Bæjarráð Sveitarfélagsins Voga
BÆJARRÁÐ SVEITARFÉLAGSINS VOGA
FUNDARGERÐ
Árið 2006
4. fundur
Fundur haldinn í bæjarráði fimmtudaginn 27. apríl 2006,
kl. 1800 að Iðndal 2, Vogum.
Mættir: Jón Gunnarsson, Sigurður Kristinsson, Birgir Örn Ólafsson og Jóhanna Reynisdóttir, bæjarstjóri sem jafnframt ritaði fundargerð í tölvu.
DAGSKRÁ
-
Gestir frá Atvinnuþróunarfélagi Voga og Vatnsleysu-strandar.
Forseti bauð gestina velkomna og farið var yfir þau atriði sem fram komu í erindi þeirra til bæjarráðs.
-
Gestir frá félagi hestamanna í Vogum.
Forseti bauð gestina velkomna og farið var yfir þau atriði sem fram komu í erindi þeirra til bæjarráðs.
-
Fundargerð Íþrótta-og tómstundanefndar dags. 10/4 2006.
Fundargerðin er samþykkt.
-
Fundargerð Umhverfisnefndar dags. 10/4 2006.
Fundargerðin er samþykkt.
-
Fundargerð stjórnar Sambands sveitarfélaga á Suðurnesjum dags. 30/3 2006.
Fundargerðin er samþykkt.
-
Fundargerð stjórnar Sorpeyðingarstöðvar Suðurnesja dags. 11/4 2006.
Fundargerðin er samþykkt.
-
Fundargerð stjórnar Brunavarna Suðurnesja dags. 30/3 2006 og bréf með ályktun um húsnæðismál B.S.
Fundargerðin er samþykkt.
Bæjarráð tekur undir þau sjónarmið sem fram koma í ályktun um húsnæðismál og hvetur til þess að eignaraðilar komi sér saman um skipun bygginganefndar hið fyrsta.
-
Fundargerð Skólanefndar Fjölbrautaskóla Suðurnesja dags. 14/3 2006.
Fundargerðin er lögð fram.
-
Fundargerð Þjónustuhóps aldraðra á Suðurnesjum dags. 28/3 2006.
Fundargerðin er lögð fram.
-
Bréf frá Lex ehf. lögfræðistofu dags. 5/4 2006 þar sem óskað er eftir endurgreiðslu að hluta á gatnagerðagjaldi vegna Vogagerði 30.
Erindinu er vísað til lögfræðings bæjarins.
Birgir Örn tekur ekki þátt í afgreiðslu málsins.
-
Bréf frá Lagaþingi sf. dags. 10/4 2006 varðandi Fagradal 12.
Erindinu er vísað til lögfræðings bæjarins.
-
Bréf frá eigendum jarðanna Bakka og Litlabæ dags. 15/4 2006 varðandi athugasemdir við drög að aðalskipulagi bæjarfélagsins.
Bæjarráð tekur undir þau sjónarmið sem fram koma í bréfinu og vísar erindinu til aðalskipulagsvinnu.
-
Bréf frá Bergrúnu Snæbjörnsdóttur dags. 11/4 2006 varðandi beiðni um styrk til að taka þátt tónlistabúðum í Bandaríkjunum.
Bæjarráð samþykkir að styrkja Bergrúnu um 35.000 til ferðarinnar.
-
Bréf frá Heilbrigðiseftirliti Suðurnesja dags. 8/3 og 30/3 2006 þar sem óskað er eftir heimild til að svipta tvo hundaeigendur leyfi til að halda hunda vegna vangoldinna gjalda.
Bæjarráð frestar afgreiðslu og gefur hundaeigendum kost á að nýta sér andmælarétt.
-
Bréf frá Kristjáni Inga Helgasyni dags. 17/4 2006 þar sem óskað er eftir áliti bæjarstjórnar á væntingum til löggæslu á svæðinu eftir fyrirhugaða sameiningu embætta.
Bæjarstjóra er falið málið.
-
Bréf frá Alþingi dags. 27/2 2006 varðandi frumvarp til lögreglulaga og framkvæmdavald ríkisins í héraði.
Bréfið er kynnt..
-
Bréf frá Saman-hópnum dags. 16/3 2006 varðandi beiðni um fjárstuðning.
Bæjarráð getur ekki orðið við erindinu.
-
Bréf frá Landbúnaðarstofnun dags. 9/4 2006 varðandi fjárhólf í Landnámi Ingólfs.
Bæjarráð tekur undir það að heppilegt sé að einn aðili sjái um viðhald á hólfunum og felur bæjarstjóra að gera áætlun um viðhald girðinga.
-
Þvottaplan í bæjarfélaginu.
Bæjarstjóra falið að gera tillögu að bráðabirgðaþvottaplani.
-
Vefur bæjarfélagisns.
Nefnd hefur verið skipuð til að koma með tillögur um endurbætta heimasíðu. Gert er ráð fyrir að sérfræðingur muni vinna með nefndinni.
-
Vogavöllur.
Birgir Örn spurði um umhirðu og hvort búnaður væri fullnægjandi fyrir sumarið. Samþykkt að kanna hver staðan er í samráði við framkvæmdarstjóra Þróttar.
-
Kynning á nýju málakerfi.
Bæjarstjóri kynnti málakerfi sem tekið hefur verið í notkun sem felur í sér að öll skjöl sem berast eru skönnuð inn og send rafrænt til ábyrgðaraðila.
-
Staða samninga vegna Grænuborgarhverfis.
Forseti kynnti rammasamkomulag og ákveðið að taka það til endanlegrar afgreiðslu á fundi bæjarstjórnar 2. maí.
Fleira ekki gert og fundi slitið kl. 2000
