Bæjarstjórn Sveitarfélagsins Voga

2008007F

• 1.1 2007027 Boðun 42. hafnarsambandsþings í Ólafsvík
  Bæjarráð Sveitarfélagsins Voga - 312 Lagt fram erindi framkvæmdastjóra Hafnasambands Íslands dags. 24.08.2020, þar sem tilkynnt er um frestun Hafnasambandsþings um óákveðinn tíma.
• 1.2 2006024 Atvinnuleysistölur 2020
  Bæjarráð Sveitarfélagsins Voga - 312 Yfirlit Vinnumálastofnunar um atavinnuleysistölur í ágúst lagðar fram.
  
  Bæjarráð samþykkir eftirfarandi bókun:
  Bæjarráð Sveitarfélagsins Voga lýsir þungum áhyggjum vegna stöðu atvinnumála í Sveitarfélaginu Vogum og á Suðurnesjum. Samkvæmt spá Vinnumálastofnunar fyrir ágúst 2020 er gert ráð fyrir að atvinnuleysi, almennt og minnkandi starfshlutfall, telji um 17% á Suðurnesjum og 13% í Sveitarfélaginu Vogum. Útlit er fyrir að staðan versni enn frekar á komandi vikum og mánuðum, en frá því þessar tölur voru birtar hafa borist upplýsingar um fjöldauppsagnir á svæðinu. Fjöldi einstaklinga á atvinnuleysisskrá er hvergi meiri á einu landsvæði en á Suðurnesjum.
  
  Í ljósi þróunar á heimsfaraldri Covid-19 og þeirra sóttvarnaaðgerða sem stjórnvöld hafa gripið til, þá er ástand og horfur í atvinnumálum nú enn meira áhyggjuefni en var fyrir nokkrum vikum síðan. Eftir að heldur birti til á sumarmánuðum, þá standa nú fjölmörg atvinnufyrirtæki frammi fyrir samdrætti í starfsemi þeirra, sem veldur tekjufalli og hefur í för með sér fækkun starfsfólks. Framundan er erfiður tími fyrir fjölmarga einstaklinga og heimili vegna atvinnumissis og óvissu í atvinnu- og fjármálum.
  
  Bæjarráð Sveitarfélagsins Voga beinir ákalli til ríkisstjórnar og alþingismanna um að vinna með sveitarfélögum á Suðurnesjum og aðilum vinnumarkaðarins að því að leita allra mögulegra leiða til þess að mæta þeim miklu áskorunum sem samfélagið stendur frammi fyrirog leita leiða til að koma hjólum flugtengdrar starfsemi í gang að nýju.
  
  Bæjarráð skorar á ríkisvaldið að styðja við sveitarfélagið vegna mikils samdráttar í tekjum þeirra, þannig að hægt verði að halda uppi eðlilegri þjónustu við íbúa.
• 1.3 1807002 Heilsueflandi samfélag.
  Bæjarráð Sveitarfélagsins Voga - 312 Bæjarráð samþykkir tillöguna. Bæjarráð Sveitarfélagsins Voga vekur athygli á því að um langa hríð hafa ungmenni búsett í sveitarfélaginu haft frían aðgang að sundlauginni í Vogum. Frá og með upphafi árs 2020 hafa allir íbúar sveitarfélagsins haft frían aðgang í sundlaugina.
• 1.4 2008060 Ungmennaráð
  Bæjarráð Sveitarfélagsins Voga - 312 Erindið lagt fram.
• 1.5 2008050 Hafnargjöld-Særós GK-235
  Bæjarráð Sveitarfélagsins Voga - 312 Lagt fram erindi Vogasjóferða ehf. dags. 25.8.2020, beiðni um niðurfellingu hafnargjalda Særósar GK.
  
