Umhverfis- og skipulagsnefnd Sveitarfélagsins Voga

Erindi frá 190. fundi bæjarráðs sem vísað var til nefndarinnar:
"Lagt fram bréf Björns Sæbjörnssonar f.h. D-listans, þar sem lagt er til að ráðist verði í endurskoðun aðalskipulags með það að markmiði að heimila blandaða byggð í Breiðagerðishverfi.
Fulltrúar E-listans leggja fram svohljóðandi bókun: "Að svo stöddu telja fulltrúar E-listans ekki ástæðu til að ráðast í endurskoðun aðalskipulags sveitarfélagsins eins og erindið ber með sér."
Á fundinum leggur málshefjandi til að gerð verði svohljóðandi orðalagsbreyting á erindinu: "Fulltrúar D-listans leggja fram tillögu um að kannaðir verði möguleikar á breytingu aðalskipulags sveitarfélagsins með það að markmiði að leyfð verði blönduð byggð í Breiðagerðishverfi."
Bæjarráð vísar erindinu þannig breyttu til umfjöllunar Umhverfis- og skipulagsnefndar."

Umhverfis- og skipulagsnefnd ræddi kosti og galla skipulagsbreytinga svæðisins. Með hliðsjón minnispunkta skipulags- og byggingarfulltrúa eftir fund með fulltrúum Skipulagsstofnunar og álits skipulagsráðgjafa telur nefndin ekki vera ástæðu til að breyta landnotkun svæðisins frá því sem er skv. aðalskipulagi.

Umsókn um leyfi fyrir skilti við Reykjanesbraut á mörkum Sveitarfélagsins Voga og Hafnarfjarðar,skv. tölvupósti dags. 04.06.2015, stærð þess er 100x115cm. Fyrir liggur samþykki Vegagerðarinnar.

Umhverfis- og skipulagsnefnd samþykkir að sett verði upp merking jarðvangsins en staðsetning og stærð verði sú sama og bæjarskiltis Sveitarfélagsins Voga, að fengnu samþykki Vegagerðarinnar og samráðs við skipulags- og byggingarfulltrúa.

Bréf Umhverfisstofnunar dags. 29.05.2015 um óheimilar auglýsingar meðfram vegum og utan þéttbýlis.
Með bréfinu er Umhverfisstofnun að vekja athygli á því að í gildi eru lög og reglugerð sem varða skilti utan þéttbýlis.

Lagt fram til kynningar.

Umhverfis- og skipulagsnefnd leggur til að brugðist verði víð erindi bréfsins eftir því sem við á.

Bréf Sambands íslenskra sveitarfélaga, dags. 03.06.2015. Bréf með samþykkt stjórnar Sambands íslenskra sveitarfélaga varðandi fyrirhugaða gróðursetningu skógræktarfélaganna og sveitarfélaganna, laugardaginn 27. júní næstkomandi, í tilefni að 35 ár eru frá því að Vigdís Finnbogadóttir var kjörin forseti Íslands.

Lagt fram til kynningar, ákvörðun um þátttöku er vísað til bæjarstjórnar.

Tölvupóstur Skipulagsstofnunar dags. 29.05.2015.
Skipulagsstofnun vekur athygli á því að þann 1. júní s.l. tóku gildi þau ákvæði laga um mat á umhverfisáhrifum nr. 106/2000, sem lúta að hlutverki sveitarstjórna við að taka ákvarðanir um matsskyldu framkvæmda í C-flokki í 1. viðauka laganna. Samkvæmt 4. mgr. 6. gr. laganna ber sveitarstjórn að taka ákvörðun um matsskyldu þeirra framkvæmda sem tilgreindar eru í C- flokki og háðar eru framkvæmda- eða byggingarleyfi sveitarstjórnar.

Lagt fram til kynningar.

Tölvupóstur frá Minjastofnun Íslands dags. 03.06.2015. Minjastofnun Íslands vekur athygli á að drög að stefnu í minjavernd sem Minjastofnun Íslands hefur unnið að ásamt fornminjanefnd og húsafriðunarnefnd síðan í október á síðasta ári hafa verið gerð aðgengileg á heimasíðu stofnunarinnar www.minjastofnun.is. Með þessu vill stofnunin gefa hagsmunaaðilum tækifæri á að gera athugasemdir við stefnuna. Hægt er að senda inn athugasemdir við stefnuna til 22. júní og skulu þær sendar Ástu Hermannsdóttur, verkefnastjóra, á tölvupóstfangið: asta@minjastofnun.is

Lagt fram til kynningar.