Umhverfis- og skipulagsnefnd Sveitarfélagsins Voga
Dagskrá
1.Grænuborgarhverfi. Breyting á deiliskipulagi
1802059
Lögð fram að nýju, tillaga að breytingu á deiliskipulagi Grænuborgarhverfis, uppdrættir og greinargerð dags. 11.05.2018. Tillagan hefur verið auglýst í samræmi við 1. mgr. 43. gr. skipulagslaga nr. 123/2010. Einnig lagðar fram athugasemdir sem bárust við tillöguna, 40 athugasemdir frá 49 aðilum, umsögn um athugsemdir, dags. 07.12.2018, ásamt breyttri tillögu að breytingu á deiliskipulagi, breytt 03.12.2018.
Fundi slitið - kl. 18:15.
Umsögn um athugasemdir samþykkt.
Umhverfis- og skipulagsnefnd samþykkir breytta tillögu, dags. 03.12.2018, eftir auglýsingar- og kynningartíma með þeim breytingum sem gerðar hafa verið og eru m.a.:
Á svæðinu austan götunnar Grænuborgar var gert ráð fyrir einu eða tveimur fimm hæða fjölbýlishúsum á hverri lóð innan sama byggingarreits samkvæmt hinni auglýstu tillögu. Sú breyting hefur verið gerð á þeim lóðum að byggingarreit fjölbýlishúsa á hverri lóð er skipt upp í tvo byggingarreiti. Því verða tvö fjölbýlishús á hverri lóð. Fjölbýlishúsin verða allt að fjórar hæðir í stað 5 og er hámarkshæð bygginga 13,5 m yfir gólfkóta jarðhæðar.
Skilmálar fyrir fjölbýlishús á tveimur hæðum (húsagerð E) breytast þannig að innan byggingarreits er val um hvort byggt verður raðhús á tveimur hæðum eða fjölbýlishús á tveimur hæðum.
Fjöldi íbúða innan hringleiðar (götunnar Grænuborgar) var í gildandi deiliskipulagi 160 en verður skv. hinni breyttu tillögu á deiliskipulagi 183. Fjöldi íbúða utan götunnar Grænuborgar er í gildandi deiliskipulagi 86 og verður óbreytt. Heildarfjöldi íbúða á skipulagssvæðinu var í gildandi deiliskipulagi 246 en verður skv. breytingu á deiliskipulagi 269. Hin auglýsta tillaga gerði áður ráð fyrir 487 íbúðum. Deiliskipulagið verður að öðru leyti óbreytt.
Umhverfis- og skipulagsnefnd leggur til við bæjarstjórn að breytt tillaga og umsögn um athugasemdir verði samþykkt. Málsmeðferð verði skv. 42. gr. skipulagslaga nr. 123/2010.