Fræðslunefnd Sveitarfélagsins Voga

Ragnhildur Hanna Finnbogadóttir, aðstoðarleikskólastjóri, gerði grein fyrir
prófinu og gerði grein fyrir helstu niðurstöðum. Athygli nefndarmanna er jafnframt vakin á læsisstefnu leikskólans, sem er að finna á heimasíðu skólans.

Afgreiðsla Fræðslunefndar:
Lagt fram.

Á fundinum var farið yfir fyrirkomulag varðandi skipulagninga starfsdaga beggja skólastiganna.

Afgreiðsla Fræðslunefndar:
Fræðslunefnd leggur áherslu á mikilvægi þess að starfsdagar beggja skólastiganna séu samræmdir að svo miklu leyti sem það er unnt.

Á fundinum fóru skólastjórnendur yfir þá stefnu sem höfð er til hliðsjónar varðandi íslensku sem annað mál, í skólunum.

Afgreiðsla Fræðslunefndar:
Lagt fram, málið kynnt.

Rætt um möguleika á að sinna ræktun jurta á lóð Stóru-Vogaskóla. Fram kom á fundinum að ræktunarkerin þurftu að fjarlægjast í tengslum við endurbætur á húsnæði skólans, en til standi að koma þeim fyrir að nýju.

Afgreiðsla Fræðslunefndar:
Lagt fram. Fræðslunefnd hvetur til að skoðaðir verði möguleikar á að koma á fót skólagörðum í sveitarfélaginu, sem hluti af tómstundastarfi barna yfir sumarmánuðina, og óskar eftir að Frístunda- og menningarnefnd taki málið til skoðunar.

Skólastjóri Stóru-Vogaskóla gerði grein fyrir vinnu sem nú stendur yfir og snýr að endurskoðun eineltisáætlunar skólans. Með fundarboði fylgdu drög að eineltisáætlun, yfirlit yfir vinnuferlið ásamt reglugerð og áyrgð og skyldur skólasamfélagsins.

Afgreiðsla Fræðslunefndar:
Lagt fram, málið rætt.

Skólastjóri Stóru-Vogaskóla gerði grein fyrir Jafnréttisáætlun skólans. Áætlunin er þegar staðfest af hálfu Jafnréttisstofu.

Afreiðsla Fræðslunefndar:
Lagt fram, málið kynnt og rætt.

Með fundargögnum fylgir erindi Menntamálastofnunar, ásamt tengingu við niðurstöðu rannsóknar sem leiðir í ljós aukningu lesfimi íslensktra skólabarna.

Afgreiðsla Fræðslunefndar:
Lagt fram, málið kynnt.