Breyting á niðurgreiðslum leikskólagjalda - upplýsingar

Frá og með 1. janúar 2012 varð sú breyting á niðurgreiðslum leikskólagjalda að þær verða framvegis tekjutengdar en ekki bundnar við hjúskaparstöðu foreldra. Allir foreldrar geta því sótt um niðurgreidd leikskólagjöld í samræmi við tekjuviðmið sem Sveitarfélagið Vogar setur.

Bæjarráð samþykkir eftirfarandi tekjuviðmið vegna niðurgreiðslu leikskólagjalda:

TEKJUVIÐMIÐ
Brúttótekjur á ári	Á mánuði	Afsl.
Einstaklingur
0 til 2.576.700 kr.	214.725 kr.	40%
2.576.701 til 3.092.040 kr.	257.670 kr.	20%
Fólk í sambúð
0 til 3.607.380 kr.	300.615 kr.	40%
3.607.381 til 4.328.856 kr.	360.738 kr.	20%

Niðurgreitt leikskólagjald gildir einungis af heilsdagsgjaldi, vegna greiðslu fyrir 8 klst  eða lengri dvöl.


Gjaldskrá leikskóla 2012 (pdf)

Umsókn um niðurgreiðslu leikskólagjalda (pdf)


Fylgigögn sem þurfa að fylgja með umsókn eru eftirfarandi:
Staðfest afrit af síðasta skattframtali (Reitir 2.7 og 3.10 á skattframtali eru teknir til tekna)
ATH! Afrit af skattskýrslu er aðgengileg á heimasvæði hvers og eins hjá skattinum. www.skattur.is

Ef tekjur umsækjanda eru lægri en þær sem koma fram á skattframtali þurfa eftirfarandi gögn einnig að fylgja:
Launaseðlar síðastliðna 3 mánuði
Greiðsluseðlar vegna atvinnuleysisbóta (ef við á)
Yfirlit yfir bætur frá Tryggingastofnun Ríkisins (ef við á)
Yfirlit yfir lífeyrissjóðsgreiðslur (ef við á)


Hægt er að senda umsókn rafrænt á netfangið skrifstofa@vogar.is, þá þurfa að koma þær upplýsingar fram sem beðið er um á umsóknareyðublaðinu ásamt fylgigögnum í viðhengi, einnig er hægt að skila umsókn og fylgigögnum á bæjarskrifstofu frá kl. 8:30-15:30 alla virka daga.

Sækja þarf um fyrir 15. janúar 2012 til að fá leiðréttingu á áðursendum janúar greiðsluseðli sem er á eindaga 16.1.2012, en berist umsókn 16.-30. janúar 2012 verður gerð tvöföld niðurgreiðsla á febrúargjöldum.

Endurnýja þarf umsókn um niðurgreiðslu ár hvert, mun það vera í byrjun skólaárs, nánari upplýsingar síðar.