Fjölskyldudagurinn 2004. Dagskrá

Fjölskyldudagurinn verður haldinn hátíðlegur laugardaginn 7. ágúst n.k.
Dagurinn verður hlaðinn skemmtilegri dagskrá þar sem allir ættu að finna eitthvað við sitt hæfi. Má þar nefna m.a: dorgveiði, götumarkað, samsýningu listamanna af svæðinu, sundlaugarpartý, fjölbreytt úrval leiktækja, þrautakeppnir,  flugdrekafjör barna, flugeldasýningu, og margt fleira skemmtilegt verður í boði. Veitt verða umhverfisverðlaun 2004.  Um kvöldið verður svo ekta útidansleikur þar sem fjölskyldan mun sameinast í skemmtilegum leikjum, dansi og söng.  

 Dagskráin verður sem hér segir:

Kl:
10.00.      Hin æsispennandi Dorgveiðikeppni,        þrælskemmtilegt verkefni fyrir alla  fjölskylduna.
11:30.     Undankeppni Fyrirtækja Survivor.   Fyrirtæki á svæðinu keppa sín á milli í þungum þrautum með bros á vör.  
13:00.     Fótboltaleikur milli hreppsnefndar  og starfsmanna hreppsins.
14:00.     Karnival stemming, veitt verða umhverfisverðlaun 2004,  tónlist , andlitsmáling,  kaffisala, hin ýmsu leiktæki í boði, má þar nefna geymsneril, hoppikastala, þrautabrautir, Risa Trampolín, Risabox, Candifloss, sjoppa, tombóla,  
úrslit fyrirtækjasurvivor, körfubíllinn verður á staðnum,  leiktækjaþrautir og ýmislegt fleira.  Beltabíll Vís verður opinn fyrir 10 ára og eldri. Hægt  verður að fá sér Tattoo sem dugar í 4 daga, farið verður í leiki og smá þrautakeppni verður  í gangi. 
14:45.  Einar Ágúst og Gunni úr Skítamóral  mæta með gítarinn og skemmta af sinni einskæru snilld.
15:30.    Flugdrekafjör barnanna ( ef veður leyfir).  Börnin koma saman og skreyta himininn í ýmsu litum með flugdrekum. Mættu með þinn eiginn eða fáðu hjá okkur fyrir 100 kr.    
16:00.   Keppni í Olsen Olsen.   Hver verður Olsen meistari.
Ungir sem aldnir hvattir til að taka þátt. Skráning í síma 8984754.  Skemmtileg verðlaun í boði. 

18:00-20:30.  Sundlaugarpartý fyrir  13-18 ára, grillað á staðnum. Dúndur tónlist á svæðinu og stemming sem aldrei fyrr, full af skemmtilegu vatnsfjöri. Mættu ef þú þorir að blotna. 
19:30.   Grillveisla, svakalegt stuð og mikið gaman þar sem fólk kemur saman, lifandi tónlist og góður félagsskapur.
20:30.   Fjölskyldan sameinast svo í ekta útidansleik með tilheyrandi fjöri. Það verður dansað, sungnir  “brekkusöngvar” og tilheyrandi gaman.
23:00.   Flugeldasýning. Stór glæsileg flugelda sýning á vegum Björgunarsveitarinnar. 
23:30.   Fjáröflunardansleikur í Glaðheimum fyrir þá sem hafa úthald í meiri skemmtun.  

Vertu með, taktu þátt og gerum þetta skemmtilegt.

Allir saman, meira gaman.

Kveðja  Tómstundafulltrúi