Lausar stöður í Stóru-Vogaskóla

Við í Stóru-Vogaskóla í Vogum við Vatnsleysuströnd leitum að skapandi, faglegum og áhugasömum kennurum og starfsfólki í eftirfarandi stöður fyrir skólaárið 2025-2026:

• Umsjónarkennara á öll stig
• Verkgreinakennara í smíði
• Dönskukennara
• Íþrótta- og sundkennara
• Sérkennara
• Bókasafnskennara/Bókasafnsfræðing í 50% með möguleika á almennri kennslu í 50% stöðu
• Náms- og starfsráðgjafa eða nemendaráðgjafa í 50% með möguleika á almennri kennslu í 50% stöðu

Í Stóru-Vogaskóla eru um 220 nemendur í 1.-10. bekk í stækkandi sveitarfélagi. Lögð er áhersla á fjölbreytt, metnaðarfullt og skapandi skólastarf, þar sem sveigjanleiki og gott starfsumhverfi er í forgangi. Einkunnarorð skólans eru virðing, vinátta og velgengni sem endurspeglast í daglegu starfi. Í skólanum er góður starfsandi og hefur skólinn á að skipa öflugu og áhugasömu starfsfólki..

Skólinn er staðsettur í einstöku umhverfi í nálægð við fjölbreytta náttúru. Stóru-Vogaskóli er Grænfána, UNESCO og Erasmus+ skóli.

Menntunar- og hæfniskröfur:

• Leyfisbréf til kennslu
• Önnur háskólamenntun sem nýtist í starfi
• Þekking og reynsla á teymiskennslu æskileg
• Jákvæðni og sveigjanleiki í samskiptum
• Góð tölvukunnátta, góð þekking á Mentor, upplýsingatækni og notkun rafrænna miðla í kennslu og starfi
• Íslenskukunnátta á stigi C1 samkvæmt samevrópskum tungumálaramma
• Frumkvæði, sjálfstæði og faglegur metnaður
• Ábyrgð og stundvísi
• Áhugi á að starfa með börnum

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Umsækjendur skulu hafa hreint sakavottorð sbr. 11. gr. laga um grunnskóla nr. 91/2008.

Umsóknum skal fylgja skrá yfir menntun og starfsferil, afrit af leyfisbréfi og kynningarbréf.

Umsóknarfrestur er til og með 2. apríl. Umsóknir skulu berast á netfangið hilmar@vogar.is

Nánari upplýsingar veitir Hilmar Egill Sveinbjörnsson skólastjóri.