Fræðslunefnd Sveitarfélagsins Voga

Hálfdan kynnti verkefnið Verkfærakistan sem er hagnýtt námskeið fyrir kennara og annað fagfólk til að vinna með hópa og einstaklinga í samskipta- og félagslegum vanda.
Skólinn mun fá sérfræðinga frá KVAN til að halda slík námskeið í Stóru-Vogaskóla í haust.

Hálfdan Þorsteinsson kynnti nýja heimanámsstefnu Stóru-Vogaskóla sem tekur gildi haustið 2019. Allir nemendur munu fá tækifæri til að ljúka heimanámi sínu á skólatíma og í skólanum, lögð er áhersla á lestur og í stefnunni er skilgreint hvenær nemendur eiga að stunda heimanám og hvenær ekki.
Heimanámsstefnan verður aðgengileg á vef skólans.

Hálfdan fór yfir starfsmannamál. Alexandra Chernyshova er farin í launalaust ársleyfi. Unnið er að því að fá fólk til að leysa þau verkefni sem Alexandra hefur séð um.

Fræðslunefnd fagnar því að komnar séu reglur um fjárhagslegan stuðning við kennara í réttindanámi.

Fræðslunefnd gerir athugasemdir við að skólastjórnendur hafi ekki verið hafðir með í ráðum varðandi þessa ákvörðun um að kaupa þessa þjónustu og einnig tímasetningu hennar. Nefndin telur eðlilegt að í ljósi þess að stefnt sé á náið samband við Suðurnesjabæ í fræðslumálum verði horft til að fræðslustefnur beggja sveitarfélaganna stefni í sömu átt. Nefndin telur að það hefði þurft að undirbúa þessa vinnu betur og í nánara sambandi við stjórnendur og starfsfólk skólanna.
Nefndin telur mikilvægt að hugað sé vel að uppbyggingu tónlistarskóla í sveitarfélaginu við mótun stefnunnar og allri vinnu sem framundan er í uppbyggingu á skólamannvirkjum.

María Hermannsdóttir kynnti málið. Það eru laus pláss í dag en það vantar starfsfólk. Staða á biðlista er þannig að eitt barn er á biðlista en ekki er hægt að taka við því eins og er vegna skorts á starfsfólki. Nemendum hefur fækkað milli skólaára.

María Hermannsdóttir kynnti starfsmannamál. Í dag vantar í tvær stöður.

María Hermannsdóttir kynnti starfsáætlunina. Skólinn gefur út slíka áætlun á hverju hausti.