Íbúaþróun á árinu 2006

Samkvæmt nýútgefnum bráðabirgðatölum Hagstofu Íslands eru íbúar í Sveitarfélaginu Vogum nú 1.106 og hefur fjölgað um 88 íbúa á árinu, eða 8%. Til samanburðar má sjá íbúaþróun í nágrannasveitarfélögunum á Suðurnesjum í meðfylgjandi töflu.

Eins og sjá má fjölgar íbúum á Suðurnesjum umtalsvert umfram landsmeðaltal, sem gefur til kynna að mjög eftirsóknarvert sé að búa á svæðinu enda þjónusta góð og umhverfið fjölskylduvænt.

Hlutfallslega er fjölgunin mest í Sveitarfélaginu Vogum og má rekja hana að mestu til uppbyggingar í Dalahverfi. Á næsta ári má búast við sambærilegri fjölgun þegar allt húsnæði í Dalahverfi verður tilbúið, en í fjárhagsáætlun ársins 2007 er gert ráð fyrir að íbúar verði í árslok 2007 orðnir rúmlega 1.200.

Ljóst er að margar fjölskyldur héldu sín fyrstu jól í Sveitarfélaginu Vogum. Velkomin í Voga og gleðilega hátíð !