Bæjarráð Sveitarfélagsins Voga

Lagt fram bréf Umhverfis- og auðlindaráðuneytisins, dags. 1. september 2014, þar sem kynnt eru drög að nýrri reglugerð um starfsemi slökkviliða. Jafnramt er lögð fram á fundinum umsögn Sambands íslenskra sveitarfélaga um drögin, dags. 24.09.2014.

Lögð fram fundargerð 36. aðalfundar Kölku frá 21.08.2014.
Lögð fram fundargerð 451. fundar stjórnar Kölku frá 11.09.2014.

Lögð fram fundargerð 243. fundar stjórnar HES frá 23.05.2014
Lögð fram fundargerð 244. fundar stjórnar HES frá 10.09.2014

Lögð fram fundargerð 367. fundar stjórnar Hafnarsambandsins, sem haldinn var 3. september 2014.

Lögð fram fundargerð 92. fundar þjónustuhóps aldraðra á Suðurnesjum haldinn 29. september 2014.

Lögð fram fundargerð 12. fundar stjórnar Reykjanes jarðvangs frá 3. september 2014.
Lögð fram fundargerð aðalfundar Reykjanes jarðvangs frá 3. september 2014, með fundargerðinni er einnig lögð fram skýrsla stjórnar, ársreikningur ásamt tillögu að árgjöldum.

Lögð fram fundargerð 680. fundar stjórnar SSS frá 4. september 2014.
Lögð fram fundargerð 38. aðalfundar SSS sem haldinn var 12. - 13. september 2014.

Lögð fram fundargerð 818. fundar stjórnar Sambands íslenskra sveitarfélaga sem haldinn var 12. september 2014.

Lögð fram fundargerð stjórnar DS frá 27. ágúst 2014.
Lögð fram fundargerð framhaldsaðalfundar DS frá 8. september 2014.

Lögð fram fundargerð undirbúningshóps um stofnun Öldungaráðs Suðurnesja dags. 6.10. 2014.

Lögð fram ályktun aðalfunds Samtaka ungra bænda sem haldinn var í Úthlíð 22. mars 2014, um varðveislu landbúnaðarlands.

Lögð fram samantekt Félagsþjónstu Sandgerðis, Garðs og Voga um fjárhagsaðstoð í sveitarfélögunum fyrstu níu mánuði ársins 2014.

Lagt fram minnisblað bæjarstjóra dags. 6. október 2014, þar sem m.a. kemur fram verkáætlun og helstu dagsetningar varðandi vinnu við gerð fjárhagsáætlunar 2015 - 2019. Einnig er lagt fram upplýsingarit Sambands íslenskra sveitarfélaga um helstu forsendur við gerð fjárhagsáætlunar.

Á fundinum er lagðir fram þrír samningar um beitarhólf, frá árunum 1992, 2005 og 2008.
Bæjarráð leggur til að mótuð verði stefna um nýtingu beitarhólfa, ásamt því hvernig skuli háttað rekstri og viðhaldi girðinga. Stefnumótunin verði unnin í samráði við fjáreigendur í sveitarfélaginu.

Lagt fram bréf átaksins "Við stólum á þig", dags. 15. september 2014. Í bréfinu er sveitarfélaginu boðin þátttaka í verkefninu m.a. með kaupum á burðarpokum sem eru sérmerktir sveitarfélaginu. Bæjarráð getur ekki orðið við erindinu.

Lagt fram bréf Nönnu Lovísu Zophaníasdóttur dags. 19.09.2014, um lokun vegar milli Neðri-Brunnastaða og Naustakots. Bæjarráð bendir á að fyrir liggur ákvörðun bæjarstjórnar um að vegur þessi skuli vera opinn almennri umferð, jafnframt því sem bæjarstjóra er falið að svara bréfritara.

Lagður fram tölvupóstur frá Þuríði Halldórsdóttur, verkefnisstjóra hjá Markaðsstofu Reykjaness, dags. 3. september 2014. Í tölvupóstinum er óskað eftir að sveitarfélagið tilnefni fulltrúa í sameiginlegt markaðsráð Markaðsstofu Reykjaness og Reykjanes jarðvangs. Bæjarráð tilnefnir bæjarstjóra sem fulltrúa sinn í ráðinu.

Mengunar varð vart í vatnsbóli sveitarfélagsins í upphafi september 2014. Mengunin hvarf á nokkrum dögum. Lögð fram greinargerð Heilbrigðiseftirlits Suðurnesja dags. 16. september 2014 um málið. Í greinargerðinni er fjallað um aðgerðir bæði til skemmri og lengri tíma.
Bæjarráð álítur mikilvægt að málefni vatnsveitu og öryggi í gæðum neysluvatns séu höfð í fyrirrúmi. Óskað er eftir viðræðum við HS Veitur um framtiðarlausn í málefnum neysluvatns, þ.e. öflunar, miðlunar og dreifingar þess.

Lagt fram bréf Birgis Þórarinssonar, dags. 1. september 2014, kvörtun vegna málsmeðferðar skipulags- og byggingafulltrúa og umhverfis- og skipulagsnefndar (2010 - 2014), vegna umsóknar um byggingu 40 m2 bændakirkju að Minna-Knarrarnesi.
Bæjarráð hafnar því að um persónulega óvild sé að ræða í garð bréfritara af hálfu byggingafulltrúa. Úrvinnsla málsins hefur byggst á því grundvallaratriði að deiliskipulag sé unnið á grundvelli aðalskipulags, en ekki hverfisverndar, og að framkvæmdin samræmist ekki ákvæðum aðalskipulags og landnotkun. Málið er til meðferðar hjá Umhverfis- og skipulagsnefnd sveitarfélagsins og í eðlilegum farvegi.

Lagt fram bréf Eftirlitsnefndar með fjármálum sveitarfélaga, dags. 28. ágúst 2014. Nefndin bendir á að eftir yfirferð á ársreikningi 2013 sé það niðurstaða nefndarinnar að sveitarfélagið standist ekki jafnvægisreglu 1. tl. 64.gr. svitarstjórnarlaga nr. 138/2011. Óskað er eftir útskýringum sveitarstjórnar á frávikum í rekstri fyrir árið 2013 í samanburði við fjárhagsáætlun ásamt upplýsingum um fyrirhugaðar aðgerðir til að standast kröfur laganna. Einnig óskar nefndin eftir gerð útkomuspár fyrir árið 2014 með samanburði við fjárhagsáætlun 2014. Bæjarstjóra falið að svara erindinu.