Bæjarráð Sveitarfélagsins Voga
Bæjarráð Sveitarfélagsins Voga
FUNDARGERÐ
Árið 2011
121. fundur
Fundur haldinn í bæjarráði miðvikudaginn 2. nóvember, 2011 kl. 6.30 á bæjarskrifstofu Sveitarfélagsins Voga.
Mættir eru: Kristinn Björgvinsson, Hörður Harðarson, Inga Sigrún Atladóttir.
Kristinn Björgvinsson formaður bæjarráðs stýrir fundi, Inga Sigrún Atladóttir ritar fundargerð í tölvu.
-
Bréf frá samtökunum landsbyggðin lifi.
Bréfið er lagt fram.
Bæjarráð getur ekki orðið við erindinu.
-
23. Fundur menningarráðs Suðurnesja.
Fundagerðin lögð fram.
-
Bréf frá Pétri Hlöðverssyni breyting á deiliskipulagi.
Bæjarráð tekur jákvætt í erindið og það er sent til umsagnar umhverfis- og skipulagsnefndar.
-
Fundur BS 217.
Fundagerðin lögð fram.
-
Bréf frá Brunabótafélagi Íslands.
Bréfið er lagt fram til upplýsingar.
-
Bréf frá eftirlitsnefnd um fjármál sveitarfélaga.
Bæjarráð felur skrifstofustjóra að senda eftirlitsnefnd sveitarfélaga umbeðin gögn.
-
Samstarf um skólaskrifstofu.
Frestað til næsta fundar þar sem gögn hafa ekki borist.
-
Bréf frá umhverfisráðuneytin: ósk um umsögn um frumvarp til breytinga á lögum um mat á umhverfisáhrifum.
Bréfið er lagt fram.
Sent til umsagnar umhverfis- og skipulagsnefndar.
-
Bréf frá Ingibjörgu Ágústsdóttir vegna SBK áætlanaferða og Vogastrætó.
Bæjarráð þakkar bréfritara gagnrýnina.
Nú þegar hefur verið rætt við bílstjóra Vogastrætó og forsvarsmenn SBK um lausn á þeim vanda sem bréfritari lýsir. Bæjarráð hvetur bæjarbúa til að hafa samband ef áætlunarferðir til og frá sveitarfélaginu eru ekki fram samkvæmt áætlun.
-
Bréf frá Stóll ehf: fyrirlestur um orkunotkun og orkukaup.
Bréfið er lagt fram.
Sveindísi Skúladóttir falið að kanna verð á fyrirlestrinum og hvort fræðslan nái einnig til stofnanna.
-
Bréf frá Kölku gjaldtaka á gámaplönum.
Bæjaráð hafnar tillögu Sorpeyðingarstöðvar Suðurnesja um gjaldtöku á gámaplönum fyrir eðlilegt magn af sorpi frá almennum heimilum. Bæjarráð styður gjaldtöku af fyrirtækjum sem samkvæmt reglum eiga ekki að henda rusli á gámaplaninu í Sveitarfélaginu Vogum.
-
Bréf frá Gróður fyrir fólk í landnámi Ingólfs.
Bréfið er lagt fram.
Bréfið sent umhverfis- og skipulagsnefndar til upplýsingar.
-
Fundur Kölku 416.
Fundagerðin lögð fram.
-
Málþing um aðalnámskrá leikskóla.
Formanni fræðslunefndar falið að ræða málþingið við leikskólastjóra.
-
Norðurál beiðni um afhendingu gagna.
Forseta bæjarstjórnar falið að senda Norðuráli umbeðin gögn.
-
Fyrirspurn frá Ara Trausta Guðmundssyni vegna efnis í sjónvarp.
Bæjarráð óskar eftir fundi með Ara Trausta Guðmundsson um verkefnið.
-
Bréf frá Smábátafélaginu.
Magma óskaði á sínum tíma eftir uppástungum frá sveitarfélaginu um félög í sveitarfélaginu sem Magma gæti veitt styrki. Nefnd sem var að störfum við væntanlegan mennta- og menningasjóð sveitarfélagsins tók verkefnið að sér og lagði fram tillögur. Nefndin hafði til hliðsjónar að styrkja þau félög sem standa að íþrótta- og líknarmálum. Nefndin bætti svo við þeim félögum sem höfðu óskað eftir styrkjum í sérstök verkefni. Smábátafélagið í Vogum féll ekki að þessari skilgreiningu nefndarinnar og því stakk nefndin ekki upp á því.
Í nefndinni sátu: Inga Sigrún Atladóttir, Bergur Álfþórsson og Jóngeir Hlinason.
Bæjarráð hafnar því að persónuleg óvild í garð Smábátafélagsins í Vogum hafi ráðið ákvörðun nefndarinnar.
-
Ósk um tilnefningu fulltrúa í vatnasvæðis nefnd.
Bréfið sent til umhverfis- og skipulagsnefndar til umfjöllunar.
-
Tilkynning um fyrirhugaða niðurfellingu Auðnavegar 4328-01 og Stóra-Knarranesvegar 4334-01 af vegaskrá.
Bréfið lagt fram.
Sent til Umhverfis- og skipulagsnefndar til umsagnar.
-
Bréf frá Sjávarútvegsráðuneytinu umsókn um Byggðarkvóta.
Oddi Ragnari Þórðarsyni falið að ræða við sjávarútvegsráðuneytið og sækja um byggðarkvóta fyrir sveitarfélagið.
-
Minnisblað verk og tíma áætlun fyrir íþróttasvæði.
Minnisblaðið lagt fram.
Sent til menningar- og tómstundanefndar og umhverfis- og skipulagsnefndar til upplýsingar.
-
Tilboð í endurskoðun hjá Sveitarfélaginu Vogum, trúnaðarmál.
Fyrir fundinum liggja tilboð í endurskoðun sveitarfélagsins.
Forseti bæjarstjórnar fundar með ríkiskaup um málið til að fá frekari upplýsingar um málið.
Bæjaráð frestar ákvörðun um málið.
-
Umræður um skýrslu Almenn verkfræðistofunar.
Fulltrúi Almennu verkfræðistofunnar koma á fundinn kl 7:30
-
Fjárhagsáætlun.
Umræður um fjárhagsáætlun.
Bæjarráð felur skrifstofustjóra að ganga frá samningi við endurskoðanda sveitarfélagsins um aðstoð við gerð fjárhagsáætlunar.
Fleira ekki gert og fundi slitið við undirritun fundargerðar kl. 8:20.