  Afgreiðsla bæjarráðs:
  Bæjarráð samþykkir að bjóða Vogasjóferðum ehf. gjaldfrest á hafnargjöldum félagsins, á sambærilegan hátt og veittur hefur verið gjaldfrestur á fasteignagjöldum lögaðila í ferðaþjónustu. Gjaldfresturinn er veittur til 6 mánaða.
• 1.6 2008059 Samstarf um innheimtu
  Bæjarráð Sveitarfélagsins Voga - 312 Afgreiðslu málsins er frestað. Bæjarstjóra er falið að taka saman samanburðarupplýsingar fyrir næsta fund bæjarráðs, og að málið verði tekið þá fyrir að nýju.
• 1.7 2004010 Framkvæmdir 2020
  Bæjarráð Sveitarfélagsins Voga - 312 Minnisblaðið lagt fram.
• 1.8 2001034 Mánaðarleg rekstraryfirlit 2020
  Bæjarráð Sveitarfélagsins Voga - 312 Yfirlitið lagt fram.
• 1.9 2007001 Fjárhagsáætlun 2021-2024
  Bæjarráð Sveitarfélagsins Voga - 312 Umfjöllun og yfirferð bæjarráðs um Fjárhagsáætlun. Lögð fram tillaga fulltrúa D-listans um áherslur við gerð fjárhagsáætlunar.
• 1.10 2008053 Skipaþjónustuklasi á Suðurnesjum
  Bæjarráð Sveitarfélagsins Voga - 312 Gestir fundarins kynntu áform um uppbyggingu skipaþjónustuklasa á Suðurnesjum, og svöruðu spurningum bæjarráðsmanna um verkefnið. Fyrir liggur undirrituð viljayfirlýsing Reykjanesbæjar, Reykjaneshafna og Skipasmíðastöðvar Njarðvíkur um verkefnið.
  
  Afgreiðsla bæjarráðs:
  Bæjarráð þakkar heimsóknina og kynningu verkefnisins. Bæjarráð tekur undir stuðning við verkefnið, sem er til þess fallið að bæta atvinnuástandið á Suðurnesjum. Bæjarráð hvetur ríkisvaldið til að styðja við verkefnið á allan mögulegan hátt, enda brýnt nú þegar atvinnuástandið á Suðurnesjum er afar bágborið.
  
• 1.11 Afgreiðslufundur byggingarfulltrúa - 59
  Bæjarráð Sveitarfélagsins Voga - 312 Fundargerð 59. afgreiðslufundar byggingafulltrúa er lögð fram á 312. fundi bæjarráðs.
• 1.12 Afgreiðslufundur byggingarfulltrúa - 60
  Bæjarráð Sveitarfélagsins Voga - 312 Fundargerð 60. afgreiðslufundar byggingafulltrúa er lögð fram á 312. fundi bæjarráðs.
• 1.13 2002001 Fundargerðir HES 2020
  Bæjarráð Sveitarfélagsins Voga - 312 Fundargerðin lögð fram.

2009004F

• 2.1 2009001 Nýtt fiskveiðiár 2020/2021
  Bæjarráð Sveitarfélagsins Voga - 313 Afgreiðsla bæjarráðs:
  Lagt fram.
• 2.2 2009015 Ársskýrsla og reikningur MSS árið 2019
  Bæjarráð Sveitarfélagsins Voga - 313 Afgreiðsla bæjarráðs:
  Gögnin lögð fram.
• 2.3 2009017 Stöndum með íslenskri framleiðslu
  Bæjarráð Sveitarfélagsins Voga - 313 Afgreiðsla bæjarráðs:
  Erindið lagt fram.
• 2.4 2009019 Byggðakvóti 2020-2021
  Bæjarráð Sveitarfélagsins Voga - 313 Afgreiðsla bæjarráðs:
  Erindið er lagt fram. Bæjarráð samþykkir að fela bæjarstjóra að sækja um sérstök skilyrði í samræmi við erindið.
• 2.5 2009002 Styrkbeiðni
  Bæjarráð Sveitarfélagsins Voga - 313 Afgreiðsla bæjarráðs:
  Bæjarráð getur ekki orðið við erindinu.
• 2.6 2009012 Tilnefning í samstarfshóp
  Bæjarráð Sveitarfélagsins Voga - 313 Afgreiðsla bæjarráðs:
  Bæjarráð samþykkir að tilnefna bæjarstjóra í samráðshópinn. Bæjarráð óskar eftir að Félagsþjónustan tilnefni hinn fulltrúa sveitarfélagsins í samráðshópinn.
  
