Frístunda- og menningarnefnd Sveitarfélagsins Voga

Nefndinni líst vel á framkomnar hugmyndir um að tendra ljósin á trénu fyrsta sunnudag í aðventu og tengja hátíðahöld varðandi það við það sem félagasamtök í sveitarfélaginu eru að gera á þeim degi.

Það er nóg um að vera í félagsmiðstöðinni og margir viðburðir þar sem allir eiga að geta fundið eitthvað við sitt hæfi.
Frístunda- og menningarnefnd finnst mikilvægt að komið verði á laggirnar ungmennahúsi fyrir sextán ára og eldri og óskar eftir því að skoðaðir verði möguleikar á því. Virkja má ungmennaráð í því skyni til að fá hugmyndir og tillögur.

Í sumar störfuðu fjórir flokkstjórar í Vinnuskólanum og 46 unglingar við fjölbreytt störf, m.a. hefðbundin störf eins og slátt, hreinsun opinna svæða og slíkt. Einnig að mála gangstéttar og hraðahindranir og margt fleira.
Frístunda- og menningarnefnd óskar eftir því að fyrir næsta sumar verði skoðaðir fleiri möguleikar svo sem að bjóða upp á fleiri og fjölbreyttari námskeið. Var þar til að mynda nefnt námskeið í fjármálalæsi.

Frístunda- og menningarnefnd ákveður að auglýst skuli eftir tillögum að íþróttamanni ársins fyrir árið 2022 og einnig hvatningarverðlauna í samræmi við reglur sveitarfélagsins. Verðlaunin verða afhent sunnudaginn 8. janúar 2023. Auglýst skal eftir tilnefningum og er frestur að skila þeim til og með 10. desember.