Bæjarráð Sveitarfélagsins Voga

Lagðar fram tillögur að breyttum reglum um Tjarnarsal. Breytingunum er ætlað að koma til móts við mismunandi notkun salarins og aðlaga reglurnar að því.
Bæjarráð tekur jákvætt í erindið og felur bæjarstjóra að áframhaldandi úrvinnslu málsins.

Lögð fram fundargerð 684. fundar stjórnar Sambands sveitarfélaga á Suðurnesjum (SSS), haldinn 17.12.2014.

Lögð fram fundargerð 370. fundar stjórnar Hafnarsambands Íslands, haldinn 11.12.2014.

Lögð fram fundargerð 454. fundar stjórnar Sorpeyðingarstöðvar Suðurnesja, Kölku, haldinn 10.12.2014.

Lögð fram fundargerð 244. fundar stjórnar BS haldinn 1.12.2014
Lögð fram fundargerð 245. fundar stjórnar BS haldinn 9.12.2014

Lögð fram fundargerð stjórnar DS haldinn 26.11.2014.

Lögð fram fundargerð 12. fundar stjórnar Þekkingaseturs Suðurnesja haldinn 26.11.2014.

Lögð fram fundargerð 93. fundar Fjölskyldu- og velferðarnefndar haldinn 12.12.2014. Jafnframt lagðar fram tillögur að breytingum á reglum um fjárhagaðstoð hjá Sandgerðisbæ, Garði og Vogum, sbr. 21.gr. laga um félagsþjónustu sveitarfélaga, nr. 40/1991, með síðari breytingum. Bæjarráð samþykkir tillögurnar fyrir sitt leyti. Fundargerðin að öðru leyti lögð fram.

Lagður fram tölvupóstur formanns Björgunarsveitarinnar Skyggnis dags. 3.1.2015, ásamt bréfi til bæjarstjórnar dags. sama dag. Bæjarráð felur bæjarstjóra áframhaldandi úrvinnslu málsins.

Lögð fram ályktun fulltrúa starfsmanna Brunavarna Suðurnesja, sem samþykkt var 8.12.2014. Í ályktuninni er fjallað um vinnubrögð stjórnar varðandi málefni Brunavarna Suðurnesja.

Lagt fram bréf Eignarhaldsfélags Brunabótafélags Íslands dags. 24.10.2014. Í bréfinu er upplýst að hlutdeild Voga í Sameignarsjóði EBÍ er 0,436% og að greiðsla til sveitarfélgsins sé kr. 218.000

Lagt fram bréf HS Veitna hf. dags. 23.12.2014. Í bréfinu er óskað eftir viðræðum við bæjarstjórn um vatnsverð samkvæmt samningi aðila frá 2001 og lögum um vatnsveitur sveitarfélaga. Einnig er gert ráð fyrir að í viðræðunum verði rætt um stöðu vatnsöflunar og önnur mál er varða samskipti HS Veitna og Vatnsveitu Voga. Með fundarboðinu fylgir samningur aðila dags. 23.1.2001.
Bæjarráð tekur jákvætt í erindið og felur bæjarstjóra að ákveða fundartíma í samráði við bréfritara.

Lagt fram bréf Stígamóta, dags. 10.12.2014. Í bréfinu er óskað eftir fjárstuðningi við starfsemi samtakanna fyrir árið 2015.
Bæjarráð samþykkir að styrkja verkefnið um kr. 20.000, færist á lið 0261-9695 (Forvarnir). Samþykkt samhljóða.

Lagt fram bréf framkvæmdastjóra UMFÍ, dags. 10.12.2014. í bréfinu er vakin athygli á að auglýst hefur verið eftir umsóknum frá sambandsaðilum UMFÍ um að taka að sér undirbúning og framkvæmd 28. landsmóts UMFÍ árið 2017. Fram kemur að sambandsaðilar UMFÍ þurfi samþykki þess sveitarfélags þar sem mótið skal haldið.

Lagt fram bréf Landssambands slökkviliðs- og sjúkraflutningamanna, dags. 1.12.2014. Í bréfinu er óskað eftir fjárframlagi til styrktar eldvarnarátaki í grunnskólum árið 2014, en slökkviliðs- og sjúkraflutningamenn heimsóttu nemendur í þriðja bekk grunnskóla um allt land, ræddu við þá um eldvarnir og afhentu þeim og fjölskyldum þeirra vandað fræðsluefni um eldvarnir.
Bæjarráð samþykkir að styrkja verkefnið um kr. 50.000, tekið af lið 0721 (Brunavarnir).
Samþykkt samhljóða.

Lagður fram tölvupóstur Ástu Ragnheiðar Jóhannesdóttur, framkvæmdastjóra 100 ára afmælis um kosningarétt kvenna, dags. 5.8.2014. Í tölvupóstinum eru sveitarfélagið hvatt til að minnast tímamótanna með sýningum, málþingum, fyrirlestrum og öðrum viðburðum.
Bæjarráð vísar málinu til umfjöllunar í Frístunda- og menningarnefnd.

Lagt fram bréf Vinnumálastofnunar til stjórnar Sambands íslenskra sveitarfélaga dags. 13.11.2014, um viðtalsaðstöðu fyrir ráðgjafa Vinnumálastofnunar. Einnig lagt fram svarbréf Sambands íslenskra sveitarfélaga, dags. 2.12.2014 vegna sama máls.

Lagt fram bréf framkvæmdastjóra UMFÍ, dags. 12.12.2014 þar sem vakin er athygli á tillögu sem samþykkt var á 39. sambandsráðsfundi UMFÍ, haldinn 11. október 2014. Í tillögunni er þeim sveitarfélögum sem stutt hafa við bakið á iðkendum ungmenna- og íþróttafélaga með því að sjá þeim fyrir gistingu í sínu húsnæði. Jafnframt hvetur samráðsfundurinn öll sveitarfélög til að leggja sitt að mörkum til að þessir hópar fái gistingu á viðráðanlegu verði.

Lagt fram bréf formanns stjórnar BS dags. 8.12.2014, ásamt afriti af bréfi stjórnar BS til Slökkviliðs höfuðborgarsvæðisins dags. 5.12.2014, þar sem óskað er eftir viðræðum á milli stjórna Slökkviliðs höfuðborgarsvæðisins og Brunavarna Suðurnesja, B.S., um hugsanlega sameiningu slökkviliða.