• 2.7 2007001 Fjárhagsáætlun 2021-2024
  Bæjarráð Sveitarfélagsins Voga - 313 Afgreiðsla bæjarráðs:
  Yfirferð og umræða um fjárhagsáætlunarvinnuna.
• 2.8 2001034 Mánaðarleg rekstraryfirlit 2020
  Bæjarráð Sveitarfélagsins Voga - 313 Afgreiðsla bæjarráðs:
  
  Rekstraryfirlitið lagt fram.
  
• 2.9 2003039 Viðaukar við fjárhagsáætlun 2020
  Bæjarráð Sveitarfélagsins Voga - 313 Í viðaukanum er tekið tillit til lækkaðs tekjujöfnunarframlags úr Jöfnunarsjóði sveitarfélagsins að fjárhæð 33 m.kr. Tekjulækkunin kemur til lækkunar á handbæru fé.
  
  Afgreiðsla bæjarráðs:
  Viðaukinn er samþykktur.
• 2.10 2004010 Framkvæmdir 2020
  Bæjarráð Sveitarfélagsins Voga - 313 Afgreiðsla bæjarráðs:
  
  Yfirlitið lagt fram.
• 2.11 2009021 Tenging ljósleiðara - styrkbeiðni
  Bæjarráð Sveitarfélagsins Voga - 313 Afgreiðsla bæjarráðs:
  
  Bæjarráð getur ekki orðið við erindinu.
  
• 2.12 2009014 Breiðuholt 4-Umsókn um lóð
  Bæjarráð Sveitarfélagsins Voga - 313 Afgreiðsla bæjarráðs:
  
  Bæjarráð samþykkir umsóknina.
• 2.13 2002016 Fundargerðir Heklunnar, Atvinnuþróunarfélags Suðurnesja 2020
  Bæjarráð Sveitarfélagsins Voga - 313 Afgreiðsla bæjarráðs:
  Fundargerðin lögð fram.
• 2.14 2003003 Fundargerðir Hafnarsambands Íslands 2020
  Bæjarráð Sveitarfélagsins Voga - 313 Afgreiðsla bæjarráðs:
  Fundargerðin lögð fram.
• 2.15 2002040 Fundargerðir Fjölskyldu-og velferðarráðs 2020
  Bæjarráð Sveitarfélagsins Voga - 313 Afgreiðsla bæjarráðs:
  Fundargerðin lögð fram.
• 2.16 2001035 Fundargerðir Sambands íslenskra sveitarfélaga 2020
  Bæjarráð Sveitarfélagsins Voga - 313 Afgreiðsla bæjarráðs:
  Fundargerðin lögð fram.

2009003F

• 3.1 2002028 Stapavegur 1. Breyting á deiliskipulagi.
  Skipulagsnefnd Sveitarfélagsins Voga - 17 Með erindi stofnunarinnar fylgir frummatsskýrslan, ásamt viðaukum. Skýrslan og viðaukarnir liggja frammi á bæjarskrifstofu, almenningi til sýnis. Stofnfiskur efndi til almenns kynningarfundar í Tjarnarsal miðvikudaginn 9. september 2020, þar sem almenningi gafst færi á að kynna sér áform fyrirtækisins.
  
