Bæjarstjórn Sveitarfélagsins Voga

Fyrir tekið 4. mál, 1308026, tillaga að breygingum á sorphirðugjaldi:
Bæjarstjórn tekur undir og ítrekar bókun bæjarráðs um málið. Bókun bæjarráðs var eftirfarandi: "Með vísan til svokallaðrar mengunarbótareglu (enska:Polluter pays principle) telur bæjarráð Voga ekki óeðlilegt að þeir sem losa gjaldskylt sorp greiði fyrir þá þjónustu á gámaplönum Sorpeyðingarstöðvar Suðurnesja. Ef rekstur sorpeyðingarstöðvarinnar hefur svigrúm til lækkunar gjalda telur bæjarráð eðlilegt að sorpeyðingargjöld séu lækkuð almennt á íbúa á Suðurnesjum."

Fundargerðin samþykkt samhljóða með sjö atkvæðum

Til máls tóku: Oddur Ragnar, Þorvaldur Örn

Fundargerðin samþykkt samhljóða með sjö atkvæðum.

Til máls tóku: Oddur Ragnar.

Fyrir tekið 1. mál, 1304072, samstarfssamningur við Mfl. Þróttar.
Björn Sæbjörnsson leggur fram svohljóðandi bókun: "Á fundi bæjarstjórnar í vor var ákveðið að fela Ásgeiri bæjarstjóra og Stefáni Frístunda- og menningarfulltrúa að klára að vinna samstarfssamninga við félagasamtök í bænum. Eins og fram kemur í fundargerð FMN hefur þessu verklagi ekki verið fylgt eftir og FMN kemur að samningi við meistaraflokk Þróttar sem beinn samningsaðili í staðinn fyrir að vera sá aðili sem fær samninginn til yfirlestrar og athugasemda á sínum fundum, og geta þannig skilað minnisblaði til bæjarráðs um það sem betur mætti fara. Nú á eftir að taka upp samninga við flest félagasamtök í bæjarfélaginu og þess vegna spyr ég á að vinna þá samninga eins og ákveðið var og ég tel heillavænlegast og skilvirkast, eða á FMN að sitja sem beinn samningsaðili í þessum samningum og þeir svo fara beint til bæjarráðs án frekari umfjöllunar."

Kristinn Björgvinsson óskar bókað: "Á 85. fundi bæjarstjórnar var bæjarstjóra og frístunda- og menningarfulltrúa falið að ganga frá samningi við meistaraflokk Þróttar. Ég spyr nefndarmenn frístunda- og menningarnefndar eftirfarandi: Er rétt að verki staðið að ef senda á mál til umsagnar í nefnd, að sama fólkið skoði málið í nefndum til að fá það til glöggvunar, á fundum bæjarstjórnar og bæjarráðs? Svar óskast frá nefndarmönnum og að svarið verði bókað í fundargerð."

Ingþór óskar bóka eftirfarandi svar við fyrirspurn Kristins: "Ég sé ekkert að því svo fremi sem viðkomandi bæjarfulltrúi sé ekki vanhæfur."
Oddur Ragnar óskar bókað: "Sem formaður nefndarinnar og Þróttari fagna ég því að ekki skuli vera gerðar efnislegar athugasemdir við samstarfssamninginn. Samningurinn var unninn af bæjarstjóra og Frístunda- og menningarfulltrúa og sendir nefndinni til umfjöllunar og ég tel því að ákvörðun bæjarstjórnar hafi verið fylgt. Ég bendi á í því sambandi að fulltrúi L-listans tók þátt í afgreiðslu nefndarinnar á samningnum í nefndinni."
Þorvaldur Örn tekur undir gagnrýni Kristins, telur að það sé komið úr hófi fram að þrír bæjarfulltrúar sitji í nefnd eins og raunin er með Frístunda- og menningarnefnd.
Erla bendir á að samningurinn hafi verið sendur til bæjarráðs til afgreiðslu. Jafnframt er bent á að fulltrúar viðsemjenda sátu einungis hluta fundarins og tóku því ekki þátt í umfjöllun um samninginn.

Fyrir tekið 2. mál, 1308001, Fjölskyldudagar:
Kristinn óskar að eftirfarandi verði bókað: "Ég tek undir bókun nefndarinnar. Ég harma það að FMN sjái sér ekki fært í þessari bókun að þakka hinum fjölmörgu félagasamtökum fyrir aðkomu þeirra að fjölskyldudeginum. Hér með færi ég félagasamtökunum þakkir fyrir þeirra hlut í framkvæmd fjölskyldudagsins." Bæjarstjórn tekur undir þakkir til félagasamtaka þeirra sem tóku þátt í framkvæmd fjölskyldudagsins.

Fyrir tekið 7. mál, 1309010, fundir Varnar, forvarnarteymis Garðs, Sandgerðis og Voga.
Ingþór gerði að umtalsefni breytingar á löggæslumálum í sveitarfélaginu, sem fjallað er um í fundargerðinni og vitnað var í. Svohljóðandi bókun var lögð fram: "Bæjarstjórn Sveitarfélagsins Voga harmar að ekki skuli vera lengur viðvera lögreglumanns í sveitarfélaginu og skorar á viðkomandi yfirvöld að endurskoða þá ákvörðun." Samþykkt samhljóða.


Fundargerðin samþykkt samhljóða með sjö atkvæðum.


Til máls tóku: Oddur Ragnar, Björn, Kristinn, Ingþór, Þorvaldur Örn, Björn, Erla, Ásgeir, Sveindís.

Fyrir tekið 4. mál, 1307007, Umhverfis- og ræktunarmál: Þorvaldur Örn leggur til auk þeirra sem nefndir eru í fundargerðinni verði jafnframt verði leitað ráðgjafar hjá Landgræðslunni í málinu.

Fundargerðin samþykkt samhljóða með sjö atkvæðum.

Til máls tóku: Oddur Ragnar, Kristinn, Þorvaldur Örn.

Fundargerðin samþykkt samhljóða með sjö atkvæðum.

Til máls tóku: Oddur Ragnar.

Fyrir tekið 1. mál, 1309019, framkvæmdir við sjóvarnargarða: Þorvaldur Örn vakti máls á gerð sjóvarnargarðs við Stóru-Vogaskóla og Vogatjörn, og telur rétt að leita annara leiða en gerð sjóvarnargarðs úr grjóti á þessum stað.

Fundargerðin samþykkt samhljóða með sjö atkvæðum.

Til máls tóku: Oddur Ragnar, Þorvaldur Örn, Kristinn.

Samstarfssamningur Sveitarfélagsins Voga og Meistaraflokks Þróttar (Knattspyrnufélags Voga) lagður fram til samþykktar.

Bæjarstjórn þakkar Meistaraflokki Þróttar öflugt og gott starf og væntir góðs starfs á komandi árum.
Samningurinn samþykktur samhljóða með sex atkvæðum. Þorvaldur Örn situr hjá við afgreiðslu málsins, þar sem honum hafi ekki gefist færi á að kynna sér samninginn.

Til máls tóku: Oddur Ragnar, Björn, Kristinn, Þorvaldur Örn.