Bæjarráð Sveitarfélagsins Voga
Dagskrá
Í upphafi fundar var leitað afbrigða um að taka á dagskrá mál 1404060, húsnæðismál grunnskólans. 9. mál á dagskrá fundarins. Samþykkt samhljóða.
1.Ungt fólk og lýðræði 2014
1404064
Lögð fram ályktun ungmenna frá ráðstefnunni Ungt fólk og lýðræði
Lögð fram ályktun ungmenna frá ráðstefnunni Ungt fólk og lýðræði.
2.Aðild að Samorku
1404032
Samorka býður sveitarfélaginu að gerast aðili að samtökunum.
Lagt fram bréf Samorku dags. 01.04.2014 ásamt fylgigögnum. Í bréfinu er sveitarfélaginu boðið að gerast aðili að Samorku, vegna vatnsveitu og fráveitu sveitarfélagsins. Bæjarráð þakkar samtökunum boðið en ákveður að vísa málinu til frekari umfjöllunar við gerð fjárhagsáætlunar ársins 2015.
3.Starfsmannahandbók
1306010
Lokadrög starfsmannahandbókar sveitarfélagsins lögð fram til samþykktar.
Lögð fram lokadrög starfsmannahandbókar sveitarfélagsins, sem m.a. inniheldur starfsmannastefnu sveitarfélagsins. Bæjarráð samþykkir starfsmannahandbókina fyrir sitt leyti. Bæjarráð vísar starfsmannastefnunni til umfjöllunar og samþykktar hjá bæjarstjórn.
4.Húsnæðissamvinnufélög - lækkun höfuðstóls verðtryggða húsnæðislána
1403011
Húsnæðissamvinnufélagið Búmenn vekur athygli sveitarfélagsins á að ekki er gert ráð fyrir skuldaleiðréttingu til þessa búsetuforms í fyrirliggjandi skuldaleiðréttingarfrumvarpi. Búmenn óska eftir að sveitarfélagið styðji málið m.a. með því að vekja athygli þingmanna á mikilvægi þess.
Lagðir fram minnispunktar Búmanna eftir fund þeirra með bæjarstjóra, ásamt afriti af bréfi samtakanna til Velferðarráðuneytisins vegna leiðréttingar á forsendubrestri verðtryggðra húsnæðislána. Bæjarráð Sveitarfélagsins Voga hvetur Alþingi að taka tillit til sjónarmiða Búmanna og beita sér fyrir því að skuldaleiðréttingaráform stjórnvalda nái einnig til skjólstæðinga húsnæðissamvinnufélaga. Samþykkt samhljóða.
5.Afgreiðsla Landsbankans í Vogum
1209009
Landsbankinn hefur tilkynnt sveitarfélaginu að vikulegum þjónustuheimsóknum bankans verði hætt.
Landsbankinn hefur ákveðið að hætta þjónustuheimsóknum í sveitarfélaginu, sem hafa verið vikulega eftir að bankinn lokaði afgreiðslu sinni í sveitarfélaginu um haustið 2012. Lagt fram minnisblað bæjarstjóra um málið. Bæjarráð óskar eftir að teknar verði saman upplýsingar um umfang bankaviðskipta sveitarfélagsins við þá banka sem sveitarfélagið á viðskipti við. Bæjarráð harmar þá ákvörðun Landsbankans að hætta þjónustuheimsóknum í sveitarfélaginu og hvetur bankann til að endurskoða ákvörðun sína, sér í lagi með tilliti til þeirra viðskiptavina bankans sem eiga erfitt um vik að sækja þjónustu bankans með öðrum hætti en í þjónustuheimsóknum.
6.Ársreikningur 2013
1402007
Drög að ársreikningi sveitarfélagsins 2013. Fyrri umræða fer fram á fundi bæjarstjórnar þ. 29. apríl n.k.
Lögð fram drög að ársreikningi sveitarfélagsins fyrir árið 2013. Fyrri umræða um ársreikninginn fer fram í bæjarstjórn þriðjudaginn 29. apríl n.k.
7.Refaveiðar
1404036
Umhverfisstofnun leggur fram drög að áætlun til þriggja ára um refaveiðar
Lögð fram drög Umhverfisstofnunar um áætlun til þriggja ára um refaveiðar.
8.Upplýsingaskilti í Vogum
1404072
Sótt er um fjárveitingu af óráðstöfuðum lið í fjárhagsáætlun til framleiðslu og uppsetningu upplýsingaskilta.
Bæjarstjóri leggur fram minnisblað um málið, dags. 21.04.2014. Í minnisblaðinu er lagt til að ráðstafað verði kr. 520.000 af fjárveitingu til menningarmála til smíði og uppsetningar á fræðsluskiltum. Vinnsla og undirbúningur skiltanna hlaut styrk úr Menningarsjóði Suðurnesja, verkefnið er í umsjón Hilmar Egils Sveinbjörnssonar, kennara og söguáhugamanns. Samþykkt samhljóða.
9.Húsnæðismál skólans 2014-2015
1404060
Málið var til umfjöllunar á fundi Fræðslunefndar þann 22.04.2014. Fyrir liggur að einn árgangur í skólanum verður það fjölmennur á næsta skólaári að nauðsynlegt er að mati skólastjórnenda að tvískipta þeim árgangi. Bæjarráð felur bæjarstjóra að afla upplýsinga um kostnað við útvegun færanlegrar kennslustofu til uppsetningar við skólann fyrir upphaf næsta skólaárs.
10.495. mál til umsagnar frá umhverfis- og samgöngunefnd
1404070
Sveitarfélaginu gefst kostur á að veita umsögn um tillögu til þingsályktunar um 4 ára samgönguáætlun. Fyrir liggja drög að umsögn sem send voru til SSS, en gert er ráð fyrir að SSS sendi sameiginlega umsögn allra aðildarsveitarfélaganna til Alþingis.
Lagður fram tölvupóstur Nefndarsviðs Alþingis dags. 16.04.2014, þar sem sveitarfélaginu gefst kostur á að veita umsögn um tillögu til þingsályktunar um fjögurra ára samgönguátælun 2013-2016, 485. mál. Jafnframt lagt fram minnisblað bæjarstjóra dags. 21.04.2014, þar sem fram koma áherslur Sveitarfélagsins Voga sem sendar voru SSS nýverið.
11.Fundargerðir Hafnasambands Íslands 2014
1401074
Lagður fram ársreikningur Hafnarsambandsins 2013
Ársreikningur Hafnarsambandsins 2013 lagður fram.
12.Fundargerðir Heklunnar 2014
1402029
Lögð fram fundargerð 34. fundar stjórnar Heklunnar
Lögð fram fundargerð 34. fundar stjórnar Heklunnar.
13.Fundargerðir Sambands sveitarfélaga á Suðurnesjum 2014
1401029
Lögð fram fundargerð 673. fundar stjórnar SSS
Lögð fram fundargerð 673. fundar stjórnar SSS
14.Fundargerðir Sorpeyðingarstöðvar Suðurnesja, Kölku, 2014
1401072
Lögð fram fundargerð 47. fundar stjórnar Kölku
Lögð fram fundargerð 47. fundar stjórnar Kölku, Sorpeyðingarsvöðvar Suðurnesja
Fundi slitið - kl. 08:30.
