Frístunda- og menningarnefnd Sveitarfélagsins Voga

Handritið að bókinni er tilbúið og verið er að vinna í myndum og kortum. Nefndarmenn hlakkar til að fá að sjá bókina þegar hún kemur út enda verður hún mikið rit

Íþróttamaður ársins í Sveitarfélaginu Vogum var útnefndur í janúar og er það Andy Pew. Einnig voru veitt hvatningarverðlaun. Athöfnin var haldin í Tjarnarsal og var henni streymt vegna fjöldatakmarkana. Það er samdóma álit nefndarinnar að athöfnin hafi tekist vel og öll framkvæmd kringum hana.
Frístunda- og menningarnefnd ræddi að skoða reglur um íþróttamann ársins og hvort þörf sé á að endurskoða þær lítillega

Menningarverðlaun Sveitarfélagsins verða afhent sumardaginn fyrsta, 22. apríl næstkomandi. Auglýst verður eftir tilnefningum í byrjun mars

Vegna samkomutakmarkana er ekki unnt að halda skemmtun með hefðbundnum hætti á öskudag en verið er að skoða aðrar leiðir til að halda daginn hátíðlegan, dagskrá verður kynnt fljótlega

Búið er að fresta Safnahelgi á Suðurnesjum fram á haustið og standa vonir aðstandenda hátíðarinnar til að þá verði hægt að halda veglega hátíð eins og verið hefur undanfarin ár en hátíðin féll niður í fyrra