Frístunda- og menningarnefnd Sveitarfélagsins Voga

Starfsmenn svæðisskrifstofu UMFI kynntu starfsemi svæðisskrifstofunnar og helstu verkefni tengd henni. Nefndin þakkar fyrir góða kynningu.

Sveitarfélagið Vogar tekur jákvætt í ályktun FÍÆT um áfengissölu á íþróttaviðburðum
Frístuna og menningarnefnd Sveitarfélagsins Voga fagnar ályktun Félags íþrótta-, æskulýðs- og tómstundafulltrúa á Íslandi (FÍÆT) sem var samþykkt á haustfundi félagsins, þar sem lýst er yfir þungum áhyggjum vegna sölu á áfengi á íþróttaviðburðum. Ályktunin samræmist forvarnarstefnu sveitarfélagsins, sem leggur áherslu á að skapa öruggt og heilbrigt umhverfi fyrir börn, ungmenni og fjölskyldur.
Nefndin tekur undir sjónarmið FÍÆT um að áfengissala á íþróttaviðburðum gangi gegn tilgangi íþróttahreyfingarinnar sem vettvangs heilsueflingar, forvarna og jákvæðs félagslegs þroska. Sveitarfélagið styður þá skoðun að íþróttaviðburðir eigi að vera fyrirmyndarvettvangur fyrir heilbrigt líferni og góðar fyrirmyndir fyrir börn og ungmenni.
Með því að styðja við ályktun FÍÆT undirstrikar Sveitarfélagið Vogar mikilvægi þess að standa vörð um þau gildi sem íþróttir og félagsstarf byggja á og að tryggja jákvæðan og fjölskylduvænan anda á íþróttaviðburðum.
Ályktunin er skref í rétta átt til að efla heilbrigt samfélag og tryggja að íþróttir haldi áfram að vera jákvætt afl í lífi barna og ungmenna. Nefndin skorar á aðra hagaðila að taka þessa ályktun til hliðsjónar í framtíðarákvörðunum sínum.

Framlögð eru drög að umgengnisreglum íþróttamiðstöðvarinnar. Nefndin fjallaði um drögin og gerði ákveðnar athugasemdir. Samþykkt var að fela starfsmani að uppfæra drögin í samræmi við umræður nefndarinnar og leggja fram endurskoðuð drög til afgreiðslu á næsta fundi.

Samþykkt var að fela íþrótta og tómstundafulltrúa að vinna málið áfram.

Fyrsta umræða um framkvæmd fjölskyldudaga 2025.