Bæjarráð Sveitarfélagsins Voga

Tilkynning Búmanna dags. 29.01.2016, til þeirra sem áttu búseturétt í innlausnarkerfi Búmanna og sem töldust því vera kröfuhafa í nauðasamningi félagsins og fjalla um aðgerðir í kjölfar staðfestingar nauðasamnings Búmanna.
Lagt fram.

Tölvupóstur Fjölmenningarseturs dags. 05.01.2016 ásamt erindi, þar sem óskað er eftir upplýsingum um mótttökuáætlanir sveitarfélaga vegna innflytjenda.
Erindið er lagt fram. Sveitarfélagið hyggst að svo stöddu ekki móta sér móttökuáætlun fyrir innflytjendur.

Bæjarstjóri fór yfir og upplýsti stöðu málsins, m.a. um stöðu í viðræðum um kaup á landi.

Á fundinum eru lögð fram til umræðu drög að reglum um val og útnefningu heiðursborgara Sveitarfélagsins Voga. Bæjarráð samþykkir fyrirliggjandi drög.

Tölvupóstur frá Rauða krossinum dags. 19.01.2016. Í tölvupóstinum eru upplýsingar um námskeið í skyndihjálp, sem hugsanlega stendur til að bjóða upp á fyrir íbúa sveitarfélagsins.
Bæjarráð samþykkir að auglýst verði námskeið í skyndihjálp fyrir íbúa sveitarfélagsins og þeim með því gefinn kostur á að sækja slíkt námskeið í boði sveitarfélagsins.

Fyrir liggur skýrsla Verkfræðistofunnar EFLU unnin í október og nóvember 2015, um ástand húsnæðis í Stóru-Vogaskóla. Skólastjóri Stóru-Vogaskóla hefur tekið saman minnisblað dags. 29.01.2016, þar sem farið er yfir stöðu mála þar sem m.a. er lögð til sú lausn að ónotuð færanleg kennslustofa sem er staðsett við leikskólann verði færð á lóð grunnskólans. Einnig liggur fyrir áætlun Tækniþjónustu SÁ ásamt viðbótarupplýsingum frá forstöðumanni Umhverfis- og eigna um kostnað vegna flutnings kennslustofunnar.
Gögnin lögð fram. Bæjarráð samþykkir að fela bæjarstjóra að vinna áfram að skoðun málsins.

Tölvupóstur Félagsþjónustunnar dags. 26.01.2016 vegna upphæða fjárhagsaðstoðar fyrir árið 2016. Með tölvupóstinum fylgir samantekt Félagsþjónstunnar þar sem m.a. kemur fram samanburður upphæða fjárhagsáætlunar við önnur sveitarfélög sem standa að hinni sameiginlegu félagsþjónustu sveitarfélaganna Garðs, Sandgerðis og Voga, ásamt upplýsingum up upphæðir almannatrygginga 2015 og 2016.
Bæjarráð staðfestir að fjárhæðir fjárhagsaðstoðar verði þær sömu fyrir árið 2016 og 2015.

Erindi Orkustofnunar dags. 22.01.2016 ásamt fylgigögnum, beiðni um umsögn um umsókn Iceland Resources ehf. um leyfi til leitar og rannsókna á málmum á Reykjanesskaga.

Umsögn bæjarráðs:
Ekki er gerð athugasemd við erindið. Sveitarfélagið áréttar þó að það áskilur sér allan rétt til að taka afstöðu til einstakra rannsókna, framkvæmda eða vinnslu m.t.t. áhrifa þeirra á viðkomandi svæði. Þá áréttar sveitarfélagið að umsækjandi þarf, áður en til nokkurra rannsókna eða framkvæmda kemur, að ná samningum við landeigendur um rannsóknir og eða framkvæmdir á eignarlandi.

Umhverfis- og samgöngunefnd Alþingis sendir til umsagnar frumvarp til laga um vatnsveitur sveitarfélaga (skilgreining og álagning vatnsgjalds), 400 mál.
Erindið lagt fram.

Umhverfis- og samgöngunefnd sendir til umsagnar frumvarp til laga um uppbyggingu og rekstur fráveitna (gjaldtökuheimildir, réttindi og skyldur fráveitna), 404. mál.
Erindið lagt fram.

Allsherjar- og menntamálanefnd Alþingis sendir til umsagnar frumvarp til laga um verslun með áfengi og tóbak o.fl. (smásala áfengis), 13. mál.
Bæjarráð Sveitarfélagsins Voga leggst gegn frumvarpinu.

Fundargerð 109. fundar Fjölskyldu- og velferðarnefndar.
Fundargerðin er lögð fram.

Fundargerð 6. fundar stjórnar Brunavarna Suðurnesja bs. Með fundargerðinni fylgir erindi Jóns Guðlaugssonar slökkviliðsstjóra, dags. 21.01.2016, ásamt gjaldskrá BS fyrir árið 2016 sem samþykkt hefur verið í stjórn BS.
Fundargerðin lögð fram. Bæjarráð staðfestir fyrir sitt leyti gjaldskrá Brunavarna Suðurnesja 2016.

Fundargerð 7. fundar stjórnar Brunavarna Suðurnesja bs.
Fundargerðin lögð fram.

Fundargerð 466. fundar stjórnar Kölku, Sorpeyðingarstöðvar Suðurnesja.
Fundargerðin lögð fram.