjarstjórn um fjárhagsáætlun 2020 - 2023. Staðfesting á gjaldskrá sveitarfélagsins fyrir 2020. Tillaga um samþykkt um laun kjörinna fulltrúa 2020. Samþykkt um útsvarsprósentu árins 2020.
Fjárhagsáætlun 2020 - 2023 er lögð fram til síðari umræðu og afgreiðslu.
Tillagan gerir ráð fyrir að heildartekjur samstæðunnar verði 1.325 m.kr. á árinu 2020, en að heildargjöldin verði 1.266 m.kr. Niðurstaða án fjármagnsliða er áætluð 58,7 m.kr. Rekstrarniðurstaða eftir fjármagnsliði er 37,7 m.kr.
Bæjarstjórn samþykkir framlagða fjárhagsáætlun 2020 - 2023 samhljóða með sjö atkvæðum.
Breytingartillaga um aukinn styrk til UMFÞ um 1,5 millj. kr. þ.e. frá 1 millj. kr. í 2,5 millj. kr.
Bæjarstjórn samþykkir álagningarprósentu útsvars árið 2020 skuli vera 14,52%. Samþykkt samhljóða með sjö atkvæðum.
Bæjarstjórn samþykkir tillögu að gjaldskrá fyrir árið 2020, samhljóða með sjö atkvæðum.
Bæjarstjórn samþykkir framlagða tillögu um laun kjörinna fulltrúa og nefndarmanna, með sex atkvæðum. Fulltrúi L listans sat hjá.

Fjárhagsáætlunin fyrir árin 2020 - 2023 var samþykkt samhljóða með sjö atkvæðum.

Bókun D listans:
Heldur hefur hallað undan fæti í rekstri sveitarfélagsins á líðandi ári. Langtímaskuldir sveitarfélagsins hafa aukist um 186 miljónir á þessu ári sem koma til af annars vegar byggingu þjónustumiðstöðvar og hins vegar vegna forsendubrests sem varð í áætluðum gatnagerðargjöldum sem ekki gengu eftir. Þetta er mikil skuldaaukning ef tekið er mið af rekstri sveitarfélagsins.
Hvað tillögur okkar D lista varðar getum við verið þokkalega sátt við framgang þeirra. Við lögðum til að álagningarprósenta á fasteignaskatti yrði lækkuð. Álagningarprósenta verður lækkuð úr 0,33% í 0,32%. Þarna hefðum við viljað lækka hana niður í 0,29% með þeirri lækkun hefðu álögur á fasteignaskatt á íbúðarhúsnæði verið í takt við þá vísitöluhækkun sem varð á síðasta ári en ekki tekið mið af hækkun fasteignamats. Við lögðum til að útsýnispallur á hafnarsvæði færi í framkvæmd. Þarna höfum við fullan skilning á því að ekki verði ráðist í þessa framkvæmt í þessu árferði. Við lögðum til að komið yrði til móts við eldri borgara með enn frekari niðurgreiðslu á máltíðum. Matur til eldri borgara tekur ekki verðlagsbreytingum svo segja má að um lækkun sé að ræða en við viljum að jafnræðis sé gætt í niðurgreiðslu máltíða til þeirra hópa sem greiða fyrir máltíðir á vegum sveitarfélagsins. Við lögðum til að körfuboltavöllur á skólalóð yrði gerður upp. Ekki stendur til að gera það að sinni þó eitthvað eigi að flikka upp á núverandi völl, en ljóst er að hann þarfnast gagngerar endurnýjunar. Við lögðum til að settur yrði upp ærslabelgur (hoppudýna) við gamla tjaldsvæði/íþróttahús. Áætlaður kostnaður er 2 - 2,5 milljónir. Af þessu verður ekki og þykir okkur það miður. Við lögðum til að fé yrði varið í fegrun og eflingu útisvæða í sveitarfélaginu og áætlaðar eru 2,5 milljónir í það verkefni á næsta ári. Við lögðum til að gert yrði ráð fyrir fjármagni og leitað tilboða til niðurrifs gamla frystihússins og lóðin undirbúin til uppbyggingar. Þetta mál er nú komið í farveg og hefur verið vísað til skipulagsnefndar. Við lögðum til að sveitarfélagið yrði markaðssett sem vænlegur kostur fyrir fólk og fyrirtæki. Í verkefnið fer 1 miljón sem verður að mestu nýtt í netauglýsingar og vakin verði athygli fjárfesta á þjónustulóð á miðbæjarsvæðinu. Við vöktum athygli á og lögðum til að landamerki Sveitarfélagsins Voga og Grindavíkur væru óljós og gert yrði ráð fyrir fjárframlagi vegna mögulegs kostnaðar við málið. Þetta mál hefur komist í farveg inn á endurskoðun aðalskipulags. D listin styður heilshugar við þær gatna og stíga framkvæmdir sem fyrirhugaðar eru á næsta ári sem og athugun er varðar lagningu hitaveitu á ströndinni. Einnig styðjum við ákvörðun meirrihlutans um gjaldfrjálsan aðgang íbúa sveitarfélagins í sund og er það vel gert.
Bæjarfulltrúar D lista þakka starfsfólki sveitarfélagsins, bæjarfulltrúum E lista og bæjarfulltrúa L lista fyrir gott samstarf við gerð fjárhagsáætlunar ársins 2020.

Bókun L listans:
Fulltrúi L listans vill koma fram þakklæti fyrir samstarfið.

Bókun E listans:
Fjárhagsáætlun Sveitarfélagsins Voga fyrir árið 2020
Nú liggur fyrir fjárhagsáætlun fyrir árið 2020.
Lögð er áhersla á að styrkja eigið fé sveitarfélagsins og áframhaldandi uppbyggingu innviða, m.a. viðhald gatnakerfis.
Álögur á íbúa eru lækkaðar, fasteignaskattur lækkar þriðja árið í röð og þá lækkar fráveitugjald einnig.
Áfram er haldið við lækkun leikskólagjalda.
Í samræmi við markmið um heilsueflandi samfélag mun verða frítt í sund fyrir alla íbúa sveitarfélagsins, þá mun sveitarfélagið styðja myndarlega við bakið á íþróttastarfi í Vogum.
Á árinu verður farið í athugun á möguleika á lagningu hita og vatnsveitu á Vatnsleysuströnd.
Tekjuviðmið vegna afsláttar af fasteignaskatti hækkar myndarlega.
Bæjarfulltrúar E lista þakka starfsfólki sveitarfélagsins, bæjarfulltrúum D lista og bæjarfulltrúa L lista fyrir gott samstarf við gerð fjárhagsáætlunar ársins 2020.

Til máls tóku: ÁE, BBA, BS, JHH, IG

Fundi slitið - kl. 20:00.

Getum við bætt efni síðunnar?