Afsláttur elli- og örorkulífeyrisþega af fasteignaskatti

Öryrkjum og eldri borgurum er veittur afsláttur af fasteignasköttum og holræsagjaldi íbúðarhúsnæðis til eigin nota í samræmi við Reglur um lækkun og niðurfellingu fasteignaskatts elli- og örorkulífeyrisþega.

Afsláttur reiknast sem hér segir:
Tekjur allt að 1.942.500 á einstakling, hjón allt að 2.940.000                          100 %
Tekjur allt að 2.205.000 á einstakling, hjón allt að 3.360.000                            75 %
Tekjur allt að 2.520.000 á einstakling, hjón allt að 3.727.500                            50 %
Tekjur allt að 2.782.500 á einstakling, hjón allt að 4.200.000                            25 %

Eins og síðasta ár er afslátturinn reiknaður á grundvelli heildarárstekna heimilisins næsta ár á undan álagningarárinu. Það er að segja, afsláttur af fasteignasköttum ársins í ár miðast við tekjur ársins 2010. Þar af leiðandi er fyrst hægt að sækja um afsláttinn þegar skattskýrsla hefur verið unnin.

Umsækjendur skulu leggja fram umsókn á eyðublöðum sem nálgast má hér og á bæjarskrifstofum, ásamt endurriti af skattframtali og örorkumatsvottorð, ef við á.

Umsóknarfrestur er til 15. apríl 2011.