  Afgreiðsla Skipulagsnefndar:
  Skipulagsnefnd gerir ekki athugasemdir við frummatsskýrsluna. Að mati nefndarinnar er á fullnægjandi hátt gerð grein fyrir fyrirhugaðri framkvæmd og umhverfi, umhverfisáhrifum og mati framkvæmdaraðila á þeim, mótvægisaðgerðir og vöktun. Áformin eru í samræmi við gildandi aðalskipulag sveitarfélagsins. Framkvæmdin er háð umsókn um framkvæmdaleyfi til sveitarstjórnar.
  
  
• 3.2 2009016 Veðurmælingar - umsókn um framkvæmdaleyfi
  Skipulagsnefnd Sveitarfélagsins Voga - 17 Lagðar eru fram tvær umsóknir ráðuneytisins. Annars vegar umsókn um framkvæmdaleyfi vegna veðurfarsmælinga, dags. 9. 9. 2020 og hins vegar umsókn um mælistöð nr. 1370. Með umsóknunum fylgir samþykki landeiganda, Sauðafells ehf., ásamt upplýsingum um gerð masturs, afstöðumyndum og fleiri fylgigögnum. Sótt er um uppsetningu á möstrum, annars vegar 30 m stagað mastur og hins vegar 10 m hátt mastur. Nánar er gerð grein fyrir staðsetningu beggja mastranna í gögnum sem fylgja umsókninni. Umsóknin gerir ráð fyrir mælingarnar standi yfir í 2 ár, og að mannvirkin verði fjarlægð að þeim loknum.
  
  Afgreiðsla Skipulagsnefndar:
  
  Skipulagsnefnd samþykkir umsóknina og heimilar útgáfu framkvæmdaleyfis.
• 3.3 2007008 Jónsvör 3 - Umsókn um byggingaráform og byggingarleyfi
  Skipulagsnefnd Sveitarfélagsins Voga - 17 Með gögnum málsins fylgir skipulagsuppdráttur og afstöðumynd, þar sem fram stækkun byggingarreits sem nemur u.þ.b. 60 cm til norðurs.
  
  Afgreiðsla Skipulagsnefndar:
  
  Skipulagsnefnd fellst á beiðnina og heimilar að reiturinn verði stækkaður í samræmi við það sem fram kemur á uppdrætti. Nefndin samþykkir stækkun með vísan til 3.mgr. 44.gr. Skipulagslaga nr. 123/2010, og gerir ekki kröfu um að breytingin verði grenndarkynnt, enda er um að ræða breytingu er varðar ekki hagsmuni annarra en sveitarfélagsins og umsækjanda.
  
• 3.4 2005039 Grænaborg - breyting á aðalskipulagi
  Skipulagsnefnd Sveitarfélagsins Voga - 17 Eftirfarandi gögn eru lögð fram:
  
  -
  bréf Skipulagsstofnunar dags. 9. september 2020,
  -
  bréf landeigenda Heiðarlands Vogajarða dags. 11. september 2020
  -
  minnisblað staðgengils Skipulags- og byggingafulltrúa dags. 11. september 2020.
  
  Afgreiðsla Skipulagsnefndar:
  
  Málið var áður til umfjöllunar á 13. fundi Skipulagsnefndar þ. 16.6.2020, þar sem samþykkt var að leggja til við bæjarstjórn að tillögurnar verði auglýstar í samræmi við 1.mgr. 31.gr. og 1.mgr. 43. gr. Skipulagslaga nr. 123/2010. Bæjarstjórn staðfesti ákvörðun nefndarinnar á 170. fundi þ. 24.6.2020. Í kjölfarið voru tillögurnar auglýstar, en því miður láðist að leita álits Skipulagsstofnunar áður en tillögurnar voru auglýstar.
  
