Fræðslunefnd Sveitarfélagsins Voga
Mættir: Helga Friðfinnsdóttir, , Bergur Álfþórsson Snæbjörn Reynisson og Áshildur
Linnet sem jafnframt ritaði fundargerð
Ólafur Tryggvi Gíslason og Kjartan Hilmisson boðuðu forföll
Fundur settur kl. 18:14
1. Staðfest endurritun úr fundargerðabók Vatnsleysustrandarhrepps
Formaður las upp endurritunina og þakkar nefndin skýr svör.
Dagmar Eiríksdóttir mætti til fundar kl. 18:18
2. Bréf frá Lýðheilsustöð, dags. 6. desember 2004 varðandi
kynningarbæklinginn, Allt hefur áhrif, einkum við sjálf
Fræðslunefnd sér ekki að leikskóli og gunnskóli hreppsins geti tekið þátt í
þróunarverkefninu að svo stöddu. Í leikskólanum er nú þegar unnið að
heilsustefnu og ekki er ljóst hvernig mötuneytismálum í grunnskóla verður háttað
næsta skólaár. Fræðslunefnd lýsir þó yfir áhuga sínum á að fylgjast með
framgangi verkefnisins og skoða hvort taka megi upp þessa stefnu þegar fram líða
stundir.
3. Mats- og þróunaráætlun fyrir gunnslóla
Helga lýsti ánægju sinni með mats- og þróunaráætlunina. Formaður spurði hvaða
áhrif starf sérkennsluteymis hefði haft. Snæbjörn fór yfir þær breytingar sem hafa
orðið á formi kennslunnar sem m.a. fellst í því að sérkennarinn kemur í auknu
mæli inní bekkina og nemendur eru ekki teknir út úr bekkjum í sama mæli og
áður. Inní breytingar á sérkennslunni kemur breyting vegna áherslu á
einstaklingsmiðaðnám sem nú er verið að taka upp í skólanum. Dagmar spurði
hvernig fræðslu varðandi t.d. meðhöndlun ofvirkra nemenda, til kennara væri
háttað. Snæbjörn greindi frá því að bæði væri haldin námskeið og námsefni væri
til staðar í skólanum fyrir kennara. Helga spurði hvort sérkennarinn væri
menntaður sem slíkur og svaraði Snæbjörn því að hún hefði árs menntun í
sérkennslufræðum.
Formaður spurði einnig hvenær mætti vænta niðurstaðna á mati samvinnu-
verkefnis milli leikskóla og grunnskóla og hvort þær verði tilbúnar áður en skóli
hefst næsta haust? Snæbjörn væntir þess að skýrslu verði skilað fyrir skólalok
þ.e.a.s. fyrir 15. júní.
Formaður spurði hvort til stæði að ráða námsráðgjafa og húsvörð fyrir næsta
skólaár? Snæbjörn svaraði því til að ekki hefði verið á dagskrá að ráða
násmráðgjafa nema þá í hlutastarf en rætt hefur verið um að ráða húsvörð í hálft
starf.
4. Reglur um skólaakstur
Farið var yfir þær breytingar og athugasemdir sem Snæbjörn hafði við drögin.
Bergur tekur að sér að kanna hvort reglur séu um vegalengd frá bæ að vegi í öðrun
sveitarfélögum og formaður tekur að sér að kanna hvort skólabíllinn er á
rekstrarleigu eða kaupleigu.
5. Skólafatnaður
Formaður lagði til að haldin yrði kynning um málið fyrir foreldra áður en könnun
varðandi málið verði lögð fyrir foreldra. Lagt var til að reynt verði að fá Leif
Garðarsson skólastjóra Áslandsskóla í Hafnarfirði til að kynna reynslu þeirra af
skólafatnaði. Samþykkt að halda kynningarfund í samvinnu við foreldrafélag
skólans og nota tækifærið og kynna einnig vetrafrí næsta skólaár.
6. Starfsmannaráðningar fyrir Stóru-Vogaskóla næsta skólaár
Búið er að auglýsa eftir starfsmönnum fyrir næsta skólaár. Það vantar verk- og
listgreinakennara en ekki er alveg ljóst með allar stöður.
7. Skóladagatal fyrir Stóru-Vogaskóla næsta skólaár
Snæbjörn lagði fram drög að skólatagatali fyrir 2005-2006, en ekki er komið inn
t.d. vetrarfrí ef af því verður. Eftir á að setja inn prófdaga, skólabúðir o.fl.
8. Umræður um grein Bryndísar Schram, Hvað getum við lært af Finnum?
Umræðum frestað vegna fjarveru frummælanda Ólafs Tryggva Gíslasonar.
9. Innflytjendur og grunnskólinn
Formaður kynnti hvað fram fór á málþingi á vegum RKÍ, HÍ, HKÍ, og
Alþjóðahúss. Farið var lauslega yfir fjölda barna sem hafa íslensku sem annað mál
og tvítyngdra barna (í blönduðum hjónaböndum af íslensku móður- eða faðerni).
10. Önnur mál
a) Fjöldi fulltrúa foreldra í fræðslunefnd
Umræður um fjölda fulltrúa foreldra. Fræðslunefnd óskar eftir því að
erindisbréf nefndarinnar verði skýrt hvað varðar fjölda fulltrúa foreldra
sem hafa seturétt á fundum nefndarinnar. Vísar nefndin til 13 gr. og 16. gr.
Grunnskólalaga.
Fleira ekki rætt og fundi slitið kl. 19:55
