Bæjarráð Sveitarfélagsins Voga
Bæjarráð Sveitarfélagsins Voga
27. fundur
Fundur haldinn í bæjarráði Sveitarfélagsins Voga, þriðjudaginn 14. ágúst kl. 18 að Iðndal 2.
Mættir eru Hörður Harðarson, Inga Rut Hlöðversdóttir, Inga Sigrún Atladóttir og Róbert Ragnarsson, sem ritar fundargerð í tölvu.
Bæjarráð býður Ingu Rut velkomna á sinn fyrsta bæjarráðsfund.
-
Fyrirspurn Ingu Sigrúnar Atladóttur um framkvæmdaleyfi. Kjartan Sævarsson, forstöðumaður tæknideildar kemur á fundinn.
Bæjarráð þakkar forstöðumanni tæknideildar fyrir upplýsingarnar.
-
Bréf frá umhverfisnefnd MSI, móttekið 11. júlí 2007.
Bréfið er lagt fram til kynningar og vísað til umhverfisnefndar til kynningar.
-
Bréf frá Jóhanni G. Jóhannssyni, dags. 20. júlí 2007.
Bréfið er lagt fram til kynningar.
Bæjarráð þakkar Jóhanni fyrir áhugaverða hugmynd.
-
Tilboð í öryggiskerfi stofnanna sveitarfélagsins.
Umræða um mikilvægi öryggiskerfa við stofnanir sveitarfélagsins.
-
Áhrif skerðingar aflaheimilda á atvinnulíf í Vogum.
Bæjarráð felur atvinnumálanefnd að fylgjast náið með áhrifum skerðingar aflaheimilda á atvinnulíf í Vogum.
-
Samsstarfssamningur við UMFÞ varðandi framkvæmdastjóra.
Bæjarstjóri vekur athygli á því að samsstarfssamningurinn rennur út um mánaðarmótin. Bæjarráð óskar eftir afstöðu stjórnar UMFÞ til áframhaldandi samstarfs og mati stjórnarinnar á reynslu samstarfsins. Fulltrúi stjórnar UMFÞ verði boðaður á næsta fund bæjarráðs.
-
Reykjanes Express
Bæjarráð felur bæjarstjóra að vinna málið áfram, meðal annars kanna fjárhagsleg áhrif.
-
Fyrirspurn Ingu Sigrúnar Atladóttur um eineltisáætlanir.
Bæjarstjóri leggur fram svör frá forstöðumönnum deilda við fyrirspurnum.
-
Aðalskipulag Reykjanesbæjar. Breyting vegna Motopark.
Umsögn um athugasemdir Sveitarfélagsins Voga lagðar fram.
Bæjarráð vísar svarinu til umsagnar heilbrigðisnefndar, umhverfisnefndar og skipulags- og bygginganefndar.
-
Ræsting stofnanna Sveitarfélagsins Voga.
Bæjarstjóri kynnir niðurstöður nýrra mælinga á ræstiþörf stofnanna sveitarfélagsins, en þær gefa til kynna að hægt sé að ná fram töluverðri hagræðingu.
Bæjarráð felur forstöðumönnum stofnanna að endurmeta ræstingu í samræmi við nýja mælingu.
-
Umsögn um tillögu um breytingu Sorpeyðingarstöðvar Suðurnesja í hlutafélag.
Guðjón Guðmundsson, framkvæmdastjóri Sorpeyðingarstöðvar Suðurnesja kemur á fund bæjarráðs og gerir grein fyrir forsögu málsins.
Bæjarráð þakkar Guðjóni kærlega fyrir upplýsingarnar. Ákveðið að fresta afgreiðslu málsins til næsta fundar.
-
Bréf frá Magnúsi Hersi Haukssyni og Jón Mar Guðmundssyni, dags. 7. ágúst 2007. Ósk um styrk til kaupa á Júdódýnum.
Bæjarráð getur ekki orðið við erindinu. Bæjarráð vísar bréfriturum á fjárhagsáætlun íþróttamiðstöðvar og styrks sveitarfélagsins til UMFÞ.
-
Ávöxtun fjármuna sveitarfélagsins.
Bæjarstjóri segir frá kynningafundum sem hann hefur átt með fjármálastofnunum.
Bæjarráð samþykkir að óska eftir tilboðum fjármálafyrirtækja í samræmi við framlagða tillögu bæjarstjóra.
-
Deiliskipulagsmál í Sveitarfélaginu Vogum.
Bæjarstjóri leggur fram tillögu frá TSH að deiliskipulagi lóðarinnar Aragerði 2-4, en lóðinni var úthlutað til TSH 7. febrúar 2006.
Bæjarráð vísar erindinu til skipulags- og bygginganefndar til umsagnar.
Bæjarráð felur skipulags- og byggingarnefnd jafnframt að hefja undirbúning deiliskipulags eftirfarandi svæða.
-
Miðbæjarsvæði á grundvelli fyrirliggjandi rammaskipulagstillögu.
-
Lóðanna Vogagerði 21 og 23.
-
Íþróttasvæði við Hafnargötu.
-
Breytingu á deiliskipulag við Iðndal.
-
Svæði austan við núverandi byggð í samræmi við tillögu að nýju aðalskipulagi sveitarfélagsins.
-
Úthlutun lausra lóða við Hólagötu 3 og 5.
Bæjarráð samþykkir úthlutunarskilmála fyrir lóðirnar Hólagötu 3 og 5 og ákveður jafnframt að greiða skuli fyrir byggingarétt á lóðunum. Byggingaréttur ákveðinn 1 milljón krónur á lóð, að viðbættum gatnagerðargjöldum skv. gjaldskrá.
Bæjarráð felur forstöðumanni tæknideildar að auglýsa lóðirnar lausar til umsóknar.
Fleira ekki gert og fundi slitið kl. 22:22.
