Bæjarráð Sveitarfélagsins Voga

421. fundur 05. mars 2025 kl. 17:00 - 19:18 á bæjarskrifstofu

Nefndarmenn

Björn Sæbjörnsson formaður
Birgir Örn Ólafsson varaformaður
Andri Rúnar Sigurðsson aðalmaður
Kristinn Björgvinsson áheyrnarfulltrúi

Starfsmenn

Guðrún P. Ólafsdóttir Bæjarstjóri
Ásta Friðriksdóttir Sviðsstjóri fjármála- og stjórnsýslusviðs

Fundargerð ritaði: Ásta Friðriksdóttir sviðsstjóri fjármála- og stjórnsýslusviðs

Dagskrá

1.Keilisnes - þróun og uppbygging iðnaðarsvæðis

2305063

Lagt fram stöðumat og tillögur að leiðum fyrir sveitarfélagið varðandi áframhaldandi vinnu við þróun og uppbyggingu á Keilisnesi.

Katrín Júlíusdóttir, ráðgjafi hjá Athygli-ráðgjöf og Pálmar Halldórsson, staðgengill sviðsstjóra umhverfis- og skipulagssviðs sitja fundinn undir dagskrárliðnum.

Afgreiðsla bæjarráðs:

Lagt fram og Katrínu þakkað fyrir komuna.

2.Færanlegar kennslustofur - haust 2025

2502033

Lagt fram minnisblað staðgengils sviðsstjóra umhverfis- og skipulagssviðs varðandi möguleika hvað varðar færanlegar kennslustofur næsta haust.

Staðgengill sviðsstjóra umhverfis- og skipulagssviðs situr fundinn undir þessum dagskrárlið.

Afgreiðsla bæjarráðs:

Bæjarráð felur bæjarstjóra, staðgengli og sviðsstjóra umhverfis- og skipulagssviðs að vinna málið áfram í samræmi við umræður á fundinum.

3.Mál til umsagnar frá nefndasviði Alþingis 2025

2502009

Lagt fram til frekari kynningar málsgögn varðandi nýtt frumvarp til laga um Jöfnunarsjóð þar sem óskað er umsagnar sveitarfélagsins. Helstu breytingar sem gerðar voru á frumvarpinu, frá þeim frumvarpsdrögum sem voru til kynningar í mars 2023, eru raktar í kafla 3.10 í frumvarpsdrögunum. Auk þess er rétt að halda því til haga að gerð var breyting á þeim frumvarpsdrögum sem voru til kynningar í mars 2023 og þeim drögum sem mælt var fyrir um á Alþingi í nóvember 2023, að ákvæði 3. mgr. 13. gr. frumvarpsdraganna var fellt brott áður en það var lagt fram á Alþingi, en ákvæðið felur í sér að það leiðir til lækkunar framlaga úr Jöfnunarsjóðs ef sveitarfélag fullnýtir ekki heimild sína til álagningar útsvar. Er ákvæðið nú aftur að finna í þeim frumvarpsdrögum sem kynnt eru.

Afgreiðsla bæjarráðs:

Bæjarráð tekur undir að megin markmið frumvarps til laga um Jöfnunarsjóð sé náð í frumvarpsdrögum og með nýju jöfnunarlíkani. Markmiðin eru að stuðla að markvissari og réttlátari úthlutun úr Jöfnunarsjóði sveitarfélaga, einfalda skipulag sjóðsins og stuðla að því að hann fylgi þróun sveitarfélagagerðarinnar. Sveitarfélagið tekur jafnframt undir þau sjónarmið sem kallað er sérstaklega eftir afstöðu um, það er að nýti sveitarfélag ekki útsvarshlutfall að fullu komi til skerðingar á framlögum úr Jöfnunarsjóði.

4.Mál til umsagnar frá nefndasviði Alþingis 2025

2502009

Innviðaráðuneytið vekur athygli á því að opið samráð stendur nú yfir um frumvarp til laga um breytingar á sveitarstjórnarlögum og lögum um ríkisendurskoðanda og endurskoðun ríkisreikninga, vegna mats á fjárhagslegum áhrifum frumvarpa, stjórnvaldsfyrirmæla eða annarra stefnumarkandi ákvarðana af hálfu ríkisins á sveitarfélög. Frumvarpið byggir á tillögum starfshóps innviðaráðherra sem var falið að skilgreina feril kostnaðarmats í þeim tilgangi að tryggja sátt um matið og fjármögnun viðkomandi verkefna og að gætt yrði þess að mat á fjárhagsáhrifum feli ávallt í sér skýrar þjónustukröfur og fullnægjandi upplýsingar um fjármögnun. Skýrsla starfshópsins er birt í samráðsgátt samhliða frumvarpinu.

Frestur til að skila inn umsögn um frumvarpið er til og með 4. mars nk.