Þrír nemendur hlutu viðurkenningu fyrir námsárangur við útskrift

Júlía Teresa Radwanska og Bragi Hilmarsson. Á myndina vantar Sesselju Dögg Sigurðardóttur.

Úthlutun úr Mennta-, menningar og afrekssjóði Sveitarfélagsins Voga fór fram við hátíðlega athöfn á 17. júní.  Tilgangur sjóðsins er að hlúa að menntun og menningu sem og að veita viðurkenningar fyrir unnin afrek í íþróttum, menningu og listum.

Að þessu sinni voru það þrír nemendur úr 10. bekk Stóru-Vogaskóla sem hlutu viðurkenningu og styrk fyrir framúrskarandi árangur í námi við útskrift.

Verðlaunahafarnir eru þau Júlía Teresa Radwanska, Bragi Hilmarsson og Sesselja Dögg Sigurðardóttir.