Samtök atvinnurekenda á Reykjanesi halda atvinnufund í Vogum
30. nóvember 2010
Fimmtudaginn 2. desember, k.l. 12-13, verður hádegisfundur Samtaka Atvinnurekenda á Reykjanesi haldinn í Álfagerði, Vogum.
Á fundinum verður SAR kynnt stuttlega, en áhersla lögð á að ræða atvinnumál Vogamanna og þann stuðning sem SAR getur veitt í þeim efnum.
SAR mun halda fundi í öllum sveitafélögunum fyrir áramót og því mikilvægt að staðarmenn mæti á fundina í spjall um atvinnumál.
Áætlanir SAR eru að halda svona hádegisverðarfundi mánaðarlega og fara milli sveitarfélaga. Þannig verður einn svona fundur fimmta hvern mánuð í hverju sveitarfélagi. Með svona fundum myndast góð tengsl á milli aðila í atvinnulífinu og skoðana- og upplýsingarskipti verða betri.
Í öllum tilfellum verða fundir settir stundvíslega klukkan 12:00 og slitið klukkan 12:55, svo fólk komist til vinnu aftur.
Dagskráin SAR funda fram að áramótum er þessi:
Fimmtudaginn 02 desember, Vogar
Fimmtudaginn 09 desember, Sandgerði
Fimmtudaginn 16 desember, Garður
Álfagerði er salur í sameign Búmannaíbúðanna – beint á móti leikskólanum.
Fjölmennum í Álfagerði á fimmtudaginn kl. 12!
Nánari upplýsingar gefur
Gunnar Ellert Geirsson, framkvæmdastjóri SAR
GSM: 697 7014