  Í erindi Skipulagsstofnunar dags. 9.9.2020 eru settar fram athugasemdir og spurningar um einstök atriði skipulagsbreytingarinnar, með ósk um að stofnunin fari yfir þau mál með skipulagsyfirvöldum sveitarfélagsins. Nefndin leggur til að boðað verði hið fyrsta til slíks fundar, þar sem sveitarfélagið mun upplýsa betur um þær efnislegu athugasemdir sem fram koma í bréfi stofnunarinnar.
  Skipulagsnefnd fjallar að svo stöddu ekki um athugasemdir sem borist hafa frá landeigendum, enda liggur endanleg afstaða Skipulagsstofnunar til aðalskipulagsbreytingarinnar ekki fyrir að svo stöddu.
  
• 3.5 1506017 Nýtt vatnsból sveitarfélagsins
  Skipulagsnefnd Sveitarfélagsins Voga - 17 Lögð fram fyrirspurn um matsskyldu, unnin fyrir sveitarfélagið af verkfræðistofunni Verkís. Skýrslan hefur þegar verið send Skipulagsstofnun til umfjöllunar, beðið er niðurstöðu stofnunarinnar um efnislega meðferð málsins. Beðið er staðfestingar á endurskoðuðu svæðisskipulagi Suðurnesja, sem er nauðsynleg forsenda þess að nýtt aðalskipulag öðlist gildi. Staðfesting svæðisskipulagsins bíður þess að Skipulagsreglur Keflavíkurflugvallar verði staðfestar, en það mál er til umfjöllunar hjá Sveitarstjórnar- og samgönguráðuneytinu.
  
  Afgreiðsla nefndarinnar á athugasemdum Skipulagsstofnunar og landeigenda vegna skipulagsbreytingarinnar eru eftirfarandi:
  
  Bréf Skipulagsstofnunar, dags. 18. júní 2020.
  Samræmi við svæðisskipulag Suðurnesja
  
  Bent er á að breyting á aðalskipulagi er háð breytingu á svæðisskipulagi Suðurnesja.
  
  Svar:
  Breyting á aðalskipulagi verður ekki staðfest fyrr en breyting á svæðisskipulagi hefur öðlast gildi.
  
  Breytingartillaga aðalskipulagsins
  1.
  Spurt er hvort með breytingunni verði lögð ný vatnslögn inn í þéttbýlið í Vogum og hvort breytingin kalli á framkvæmdir innan þéttbýlisins.
  2.
  Bent er á að skoða þurfi samspil legu stofnlagnar vatnsveitu við fyrirhugaða legu Suðurnesjalínu 2, sérstaklega hvað varðar hugsanlegan jarðstreng.
  3.
  Bent er á að „aðrir vegir“ eiga við um vegi sem jafnan eru opnir almennri umferð og því eigi ekki að flokka þjónustuveg vatnsbólsins sem slíkan.
  4.
  Vakin er athygli á að skv. 32. gr. laga um náttúruvernd eiga sveitarfélög að leggja fram tillögu að vegaskrá um vegi í náttúru Íslands og að þjónustuvegir Suðurnesjalínu og vatnsveitu eiga erindi á slíka vegaskrá.
  
  Svör:
  1.
  Ný vatnslögn tengist inn á núverandi vatnslögn í námunda við núverandi vatnsból sunnan þéttbýlisins og því verða ekki framkvæmdir innan þéttbýlisins vegna nýs vatnsbóls.
  2.
  Fyrirhuguð vatnslögn þverar lagnastæði Suðurnesjalínu 2 en komi til þess að jarðstrengur verði lagður meðfram Reykjanesbraut verður strengurinn á meira dýpi en vatnslögnin.
  3.
  Þjónustuvegurinn sem vitnað er í er að hluta til stígur sem liggur um undirgöng undir Reykjanesbraut, ekki er leyfð umferð vélknúinna ökutækja á þeim vegi. Þjónustuvegurinn verður fjarlægður af uppdrætti aðalskipulagsbreytingar sem „aðrir vegir“.
  4.
  Í vinnslu er endurskoðun aðalskipulags sveitarfélagsins og í þeirri vinnu verður gerð gerð tillaga að vegaskrá um vegi í náttúru Íslands innan sveitafélagsins.
  
