Umhverfisverðlaun 2024

Hrönn og Eiður Örn eigendur að Vogagerði 14

Umhverfisverðlaun Sveitarfélagsins Voga voru veitt við hátíðlega athöfn á Fjölskyldudögum. Umhverfisnefnd sveitarfélagsins velur þá garða eða þau verkefni hverju sinni sem nefndin telur hafa staðið sig vel á árinu í málaflokknum.

Að þessu sinni voru veitt tvenn verðlaun. Fyrir fallegasta garðinn hlutu þau Hrönn Sigurðardóttir og Eiður Örn Hrafnsson verðlaun fyrir einstaklega vel hirtan og fallegan garð að Vogagerði 14. Þótti nefndinni standa uppúr vel hirt tréin, fjölbreytt flóra af gróðri og klöpp sem fær fallega að njóta sín.

Umhverfisnefnd vil einnig hrósa öðrum görðum í sveitarfélaginu, þar sjá má að mikið hefur verið lagt í að rækta upp, snyrta og fegra garðana. Þar ber að nefna Brekkugötu 16, Breiðuholt 4 og Heiðargerði 19. Þetta eru garðar sem munu án efa eiga koma til greina til verðlauna á næstunni. Einnig vil nefndin hrósa eigendum Vogagerðis 17 fyrir snyrtilegan garð ár eftir ár, en í þessum snyrtilega garði er margt skemmtilegt að sjá og augljóst að alltaf er mikill metnaður lagður í að gera garðinn fallegan og skemmtilegan.

Einnig hlaut Stóru-Vogaskóli verðlaun fyrir landgræðslustarf sitt. Nemendur hafa með aðstoð kennara og annarra starfsmanna skólans sinnt uppgræðslu nær samfellt í fjóra áratugi. Á vorin er einum kennsludegi varið til að græða upp. Þá er sáð grasfræi, áburði dreift og trjáplöntur gróðursettar.

Jafnframt var Særúnu Jónsdóttur fyrrum kennara við skólann veittur blómvöndur sem þakkir fyrir óeigingjarnt og ómetanlegt starf í þágu landgræðsluverkefnisins. Særún hefur verið drifkraftur verkefnisins í gegnum árin og var því vel að því komin að fá sérstaka viðurkenningu fyrir sín frábæru störf.

Vogagerði 14

Vogagerði 14

Særún Jónsdóttir, fyrrum kennari við Stóru-Vogaskóla