Bæjarráð Sveitarfélagsins Voga
Bæjarráð Sveitarfélagsins Voga
29. fundur
Fundur haldinn í bæjarráði Sveitarfélagsins Voga, þriðjudaginn 11. september 2007
kl. 18:00 að Iðndal 2.
Mættir eru Hörður Harðarson form., Birgir Örn Ólafsson og Inga Sigrún Atladóttir. Róbert Ragnarsson, bæjarstjóri ritar fundargerð í tölvu.
-
Fundargerð 745. fundar stjórnar Sambands íslenskra sveitarfélaga.
Fundargerðin er lögð fram til kynningar.
Bæjarráð tekur undir tillögu Fjórðungssambands Vestfirðinga um að sambandið standi fyrir málþingi um ný mannvirkja- og skipulagslög.
-
Tilboð fjármálafyrirtækja í ávöxtun eigin fjár Sveitarfélagsins Voga.
Bæjarstjóri leggur fram tilboð fjármálafyrirtækja ásamt drögum að samþykkt fyrir sjóðinn. Kynningar fara fram næstu daga.
-
Heimsókn bæjarfulltrúa til Keilis þann 4. september 2007.
Bæjarráð leggur til að sveitarfélagið kaupi táknrænan hlut í Keili að fjárhæð 100.000 kr.
-
Fundur með Fjárlaganefnd 12. september 2007.
Fjárlaganefnd Alþingis kemur í heimsókn 12. september næstkomandi. Bæjarstjóri leggur fram minnisblað með áhersluatriðum bæjarstjórnar fyrir fundinn.
-
Starfsmannamál.
Bæjarstjóri fer yfir ýmis starfsmannamál. Umræða um starfsmannastefnu sveitarfélagsins.
-
Stórheimili við Akurgerði og Vogagerði.
Bæjarstjóri gerir grein fyrir stöðu verkefnisins.
-
Bréf frá starfsmönnum leikskóla vegna gjaldskrár.
Bæjarráð þakkar ábendingarnar og felur leikskólastjóra að skoða gjaldskrá leikskólans í samanburði við aðra leikskóla og leggja fram tillögu við fjárhagsáætlanagerð ársins 2008.
-
Samstarf um rekstur líkamsræktarsalar við íþróttamiðstöð.
Bæjarstjóra falið að ræða við Nautilus Ísland ehf. um rekstur líkamsræktarsalar við íþróttamiðstöð Sveitarfélagsins Voga.
-
Samningur um aðalskráningu fornleifa í Vogum.
Bæjarráð vísar erindinu til umsagnar í umhverfisnefnd og skipulags- og bygginganefnd.
-
Lögreglusamþykkt fyrir Sveitarfélagið Voga.
Fyrir fundinum liggja lög um lögreglusamþykktir ásamt gildandi lögreglusamþykkt fyrir Gullbringusýslu og dæmum um samþykktir í öðrum sveitarfélögum.
Bæjarráð felur bæjarstjóra að leggja fram drög að nýrri lögreglusamþykkt á næsta fundi bæjarráðs.
-
Deiliskipulag við Aragerði.
Bæjarráð samþykkir að deiliskipuleggja 6-8 íbúðir á reitnum, með aðkeyrslu um Aragerði.
-
Deiliskipulag miðbæjarsvæðis.
Bæjarráð samþykkir að deiliskipuleggja miðbæjarsvæði á grundvelli rammaskipulagstillögu.
-
Reglur fyrir Tjarnarsal.
Bæjarráð gerir ákveðnar breytingar á drögunum og leggur til við bæjarstjórn að þær verði samþykktar.
-
Samþykkt um gatnagerðargjald í Sveitarfélaginu Vogum.
Bæjarráð leggur til að bæjarstjórn samþykki nýja Samþykkt um gatnagerðargjald í Sveitarfélaginu Vogum.
-
Gjaldskrá Frístundar.
Bæjarráð samþykkir að boðið verði upp á vistun í Frístund á foreldradögum og starfsdögum skóla, og að tekið verði fyrir það gjald, kr. 870.
-
Ósk skólastjóra um heimild til að ráða í tímabundna stöðu verkefnisstjóra á unglingastigi.
Bæjarráð samþykkir að veita skólastjóra heimild til þess að ráða tímabundið í stöðu verkefnisstjóra á unglingastigi, út skólaárið.
Bæjarráð leggur til að skólastjóri yfirfari stjórnskipulag við Stóru- Vogaskóla fyrir lok þessa skólaárs og geri bæjarráði grein fyrir niðurstöðu sinni.
Fleira ekki gert og fundi slitið kl. 20.20.