  Framsetning
  Bent er á að betra væri að sýna framkvæmdarsvæðið heildstætt á yfirlitsuppdrætti þar sem breytingin skiptist á milli þéttbýlis- og sveitarfélagsuppdráttar.
  
  Svar:
  Fallist er á þau sjónarmið að gerður verði sérstakur yfirlitsuppdráttur þar sem framkvæmdirnar verða sýndar heildstætt.
  Umhverfismat
  Bent er á að lagning stofnlagnar vatnsveitu og gerð þjónustuvegar teljast tengdar framkvæmdir við vatnsveituna.
  Bent er á að lögn og vegur fara um svæði sem njóta sérstakrar verndar skv. 61. gr. laga um náttúruvernd. Í ljósi þess telur Skipulagsstofnun rétt að skoða aðra valkosti um legu lagnar og þjónustuvegar.
  Skipulagsstofnun telur að setja þurfi skilmála um fyrirkomulag framkvæmda vegna áhrifa á jarðmyndanir og menningarminjar í deiliskipulagi eftir samráð við MI og UST. Þá þarf að gera betur grein fyrir áhrifum sem framfylgd deiliskipulagsins hefur á þessa jarðmyndanir og menningarminjar.
  
  Svar:
  Skilmálar í deiliskipulagi vatnsbólsins vegna framkvæmda við vatnsból verða einnig uppfærðir í samræmi við samráð við MI og UST ásamt sem umhverfismat deiliskipulagsins verður uppfært í samræmi við niðurstöðu umhverfisáhrifa sem koma fram í fyrirspurn un vatnsbólið.
  
  Bréf eigenda 59,06 % Heiðarlands Vogajarða, dags. 24. júní 2020.
  
  Breytingartillögur:
  1.
  Gert verði ráð fyrir sex borholum innan brunnsvæðis/brunnsvæða, þ.e.a.s. fjórum borholum til viðbótar þeim tveimur, sem tillagan gerir ráð fyrir. Hér verður talað um holurnar samkvæmt tillögu sveitarfélagsins sem holur A og B, en þær eru ætlaðar vatnsveitu Sveitarfélagsins Voga. Talað er um viðbótarholurnar samkvæmt tillögu umbjóðenda minna sem holur C, D, E og F., og eru þær ætlaðar til vatnstöku í almennum viðskiptatilgangi. Miðað verði við 25 l/sek úr hverri holu.
  2.
  Kveðið verði á um það í skipulagstillögunum, að samtímis því að framkvæmdum við vatnsból fyrir Sveitarfélagið sunnan Reykjanesbrautar verði lokið (holur A og B), þá falli úr aðalskipulagi og deiliskipulagi núverandi vatnstökusvæði norðan Reykjanesbrautar, þ.e. vatnsból ásamt brunn- og grannsvæði.
  3.
  Aflétt verði vatnsvernd norðan línuvegar fyrir Suðurnesjalínu 1 og á Vogastapagrágrýtinu, þegar vatnsveita Sveitarfélagsins Voga tekur í notkun þær borholur, sem henni eru ætlaðar (A og B). Þetta svæði verði þá ætlað fyrir íbúðabyggð og mengunarlitla atvinnustarfsemi.
  4.
  Tillaga sveitarfélagsins gerir ráð fyrir niðurgrafinni stofnlögn vatnsveitu frá fyrirhuguðu vatnsbóli sveitarfélagsins að þéttbýlinu í Vogum (fyrir holur A-B). Tillaga umbjóðenda minna er, að við hlið hennar verði gert ráð fyrir annarri lögn frá holum C, D, E og F, sem nái norður fyrir Reykjanesbraut, en ekki lengra í bili.
  
