Bæjarstjórn Sveitarfélagsins Voga

Tekið fyrir 1. mál af dagskrá bæjarráðs þann 7.02.2024

Úrsögn Reykjavíkurborgar úr Reykjanesfólkvangi - 2401052



Lagt fram bréf frá Reykjavíkurborg v. úrsagnar úr Reykjanesfólkvangi.





Einnig lögð fram fundargerð stjórnar Reykjanesfólkvangs dags. 22.01.2024 auk minnisblaðs bæjarstjóra.



Afgreiðsla bæjarráðs:

Bæjarráð tekur undir þau sjónarmið sem fram koma í erindi Reykjavíkurborgar og bókun borgarstjórnar við afgreiðslu tillögu um úrsögn Reykjavíkurborgar úr Reykjanesfólkvangi. Leggur bæjarráð til við bæjarstjórn að Sveitarfélagið Vogar fari að fordæmi Reykjavíkurborgar, segi sig frá þátttöku í Reykjanesfólkvangi og óski eftir því við Umhverfis-, orku-, og loflagsráðuneytið að auglýsingu um fólkvang á Reykjanesi nr. 520/1975 með síðari breytingum verði breytt til samræmis við framangreinda ákvörðun.



Samþykkt samhljóða með fjórum atkvæðum.

Tekið fyrir 2. mál af dagskrá fundar Skipulagsnefndar þann 20.02.2024

Frístundasvæði við Breiðagerðisvík - Deiliskipulagsmál - 2104030



Tekið fyrir að nýju eftir auglýsingu í samræmi við 1. mgr. 41. gr. skipulagslaga nr. 123/2010.



Afgreiðsla skipulagsnefndar: Nefndin fór yfir umsagnir og athugasemdir í samræmi við 3. mgr. 41. gr. skipulagslaga nr. 123/2010 og samþykkir tillögur að svörum athugasemda og umsagna. Nefndin leggur til við bæjarstjórn að samþykkja skipulagstillögur skv. áðurnefndri grein skipulagslaga nr. 123/2010.