Bæjarráð Sveitarfélagsins Voga

Erindi Þjóðskrár Íslands um fasteignamat 2017. Hækkun fasteignamats í Sveitarfélaginu Vogum verður 9,1%, hækkun lóðamats verður 10%. Meðaltalshækkun fasteignamats á landinu öllu verður 7,8%.

Afgreiðsla bæjarráðs:
Erindið lagt fram.

Erindi Innanríkisráðuneytisins dags. 24. júní 2016. Ráðuneytið vekur athygli sveitarfélaga á tilraunaverkefninu, og hvetur sveitarfélög sem hyggjast halda íbúakosningar til að kynna sér verkefnið og gefa sig fram við Þjóðskrá Íslands, hafi þau áhuga á þátttöku.

Afgreiðsla bæjarráðs:
Erindið lagt fram.

Erindi Sambands íslenskra sveitarfélaga, dags. 28. júní 2016, viðmiðunartafla fyrir fulltrúa í sveitarstjórnum. Upplýsingarnar eru sendar sveitarfélögum á grundvelli samþykktar stjórnar sambandsins frá 24. júní s.l., sem byggir á verkefni sem stefnumörkun sambandsins fyrir árin 2014 - 2018 felur í sér.

Afgreiðsla bæjarráðs:
Erindið lagt fram. Bæjarráð samþykkir jafnframt að vísa erindinu til frekari umfjöllunar við gerð fjárhagsáætlunar 2017 - 2020.

Erindi Sambands íslenskra sveitarfélaga, dags. 29.6.2016. Með erindinu fylgir auglýsing frá Orkusjóði, sem auglýsir styrki til uppbyggingar á innviðum fyrir rafbíla.

Afgreiðsla bæjarráðs:
Erindið lagt fram. Jafnframt vísað til Umhverfis- og skipulagsnefndar.

Erindi Sambands íslenskra sveitarfélaga dags. 30.06.2016. Með erindinu fylgir auglýsing Minjastofnunar, sem auglýsir styrki úr Húsfriðunarsjóði til að undirbúa tillögur að verndarsvæði í byggð.

Afgreiðsla bæjarráðs:
Erindið lagt fram. Jafnframt vísað til Frístunda- og menningarnefndar.

Fyrir fundinum liggja drög að öryggisstefna gagna fyrir Sveitarfélagið Voga. Öryggisstefnan nær til notkunar, allrar umgengni sem og vistunar allra gagna sem eru í vörslu sveitarfélagsins, hvort sem þær eru á rafrænu formi, prentuðu eða í mæltu máli í innri starfsemi sveitarfélagsins. Stefnan nær jafnframt til gagna sem hýst eru eða þjónustuð af samtarfs- og þjónustuaðilum.

Afgreiðsla bæjarráðs:
Bæjarráð samþykkir öryggisstefnuna.

Erindi Grindavíkurbæjar, dags. 26.05.2016. Í erindinu er fjallað um tillögu stjórnar Reykjanesfólkvangs, sem var til umfjöllunar í fundargerð stjórnar dags. 27.apríl 2016, þess efnis að starfsstöð Reykjanesfólkvangs verði í Grindavík og að formennska í stjórn fari til Grindavíkurbæjar út kjörtímabilið. Jafnframt að framvegis skiptist fulltrúar Grindavíkurbæjar og Hafnarfjarðarbæjar á að fara með formennsku. Í erindinu kemur fram að bæjarráð Grindavíkur sé jákvætt fyrir þessum breytingum og óskar eftir afstöðu annarra sveitarfélaga sem eru aðilar að Reykjanesfólkvangi.

Afgreiðsla bæjarráð:
Bæjarráð samþykkir tillöguna fyrir sitt leyti.

Erindi Páls Pálssonar, dags. 14.06.2016. Sótt er um styrk til Sveitarfélagsins Voga, eða eftir atvikum í Mennta- menningar og afrekssjóð Sveitarfélagsins Voga, f.h. sonar umsækjanda, Arnars Máls Pálssonar, sem keppir í Íslandsmótinu í akstursíþróttum.

Afgreiðsla bæjarráðs:
Bæjarráð getur ekki orðið við erindinu.

Erindi Umhverfisstofnunar, dags. 08.07.2016, drög að eftirlitsskýrslu vegna móttöku úrgangs og farmleifa frá skipum.

Afgreiðsla bæjarráðs:
Drögin lögð fram. Bæjarstjóra falið að bregðast við ábendingum sem fram koma í skýrslunni.

Erindi Sýslumannsins á Suðurnesjum, dags. 24.06.2016. Með erindinu fylgir umsókn Lena Properties ehf. um rekstrarleyfi vegna gististaðar í flokki II, að Akurgerði 6. Óskað er umsagnar sveitarfélagsins um umsóknina.

Afgreiðsla bæjarráðs:
Erindið lagt fram. Bæjarráð gerir ekki athugasemd við umsóknina.

Fundargerð 116. fundar Fjölskyldu- og velferðarnefndar, dags. 16.06.2016.

Afgreiðsla bæjarráðs:
Fundargerðin lögð fram.

Fundargerð aðalfundar DS haldinn í Álfagerði, Vogum, þann 26.04.2016.

Afgreiðsla bæjarráðs:
Fundargerðin lögð fram.