Ný barnaplata, með teikningum leikskólabarna í Vogum

FRÉTTATILKYNNING

Barnaplatan USS... USS.. lítur dagsins ljós.

Á sumardaginn fyrsta sendu tónlistarmennirnir Rafn Sigurbjörnsson og Jóhann Morávek frá sér sína fyrstu barnaplötu.
Plata þessi er mjög aðgengileg börnum. 12 frumsamin lög, sérstaklega samin með unga krakka í huga og sungin af börnum. Síðan kemur ÞJÓÐSÖNGUR ÍSLANDS og svo öll 12 lögin aftur, en einungis spiluð. Þannig gefst öllum kostur á að syngja með, hvort sem það er heima, í leikskólanum, bílnum, sumarbústaðnum, hjá afa og ömmu, eða nánast hvar sem er.
64 bls. bók fylgir disknum, þar sem sjá má alla texta og hljómaganginn í lögunum.
Teikningar eftir  krakkana í Leikskólanum Suðurvöllum í Vogum prýða bókina ásamt ljósmyndir af öllum flytjendum og þeim hljóðfærum sem notuð eru.
Yfir 30 flytjendur eru á þessum disk, börn úr tónlistarskólanum og leikskólunum Krakkakoti og Lönguhólum Höfn í Hornafirði,  ásamt valinkunnum hópi  atvinnu hljóðfæraleikara.
Hér er einnig um hljóðfærakynningu að ræða og eru yfir 20 hljóðfæri kynnt, en þó aldrei fleiri en þrjú í hverju lagi.

USS... USS... barnaplötuna má fá í Skífunni (Kringlan, Laugavegi) Hagkaupum, völdum N1 stöðvum, tonlist.is og víða.

Hlusta má á kynningarmyndband á You Tube:  http://www.youtube.com/watch?v=BlbQfbAM0Ng

Útgefendur eru þeir  Rafn Sigurbjörnsson s:897 2108 ( islandsmyndir@gmail.com ) og Jóhann Morávek  s:661 2879 ( moravek@eldhorn.is ) þar sem hægt er að nálgast nánari upplýsingar og panta diskinn.