Fræðslunefnd Sveitarfélagsins Voga

Fræðslunefnd samþykkir framlagt skóladagatal Heilsuleikskólans Suðurvalla.

Skýrslan lögð fram. Ragnhildur Hanna Finnbogadóttir starfandi leikskólastjóri kynnti hana stuttlega en skýrslan verður síðan aðgengileg á heimasíðu skólans.

Fræðslunefnd samþykkir framlagt skóladagatal Stóru-Vogaskóla.

Hilmar Egill Sveinbjörnsson skólastjóri Stóru-Vogaskóla sagði frá starfsemi skólans undanfarinn vetur. Covid hefur litað starf skólans í vetur og aukið verulega álag á starfsfólk.
Nýr tónlistarkennari hóf störf á nýju ári og sér hann um rytmíska tónlist. Skólinn er formlega orðinn Erasmus skóli og tekur þátt í sex ára verkefni á unglingastigi með skólum í Frakklandi og Ítalíu. Nýverið kom hópur frá Frakklandi hingað í heimsókn og í maí fer hópur nemenda frá Stóru-Vogaskóla til Frakklands á móti. Stóra upplestrarkeppnin er framundan í apríl og árshátíð skólans er nýafstaðin og tókst hún einkar vel.
Undirbúningur fyrir 150 ára afmæli skólans er nú í fullum gangi og ýmsar hugmyndir sem verið er að vinna. Haldið verður upp á afmælið 10. september.

Guðbjörg Sveinsdóttir, deildarstjóri fræðsluþjónustu Suðurnesjabæjar sem sat fundinn, fór yfir ýmis mál sem tengjast stoðþjónustu sem Suðurnesjabær sinnir fyrir Sveitarfélagið Voga samkvæmt samningi. Þar er meðal annars um að ræða sálfræðiþjónustu, talmeinaþjónustu og fleira. Nýlega tóku gildi ný lög um samþættingu þjónustu í þágu velferðar barna og hefur fræðsluþjónustan tekið þátt í innleiðingarvinnu fyrir þau. Fræðsluþjónustan vinnur náið með stjórnendum Stóru-Vogaskóla.

Hilmar Egill Sveinbjörnsson er nýráðinn skólastjóri Stóru-Vogaskóla og G. Ingibjörg Ragnarsdóttir nýráðin aðstoðarskólastjóri. Fræðslunefnd óskar þeim báðum til hamingju og velfaðarnaðar í störfum.