Lausar stöður við Heilsuleikskólann Suðurvelli

Lausar stöður við Heilsuleikskólann Suðurvelli

Heilsuleikskólinn Suðurvellir óskar eftir að ráða leikskólakennara í 100% starfshlutfall sem fyrst. Um er að ræða stöðu leikskólakennara á deild og við sérkennslu.

Suðurvellir er þriggja deilda leikskóli sem starfar eftir Viðmiðum heilsustefnunnar og kennsluaðferð Leikur að læra. Virðing og umhyggja eru leiðandi hugtök í leikskólanum og áhersla er lögð á gæði í samskiptum. Yfirmarkmið leikskólans er að auka gleði og vellíðan barna með áherslu á næringu, hreyfingu og listsköpun í leik og starfi.

Sækja skal um á heimasíðu leikskólans http://sudurvellir.leikskolinn.is fyrir 5. febrúar 2020.

Nánari upplýsingar veitir: María Hermannsdóttir leikskólastjóri í síma 690-5716 - 4406240.

Einnig er hægt að senda fyrirspurnir á leikskoli@vogar.is

Fáist ekki menntaðir leikskólakennarar til starfa þá koma aðrir umsækjendur til greina.

Launakjör eru samkvæmt kjarasamningi Launanefndar sveitarfélaga og viðkomandi stéttarfélags.

Konur jafnt sem karlar eru hvött til að sækja um starfið.