Appelsínugul viðvörun fyrir Faxaflóa og fleiri svæði

Vindaspá kl. 12.00 þriðjudaginn 10. desember 2019. Af vef Veðurstofu Íslands

Veðurstofa Íslands hefur gefið út appelsínugula viðvörun vegna veðurs á höfuðborgarsvæði, suðurlandi, Faxaflóa, Breiðarfirði, vestfjörðum, Ströndum og norðurland vestra, norðurlandi eystra og miðhálendi. Vindur getur orðið allt að 28 m/s segir á vef Veðurstofu Íslands.

Appelsínugulu ástandi hefur verið lýst yfir á Faxaflóa á tímabilinu 10. desember kl. 13:00 til 11. desember kl. 10:00. Veðurspá fyrir svæðið áætlar að gangi í norðan rok 20-18 m/s. „Víðtækar samgöngutruflanir líklegar, lokanir á vegum og ekkert ferðaveður er á meðan viðvörun er í gildi. Nauðsynlegt er að tryggja lausamuni til að fyrirbyggja foktjón og er ólki bent á að sýna varkárni. Fólk er beðið um að fylgjast vel með veurspám,“ segir í viðvörun Veðurstofunnar

Foreldrar barna í grunnskóla eru beðnir að fylgjast vel með veðri sem og aðra íbúa sveitarfélagsins. Björgunarsveitin Skyggnir er í viðbragðsstöðu og beiðnir um aðstoð fara í gegn um neyðarnúmerið 112.