Mikil hækkun rafmagns.

Mikil hækkun á rafmagnsgjaldi vegna húshitunar á Ströndinni.

Hreppsnefnd Vatnsleysustrandarhrepps lýsir undrun sinni á miklum hækkunum á

verði raforku til húshitunar frá sl. áramótum að telja.

Í dreifbýli í hreppnum eru hús hituð upp með rafmagni og hefur verið tryggt

fram til þessa að eigendur þessara húsa hafa setið við sama borð og

húseigendur í þéttbýli á Suðurnesjum þegar kemur að kostnaði við hitun húsa.

Eigendur húsa í dreifbýli á Vatnsleysuströnd hafa ekki aðgang að hitaveitu

eins og þorri íbúa á Suðurnesjum en hafa þó ekki borið skarðan hlut frá

borði þegar kemur að húshitunarkostnaði til þessa.

Þegar leitað hefur verið eftir möguleikum þess að hitaveita verði lögð inn

Vatnsleysuströnd hefur verið bent á af stjórnendum HS. hf  að ekki sé talið

nauðsynlegt að leggja hitaveitu á umræddu svæði, þar sem íbúar hafa

möguleika á að hita upp hús sín með niðurgreiddu rafmagni.  Nú er sá kostur

ekki fyrir hendi og telur hreppsnefnd óumflýjanlegt að ráðist verði í

frekari lagningu hitaveitu á Vatnsleysuströnd og hvetur stjórn HS hf. til að

hefja undirbúning slíkrar framkvæmdar hið fyrsta.

Hér að neðan eru tekin dæmi um þær miklu hækkanir sem við  blasa:

Minna-Knarrarnes:  Reikningur 28. des 2004, kr. 11.956.-  

                   Reikningur 25.jan 2005, kr. 20.772.-       Hækkun 74%

Hellur:            Reikningur 28. des 2004, kr. 10.384.-  

                   Reikningur 25. jan 2005 kr.19.219.-        Hækkun  85%

Stóra- Vatnsleysa: Reikningur 28. des 2004, kr. 13.042.- 

                   Reikningur 25. jan 2005, kr. 25.532.-      Hækkun  96%

Narfakot:          Reikningur 28. des. 2004, kr. 13.800.-   

                   Reikningur  25. jan 2005, kr.  24.437.-    Hækkun  77%