  Svör:
  1.
  Skipulagsnefnd er þeirrar skoðunar að þessi skipulagsbreyting eigi einungis við um neysluvatnsöflun fyrir sveitarfélagið.
  2.
  Núverandi vatnsból norðan Reykjanesbrautar verður í notkun þar til nýtt vatnsból sunnan Reykjanesbrautar verður tilbúið til notkunar. Vegna þess er ekki talið rétt að fella núverandi vatnsból norðan Reykjanesbrautar út úr aðalskipulagi að sinni.
  Eins og kemur fram í breytingu á aðalskipulagi verður gerð önnur breyting á aðalskipulagi gerð þegar nýtt vatnsból hefur verið tekið í notkun sem fellst í því að brunn- og grannsvæði núverandi vatnsbóls norðan Reykjanesbrautar verður fellt út úr aðalskipulagi.
  3.
  Eins kemur fram í svari hér að ofan verður vatnsvernd á grannsvæði norðan Suðurnesjalínu aflétt með breytingu á aðalskipulagi þegar nýtt vatnsból verður tekið í notkun.
  Svæðið er skilgreint sem óbyggð svæði og ekki er gert ráð fyrir að breyting verði þar á. Í gildandi aðalskipulagi er sú stefnumörkun að efla enn frekar þéttbýliskjarnann í Vogum, en að uppbygging íbúðarsvæða utan hans verði takmörkuð. í greinargerð aðalskipulagsins kemur einnig fram að óskað hafi verið eftir að skilgreina byggingarsvæði á umræddum svæðum norðan Reykjanesbrautar en ekki er talið raunhæft að það verði innan skipulagstímabilsins (2028). Jafnframt er tekið fram að ekki sé útilokað að uppbygging íbúðarsvæða verði á áðurnefndum svæðum eftir tímabil aðalskipulagsins.
  4.
  Skipulagsnefnd er þeirrar skoðunar að þessi skipulagsbreyting eigi einungis við um neysluvatnsöflun fyrir sveitarfélagið.
  
  
• 3.6 1709026 Umferðaröryggisáætlun Voga
  Skipulagsnefnd Sveitarfélagsins Voga - 17 Málið var áður til umfjöllunar á 15. fundi nefndarinnar þ. 15.7.2020. Lokið er við endurnýjun á umferðaskiltum og merkingum í sveitarfélaginu.
  
  Afgreiðsla Skipulagsnefndar:
  Málið kynnt. Skipulagsnefnd óskar eftir samanburði verkefna og aðgerða sem þegar hefur verið ráðist í og upptalningu á þeim liðum sem eftir eru.
  

2009002F

• 4.1 2009005 Starfsemi íþróttamiðstöðvar 2020
  Frístunda- og menningarnefnd Sveitarfélagsins Voga - 89 Forstöðumaður gerði grein fyrir starfseminni og því sem er framundan í starfseminni. Forstöðumaður svaraði spurningum nefndarmanna.
  
  Afgreiðsla Frístunda- og menningarnefndar:
  
  Nefndin þakkar kynninguna og yfirferðina.
  
  
• 4.2 2009007 Starfsemi Ungmennafélagsins Þróttar árið 2020
  Frístunda- og menningarnefnd Sveitarfélagsins Voga - 89
• 4.3 2009008 Íþrótta- og túmstundafulltrúi Sveitarfélagsins Voga 2020
  Frístunda- og menningarnefnd Sveitarfélagsins Voga - 89 Nýráðinn íþrótta- og tómstundafulltrúi mætti á fundinn, og kynnti sig fyrir nefndinni.
  
  Afgreiðsla FMN:
  Nefndin þakkar kynninguna og býður nýráðinn íþrótta- og tómstundafulltrúa velkominn til starfa.
• 4.4 2009010 Heilsu- og forvarnarvika á Suðurnesjum
  Frístunda- og menningarnefnd Sveitarfélagsins Voga - 89 Að þessu sinni fellur sameiginleg hefðbundin heilsu- og forvarnarvika á Suðurnesjum niður. Gert er ráð fyrir að hvert og eitt sveitarfélag skipuleggi eigin forvarnarviku. Íþrótta- og tómstundafulltrúa falið að taka málið upp á næsta fundi nefndarinnar.
  
