Fræðslunefnd Sveitarfélagsins Voga

Lagt fram skóladagatal leikskólans fyrir árið 2014-2015. Fyrirvari er enn um dagsetningu sameiginlegs starfsdags sveitarfélagsins í október. Skóladagatalið er að öðru leyti samþykkt af hálfu nefndarinnar.

Lagðar fram niðurstöður foreldrakönnunar leikskólans, sem unnin var af Skólapúlsinum. Skýrslan er hér lögð fram til kynningar fyrir nefndina, frekari umfjöllun um skýrsluna er ráðgerð síðar, þ.e. eftir umfjöllun og úrvinnslu leikskólans og starfsfólks hans.

Lögð fram viðbragðsáætlun Stóru-Vogaskóla vegna ytra mats á skólastarfi. Viðbragðsáætlunin hefur verið send Mennta- og menningarmálaráðuneytinu.

Lagt fram minnisblað bæjarstjóra dags. 16.04.2014 um húsnæðismál skólans og þörfina fyrir næsta skólaár. Í minnisblaðinu kemur fram að óbreyttu stefni í 30 nemenda árgang 4. bekkjar á næsta skólaári, skólinn gerir því ráð fyrir að tvískipta árgangnum. Leita þarf lausna á málinu, til álita kemur m.a. að útvega færanlega kennslustofu og koma fyrir á skólalóðinni. Fræðslunefnd telur heppilegast að lausn á húsnæðisvanda skólans verði fundin án tilkomu færanlegrar kennslustofu. Að öðrum kosti vísar nefndin málinu til úrlausnar bæjaryfirvalda.

Lögð fram niðurstaða könnunar á framkvæmd reglugerðar nr. 1040/2011 um ábyrgð og skyldur aðila skólasamfélagsins í grunnskólum. Könnunin var unnin fyrir Mennta- og menningarmálaráðuneytið í nóvember og desember 2013.

Skólastjóri kynnti fyrir nefndinni stöðu mála varðandi undirbúning skólastarfsins á næsta skólaári, m.a. hvað varðar mönnun lausra starfa.

Lögð fram samantekt skólastjóra um starfsemi tónlistarskólans, unnin í febrúar 2014.