Deiliskipulag
16. nóvember 2006
AUGLÝSING
um breytingu á deiliskipulagi í Sveitarfélaginu Vogum
Bæjarstjórn Sveitarfélagsins Voga samþykkti á fundi sínum þann 7. nóvember 2006 breytingu á deiliskipulagi við Akurgerði og Vogagerði.
Breytingin nær til íbúðarsvæðis milli Akurgerðis og Vogagerðis sem stækkar um 20 metra til suðurs og minnkar opið svæði til sérstakra nota sem því nemur. Jafnframt hliðrast göngustígur á sama svæði um nokkra metra til suðurs vegna breyttra marka milli íbúðarsvæðis og opins svæðis til sérstakra nota.
Breytingin var auglýst skv. 1. mgr. 26. gr. Skipulags-og byggingarlaga frá 4. apríl 2006 til 16. maí 2006. Tvær athugasemdir bárust og hafa umsagnir sveitarstjórnar um þær verið sendar þeim sem þær gerðu. Athugasemdirnar gáfu ekki tilefni til breytinga og hefur deiliskipulagið verið sent Skipulagsstofnun til yfirferðar.
Þeir sem óska frekari upplýsinga geta snúið sér til skipulags-og byggingarfulltrúa sveitarfélagsins.
Vogum, 16. nóvember 2006.
Skipulags-og byggingarfulltrúi
