Kynningarrit, kynningarfundur, heimsókn.
22. september 2005
Í dag var dreift í öll hús í Vatnsleysustrandarhreppi kynningarriti vegna kosninga um sameiningu Hafnarfjarðar og Vatnsleysustrandarhrepps þann 8.október.
Hér er hægt að skoða kynningaritið.
Laugardaginn 24. september verður boðið upp á kynnisferðir í Vatnsleysustrandarhrepp og í Hafnarfjörð.
Kl. 11.00 er íbúum Hafnarfjarðar boðið í kynnisferð í Vatnsleysustrandarhrepp og fer rútan frá Ráðhúsinu.
Kl. 14.00 er íbúum Vatnsleysustrandarhrepps boðið til Hafnarfjarðar og fer rútan frá íþróttamiðstöðinni.
Íbúar eru beðnir um að skrá sig í ferðina í símum 585 5500 og 424 6660 fyrir kl. 15 á föstudag.
Fundir með íbúum
- Kynningarfundir um kosti og galla sameiningar Hafnarfjarðar og Vatnsleysustrandarhrepps.
Miðvikudaginn 28. september verður haldinn kynningarfundur fyrir íbúa Hafnarfjarðar, fundurinn er í Hafnarborg og hefst kl. 20.
Fimmtudaginn 29. september verður haldinn kynningarfundur fyrir íbúa í Vatnsleysustrandarhreppi, fundurinn verður í Stóru-Vogaskóla, (nýja salnum, gengið inn norðan megin, tjarnarmegin) og hefst hann kl. 20.
Íbúar eru hvattir til að mæta á fundina.