  Afgreiðsla FMN:
  Lagt fram.
  
• 4.5 2008027 Dagur félagasamtaka í Vogum 2020
  Frístunda- og menningarnefnd Sveitarfélagsins Voga - 89 Afgreiðsla FMN:
  Nefndin samþykkir tillögu Menningarfulltrúa um að dagur félagasamtaka verði frestað til ársins 2021.
• 4.6 2007001 Fjárhagsáætlun 2021-2024
  Frístunda- og menningarnefnd Sveitarfélagsins Voga - 89 Bæjarstjóri kynntu vinnu við fjárhagsáætlun.
  
  Afgreiðsla FMN:
  Nefndin leggur fram eftirfarandi áherslur vegan fjárhagsáætlunar:
  - Ráðist verði í kaup og uppsetningu á ærslabelg
  - Hugað verði að uppsetningu hundagerðis í sveitarfélaginu
  - Nefndin Óskar eftir að skoðaður verði möguleiki á uppsetningu rennibrautar í sundlauginni.
  - Nefndin hvetur til þess að hugað verði að endurnýjun og viðhaldi leiksvæða og skólalóðar
• 4.7 2009009 Sumarstörf í Sveitarfélaginu Vogum 2020
  Frístunda- og menningarnefnd Sveitarfélagsins Voga - 89 Lagt fram minnisblað bæjarstjóra um sumarstörf í sveitarfélaginu. Alls voru 9 ungmenni sem fengu störf við átaksverkefni hjá sveitarfélaginu í sumar.
  
  Afgreiðsla FMN:
  Lagt fram.
  
  
  
  

2009005F

• 5.1 2008015 Skólahald Stóru-Vogaskóla haustið 2020 m.t.t. Covid-19 ráðstafana
  Fræðslunefnd Sveitarfélagsins Voga - 91 Í máli Hálfdans kom fram að skólahald Stóru-Vogaskóla er með eðlilegum hætti. Allra sóttvarna er gætt og hefur það gengið mjög vel.
• 5.2 2009022 Starfsáætlun Stóru-Vogaskóla 2020-2021
  Fræðslunefnd Sveitarfélagsins Voga - 91 Starfsáætlun Stóru-Vogaskóla lögð fram og kynnt lauslega. Áætlunina má finna á vef skólans. Skólaráð mun taka áætlunina til umfjöllunar og umsagnar á næsta fundi sínum og Fræðslunefnd ákvað að fresta umfjöllun um áætlunina til næsta fundar.
• 5.3 2009023 Tónlistarskóli Sveitarfélagsins Voga (2020)
  Fræðslunefnd Sveitarfélagsins Voga - 91 Í dag eru 10 nemendur í píanónámi, fjórir á biðlista. Þá er boðið upp á söngnám, kór og hljómsveit. Forskóli (blokkflautunám) er í fyrsta og öðrum bekk. Tónlistarskólinn er að sönnu lítill og starf hans viðkvæmt en ánægja er með þá starfsemi sem boðið er upp á. Fræðslunefnd leggur til að stofnuð verði nefnd til að ræða framtíðarsýn skólans og leggur til að leitað sé leiða til að efla hann.
• 5.4 2005032 Endurskoðun reglna um mennta-, menningar- og afreksmannasjóð 2020
  Fræðslunefnd Sveitarfélagsins Voga - 91 Drög að endurskoðuðum reglum lögð fyrir Fræðslunefnd til umsagnar. Nefndin gerir ekki athugasemdir við drögin.
• 5.5 2009020 Kjarasamningur Félags leikskólakennara.
  Fræðslunefnd Sveitarfélagsins Voga - 91 Lagt fram.
  
  Að lokinni umræðu um þennan lið gekk nefndin um húsnæði skólans ásamt skólastjóra og fékk fræðslu um aðbúnað og starfsemina.