Sveitarfélagið Vogar óskar eftir tilboðum í verkið ”Iðndalur – Endurgerð götu – Lagnir - Yfirborðsfrágangur”.
07. apríl 2016
ÚTBOÐ
Sveitarfélagið Vogar óskar eftir tilboðum í verkið ”Iðndalur – Endurgerð götu – Lagnir - Yfirborðsfrágangur”.
Verkið felst í endurgerð neðri hluta götunnar frá gatnamótum Stapavegar, lagningu nýrrar vatnslagnar og yfirborðsfrágangs ásamt yfirborðsfrágangi efri hluta götunnar að gatnamótum Vogabrautar. Um er að ræða uppgröft ónothæfs efnis, afréttingu götuyfirborðs ásamt styrkingu burðarlags, jöfnunarlag, malbikun, lagningu nýrrar vatnslagnar, endurnýjun fráveitu- og vatnslagna, niðurfalla og brunna eftir þörfum skv. nánara mati verkkaupa við framkvæmd verksins. Efri hluta götunnar skal vinna í rétta hæð og ganga frá yfirborði með uppfræstu malbiki sem verkkaupi útvegar.
Helstu magntölur eru u.þ.b:
Uppgröftur 1500 m³
Fyllingar 2200 m³
Malbik 2200 m²
Fráveitulagnir 295 m
Vatnslagnir 360 m
Verkinu skal vera að fullu lokið eigi síðar en 30. september 2016.
Þeir sem hyggjast bjóða í verkið skulu óska eftir útboðsgögnum með því að senda tölvupóst á netfangið byggingafulltrui@vogar.is eða hringja í síma 440 6200 og gefa upp nafn, heimilisfang, síma og netfang og fá þá útboðsgögnin send í tölvupósti.
Útboðsgögn verða afhent frá og með föstudeginum 8. apríl 2016.
Tilboðum skal skilað á skrifstofu Sveitarfélagsins Voga, Iðndal 2, 190 Vogar eigi síðar en miðvikudaginn 20. apríl 2016, kl. 11:00 og verð þá opnuð í viðurvist þeirra bjóðenda sem þess óska.
Sveitarfélagið Vogar
