Bæjarráð Sveitarfélagsins Voga

Í nýsamþykktri fjárhagsáætlun 2017 - 2020 var samþykkt að breyta viðmiðunarfjárhæðum fjárhagsaðstoðar á þann hátt að mismunur milli Voga og hinna samstarfssveitarfélaganna yrði helmingaður. Á fundinum er lagt fram excelskjal með útfærslu á breytingunni.

Afgreiðsla bæjarráðs:
Bæjarráð samþykkir eftirfarandi tekjuviðmið:
Einstaklingar: 136.836
Hjón / sambúðarfólk: 223.326

Samþykkt samhljóða.

Fundargerðir 12., 13., 14. og 15. funda stjórnar Brunavarna Suðurnesja bs.

Afgreiðsla bæjarráðs:
Fundargerðirnar lagðar fram.

Fundargerðir 120. og 121. funda Fjölskyldu- og velferðanefndar, ásamt fylgigögnum

Afgreiðsla bæjarráðs:
Fundargerðirnar lagðar fram.

Fundargerð stjórnar Öldungaráðs Suðurnesja frá 5.12.2016

Afgreiðsla bæjarráðs:
Fundargerðin lögð fram.

Fundargerð 390. fundar stjórnar Hafnasambands Íslands

Afgreiðsla bæjarráðs:
Fundargerðin lögð fram.

Fundargerð 475. fundar stjórnar Kölku, Sorpeyðingarstöðvar Suðurnesja

Afgreiðsla bæjarráðs:
Fundargerðin lögð fram.

Fundargerð 20. fundar stjórnar Þekkingarseturs Suðurnesja.

Afgreiðsla bæjarráðs:
Lagt fram.

Alþingi sendir til umsagnar frumvarp til laga um Lífeyrissjóð starfsmanna ríkisins, 6. mál. Með fundarboði fylgir umsögn Sambands íslenskra sveitarfélaga um frumvarpið, sem og umsögn bæjarstjóra um það. Frumvarpið hefur þegar hlotið afgreiðslu sem lög frá Alþingi.

Afgreiðsla bæjarráðs:
Lagt fram.

Minnisblað bæjarstjóra dags. 8.1.2017 vegna viðmiðuna nefndarlauna við þingfararkaup.

Afgreiðsla bæjarráðs:
Farið yfir málið og það rætt. Afgreiðslu málsins er frestað.

Erindi Þroskahjálpar dags. 7.12.2016, um stofnframlög húsnæðisfélaga og skyldur sveitarfélaga gagnvart fötluðu fólki.

Afgreiðsla bæjarráðs:
Lagt fram.

Minnisblað bæjarstjóra dags. 8.1.2017, vegna búnaðarkaupa í Umhverfisdeild.

Afgreiðsla bæjarráðs:
Bæjarráð samþykkir fjárveitinguna, og felur bæjarstjóra að leggja fram viðauka við fjárhagsáætlun 2017 - 2010 á næsta fundi bæjarráðs.

Tillaga Félagsþjónustu Sandgerðisbæjar, Garðs og Voga um að sveitarfélagið Vogar verði styrktar- og samstarfsaðili Fjölsmiðjunnar á Reykjanesi, og að íbúar sveitarfélagsins á aldrinum 16 - 24 fái þannig aðgang að úrræðinu.

Afgreiðsla bæjarráðs:
Bæjarráð samþykkir tillöguna, og felur bæjarstjóra að leggja fram viðauka við fjárhagsáætlun 2017 - 2010 á næsta fundi bæjarráðs.

Tillaga um skipan sameiginlegs vinnuhóps til stefnumótunar í þjónustu / málefnum aldrara á félagsþjónustusvæði Sandgerðis, Garðs og Voga, dags. 29.12.2016.

Afgreiðsla bæjarráðs:
Bæjarráð frestar afgreiðslu málsins.

Verklagsreglur fyrir sameiginlega félagsþjónustu Sandgerðis, Garðs og Voga. Verklagsreglurnar taka til ýmissa þátta er varðar starfsemi félagsþjónustunnar, og er m.a. ætlað að skýra ábyrgð á málaflokknum.

Afgreiðsla bæjarráðs:
Bæjarráð staðfestir verklagsreglurnar fyrir sitt leyti.

Drög að reglum félagsþjónustu Sandgerðisbæjar, Sveitarfélagsins Garðs og Sveitarfélagsins Voga um sérstakan húsnæðisstuðning, ásamt drögum að umsóknareyðublaði. Reglurnar verða lagðar fram til staðfestingar á næsta fundi Fjölskyldu- og velferðarnefndar, en þær eru til komnar vegna breytinga á húsnæðislöggjöfinni sem tók gildi um áramótin.

Afgreiðsla bæjarráðs:
Lagt fram.

Erindi stjórnar Félags kennara og stjórnenda í tónlistarskólum, dags. 31.12.2016, þar sem m.a. er vakin athygli á því að tónlistarkennarar hafa verið samningslausir í 14 mánuði.

Afgreiðsla bæjarráðs:
Lagt fram.

Minnisblað Sambands íslenskra sveitarfélaga dags. 7.12.2016, um fjárhagsstöðu verst settu hafnarsjóða landsins.

Afgreiðsla bæjarráðs:
Lagt fram.