Bæjarráð Sveitarfélagsins Voga
Bæjarráð Sveitarfélagsins Voga
37. fundur
Fundur haldinn í bæjarráði Sveitarfélagsins Voga, þriðjudaginn 29. janúar 2008 kl. 18:00 að Iðndal 2.
Mættir eru Hörður Harðarson formaður, Inga Rut Hlöðversdóttir og Inga Sigrún Atladóttir. Róbert Ragnarsson, bæjarstjóri ritar fundargerð í tölvu.
-
Fundargerð 7. fundar félagsmálanefndar.
Fundargerðin er lögð fram til kynningar.
-
Fundargerð 183. og 184. fundar stjórnar Brunavarna Suðurnesja.
Fundargerðin er lögð fram til kynningar.
-
Fundargerð stýrihóps um starfsmannastefnu og stjórnskipulag Sveitarfélagsins Voga.
Fundargerðin er lögð fram til kynningar.
-
Fundargerð 750. fundar stjórnar Sambands íslenskra sveitarfélaga.
Fundargerðin er lögð fram til kynningar.
-
Bréf frá félagsmálaráðuneytinu dags. 28. desember 2007. Vegna aflasamdráttar í þorski.
Bréfið er lagt fram til kynningar. Tekjunum er vísað til endurskoðunar fjárhagsáætlunar.
-
Bréf frá félagsmálaráðuneytinu dags. 7. janúar 2008. Vegna húsaleigubóta og félagslegra leiguíbúða.
Bréfin eru lögð fram til kynningar.
-
Bréf frá samgöngunefnd dags. 17. janúar 2008. Vegna frumvarps til laga um samgönguáætlun.
Bréfið er lagt fram til kynningar.
-
Bréf frá Dagmar J. Eiríksdóttur dags. 10. janúar 2008. Vegna málefna Stóru- Vogaskóla.
Bæjarráð þakkar erindið og sýndan áhuga á starfsemi Stóru- Vogaskóla. Bæjarstjóra falið að svara bréfinu. Erindinu er vísað til fræðslunefndar til kynningar.
-
Stofnsamningur og samþykkt Suðurlinda ohf.
Stofnsamningur og samþykkt eru lögð fram til kynningar.
-
Menningarráð Suðurnesja. Reglur um styrkveitingar.
Lagt fram til kynningar.
-
Forvarnarmál. Viðbrögð eftir íbúafund.
Bæjarráð fagnar góðri þátttöku íbúa á fundinum og hve vel tókst til.
Bæjarráð fagnar yfirlýsingu lögreglustjóra Suðurnesja um samstarf við sveitarfélagið um veru forvarnarlögregluþjóns í Vogum frá og með vorinu.
-
Tillaga að deiliskipulagi miðbæjarsvæðis.
Tillagan er rædd og bæjarstjóra falið að vinna málið áfram.
-
Tillaga að deiliskipulagi Vogagerði 21- 23.
Meirihluti bæjarráðs samþykkir tillöguna og leggur til að hún verði auglýst.
-
Lundur- forvarnarverkefni. Umsókn um styrk.
Meirihluti bæjarráðs samþykkir að styrkja verkefnið um 100 þúsund krónur og óskar eftir kynningu á verkefninu fyrir börn og foreldra í sveitarfélaginu.
Minnihluti bæjarráðs telur peningunum betur varið í aðrar forvarnir í sveitarfélaginu.
-
Hestamannafélagið Máni. Umsókn um styrk fyrir starfsárið 2008.
Bæjarráð samþykkir að styrkja verkefnið um 50 þúsund krónur og óskar eftir kynningu frá félaginu á barna- og unglingastarfsemi þess fyrir nemendur í Stóru- Vogaskóla.
-
Golfklúbbur Vatnsleysustrandar. Umsókn um styrk fyrir starfsárið 2008.
Bæjarráð tekur jákvætt í erindið en óskar eftir viðræðum við félagið um samstarfssamning milli klúbbsins og sveitarfélagsins.
-
Samstarfssamningur Sv. Voga og UMFÞ.
Bæjarráð fagnar tillögum Ungmennafélagsins Þróttar að samstarfssamning milli félagsins og sveitarfélagsins.
Samningnum er vísað til Íþrótta- og tómstundanefndar til umsagnar.
-
Reikningur frá One Systems ehf vegna kaupa á málaskrárkerfi.
Bæjarráð samþykkir að greiða reikning frá því í apríl 2006 og vísar upphæðinni til endurskoðunar fjárhagsáætlunar.
-
Viðauki við leigusamning EFF og Sv. Voga um Íþróttamiðstöðina í Vogum.
Bæjarráð felur bæjarstjóra að ganga frá samningnum.
-
Bréf frá Reykjavíkurborg dags. 22. nóvember 2007. Uppgjör viðskiptaskulda vegna skíðasvæða Höfuðborgarsvæðisins. Frestað frá síðasta fundi.
Bæjarráð samþykkir umframkostnað vegna skíðasvæðanna að upphæð kr.728.662,- og vísar upphæðinni til endurskoðunar fjárhagsáætlunar.
Sveitarfélagið Vogar mun ekki verða aðili að nýjum þjónustusamningi milli sveitarfélaga með aðild að Skíðasvæðum höfuðborgarsvæðisins.
-
Umferðaröryggismál í Vogum. Minnisblað bæjarstjóra og skýrsla umferðarfulltrúa.
Bæjarráð felur tæknideildinni að vinna að þeim verkefnum sem koma fram í minnisblaðinu og skýrslu umferðarfulltrúa.
-
Umsókn um lóð fyrir bílasölur.
Bæjarráð vísar erindinu til skipulags- og bygginganefndar til umsagnar.
Fleira ekki gert og fundi slitið kl. 19.40.
