Bæjarráð Sveitarfélagsins Voga
Bæjarráð Sveitarfélagsins Voga
11. fundur
Fundur haldin í bæjarráði Sveitarfélagsins Voga, þriðjudaginn 14. nóvember 2006
kl. 18:00 að Iðndal 2.
Mættir eru Anný Helena Bjarnadóttir, Birgir Örn Ólafsson, Inga Sigrún Atladóttir og Róbert Ragnarsson, sem ritaði fundargerð í tölvu.
-
Fundargerð umhverfisnefndar dags. 8. nóvember 2006.
Fundargerðin er lögð fram til kynningar
Varðandi 1. lið um reglur um umgengni vegna framkvæmda í Sveitarfélaginu Vogum, þá þakkar bæjarráð fyrir framkomnar tillögur og vísar þeim til skipulags- og byggingarnefndar til umsagnar.
Varðandi 2. lið um umhverfismat samgönguáætlunar telur bæjarráð mikilvægt að gefa vatnsverndarsvæðum sérstakan gaum því mikilvægi grunnvantnsauðlinda okkar hlýtur að aukast. Bent er á hættu þá sem skapast vegna eldsneytis- og eiturefnaflutninga nálægt vantsverndarsvæðum, svo sem í Sveitarfélaginu Vogum.
Varðandi 4. lið, önnur mál, leggur bæjarráð til að athugasemdum nefndarinnar verði vísað til heilbrigðisnefndar.
Fundargerðin samþykkt samhljóða.
-
Fundargerð félags- og jafnréttismálanefndar dags. 3. nóvember 2006.
Fundargerðin er lögð fram til kynningar.
Varðandi tillögu nefndarinnar um afturköllun leyfa nemenda til að yfirgefa skólalóð á skólatíma sér bæjarráð ekki ástæðu til að afturkalla leyfið, en hvetur skólastjórnendur til að endurskoða og skýra reglurnar.
Fundargerðin samþykkt samhljóða.
-
Fundargerðir 361. og 362. fundar stjórnar Sorpeyðingarstöðvar Suðurnesja.
Fundargerðirnar eru lagðar fram til kynningar.
-
Fundargerð 564. fundar stjórnar Sambands sveitarfélaga á Suðurnesjum.
Fundargerðin er lögð fram til kynningar.
-
Fundargerð 86. fundar stjórnar Hitaveitu Suðurnesja.
Fundargerðin er lögð fram til kynningar.
-
Bréf frá Samtökum herstöðvaandstæðinga dags. 23. ágúst 2006.
Bæjarráð vísar afgreiðslu málsins til bæjarstjórnar.
-
Bréf frá Stígamótum dags. 19. október 2006.
Bæjarráð getur ekki orðið við erindinu.
-
Bréf frá Umhverfisráðuneytinu dags. 24. október 2006.
Erindinu vísað til skipulags- og byggingarnefndar til kynningar.
-
Bréf frá Maritech dags. 25. október 2006.
Bréfið er lagt fram til kynningar.
-
Bréf frá Eignarhaldsfélaginu Brunabót dags. 26. október 2006.
Bréfið er lagt fram til kynningar.
-
Bréf frá Svæðisvinnumiðlun Suðurnesja dags. 31. október 2006.
Bæjarráð samþykkir samninginn og felur bæjarstjóra að undirrita hann
-
Bréf frá Sambandi íslenskra sveitarfélaga dags. 3. nóvember 2006.
Bæjarráð samþykkir að sveitarfélagið greiði þátttökugjald fyrir alla aðalmenn í bæjarstjórn á fjármálaráðstefnu sveitarfélaga og hvetur þá til sækja ráðstefnuna.
-
Bréf frá Hjálmari Árnasyni og Hjartaheillum á Suðurnesjum dags. 5. nóvember 2006.
Bæjarráð samþykkir að taka þátt í verkefninu ,,Forvörn gegn hjartasjúkdómum” og greiða allt að þriðjungi kostnaðar við mælingu, úrvinnslu og ráðgjöf í heilsuviku Sveitarfélagsins Voga.
-
Bréf frá Ungmennafélaginu Þrótti dags. 6. nóvember 2006.
Bæjarráð vísar erindinu til fjárhagsáætlanagerðar fyrir árið 2007.
-
Bréf frá Siglingastofnun dags. 6. nóvember 2006.
Bréfið er lagt fram til kynningar. Bæjarstjóra falið að ræða við Siglingastofnun um hönnun og útfærslu breytinga á sjóvarnagarðinum. Bæjarstjóra jafnframt falið að sækja um til samgönguráðherra að sjóvarnagarður norðan núverandi byggðar komist á sjóvarnaáætlun.
-
Samkomulag um samstarf í félagsþjónustu og barnavernd milli Sveitarfélagsins Voga, Sandgerðisbæjar og Sveitarfélagsins Garðs.
Bæjarráð samþykkir að samkomulagið og felur bæjarsstjóra að undirrita fyrir hönd sveitarfélagsins.
-
Endurfjármögnun lána og skuldbreytingar. Minnisblað dags. 8. nóvember 2006.
Minnisblaðið er lagt fram og bæjarstjóra falið að leita mögulegra leiða til að lækka afborgunarbyrði lána.
-
Endurskoðun fjárhagsáætlunar ársins 2006. Forstöðumenn stofnana koma á fund bæjarráðs.
Forstöðumenn stofnana komu á fund bæjarráðs og fóru yfir endurskoðaða fjárhagsáætlun ársins 2006.
Bæjarráð felur bæjarstjóra að setja endurskoðaða fjárhagsáætlun ársins 2006 í endanlegt horf og leggja fyrir næsta fund.
Fleira ekki gert og fundi slitið kl. 22.25
