Umhverfis- og skipulagsnefnd Sveitarfélagsins Voga

Breytingin er eftirfarandi.
Norðan og vestan megin við fótboltavöll eru settir inn byggingarreitir fyrir áhorfendastúkur án skyggnis eða þaks. Heimilt er að byggja allt að 2,0 m háan skjólvegg ofan á manartoppi aftan við stúkurnar. Hámarksstærðir: að norðanverðu: 50 x 9.2 m eða 460 m² að vestanverðu: 50 x 8.3m eða 415 m². Lóð nr. 19 er færð um 3 m til suðurstil samræmis við lóðarblað.

Umhverfis- og skipulagsnefnd samþykkir að tillagan verði kynnt og auglýst í samræmi við 1. mgr. 43. gr. skipulagslaga nr. 123/2010.

Breyting felst í að innan lóðar Iðndals 2 er tekin út 108 m² lóð fyrir dreifistöð rafveitu, sem er til staðar og hefur ekki verið mörkuð sérstök lóð fram að þessu, og minnkar lóð fyrir Iðndal 2 sem því nemur. Markaður er 30 m2 byggingarreitur á lóðinni og sett fram kennisnið sem heimilar allt að 2,3 m háa dreifistöð, komi til endurnýjunar. Einnig er sett inn kvöð um legu lagna og göngustígs fyrir almenning.

Umhverfis- og skipulagsnefnd samþykkir að tillagan verði kynnt og auglýst í samræmi við 1. mgr. 43. gr. skipulagslaga nr. 123/2010.

Lögð fram samantekt forstöðumanns umhverfis og eigna sveitarfélagsins yfir lóðir þar sem safnast hafa upp númeralausir bílar, gámar og aðrir hlutir og umgengni og hreinlæti er ábótavant.

Umhverfis- og skipulagsnefnd beinir því eindregið til Heilbrigðiseftirlits Suðurnesja að gripið verði til viðeigandi aðgerða í samræmi við reglugerð um hollustuhætti nr. 941/2002 og knúið á um úrbætur þar sem þess er þörf og beitt til þess þeim þvingunarúrræðum sem eru heimilar.

Jafnframt er það brýnt að sveitarfélagið sjálft beiti sér í sömu málefnum skv. ákvæðum byggingarreglugerðar nr. 112/2010 sem við eiga.