Bæjarráð Sveitarfélagsins Voga

Erindi Umhverfis- og auðlindaráðuneytisins dags. 28.12.2015: Gjaldtaka í höfnum vegna losunar, móttöku, meðhöndlunar og förgunar úrgangs og farmleifa frá skipum. Ráðuneytið beinir þeim tilmælum til Vogahafnar að sett verði ákvæði um gjaldtökuna inn í gjaldskrá hafnarinnar í samræmi við 2. mgr. 1. gr. reglugerðar 1201/2014 hið allra fyrsta hafi það ekki þegar verið gert.
Bæjarráð vísar málinu til úrvinnslu hjá bæjarstjóra.

Tekið fyrir að nýju bréf Jafnréttisstofu, dags. 12.10.2015, beiðni um afhendingu á jafnréttisáætlun ásamt framkvæmdaáætlun. Fyrir fundinum liggja drög að jafnréttisáætlun Sveitarfélagsins Voga, sem tekin hefur verið saman.
Bæjarráð samþykkir áætlunina og felur bæjarstjóra að senda hana til staðfestingar hjá Jafnréttisstofu.

Minnisblað bæjarstjóra með tillögu að viðbótarákvæði við 4.gr. gildandi reglna um Tjarnarsal. Í ákvæðinu er félagasamtökum innan sveitarfélagsins sem eru með gildan samstarfssamning við sveitarfélagið undanþegin ákvæði um að salurinn sé leigður út ásamt starfsmanni.
Bæjarráð samþykkir tillöguna.

Erindi Heilbrigðiseftirlits Suðurnesja dags. 12.11.2015, Starfleyfi Vatnsveitu Voga. Starfsleyfi veitunnar er útrunnið og ber því að sækja um starfsleyfi að nýju. Bæjarstjóri upplýsti á fundinum að unnið hefur verið að málinu frá því erindið barst. Nú stendur yfir vinna við gerð innra eftirlits veitunnar, að öðru leyti er umsóknin tilbúin. Umsóknin verður send Heilbrigðiseftirlitinu um leið og þeirri vinnu er lokið. Bæjarstjóra er falin áframhaldandi úrvinnsla málsins.

Erindi Kjartans Jónssonar sóknarprests, dags. 22.12.2015. Farið er fram á styrk fyrir launum stjórnanda barnakórs Kálfatjarnarkirkju á vormisseri 2016, kr. 320.000.
Bæjarráð samþykkir að styrkja verkefnið um kr. 320.000. Fjárveitingin bókast á lið 0589-9991.

Sameiginlegt minnisblað bæjarstjóra sveitarfélaganna á Suðurnesjum eftir fund þeirra með Eygló Harðardóttur ráðherra velferðarmála þ. 16.12.2015. Í minnisblaðinu eru tilgreindar tillögur að breyttu fyrirkomulagi í fjórum liðum, sem nú hafa verið samþykktar í nágrannasveitarfélögunum. Bæjarráð samþykkir tillögurnar fyrir sitt leyti.

Velferðarnefnd Alþingis sendir til umsagnar frumvarp til laga um húsaleigulög (réttarstaða leigjenda og leigusala), 399. mál. Lagt fram.

Velferðarnefnd Alþingis sendir til umsagnar frumvarp til laga um húsnæðisbætur (heildarlög), 407. mál. Lagt fram.

Velferðarenfd Alþingis sendir til umsagnar frumvarp til laga um almennar íbúðir (heildarlög), 435. mál. Lagt fram.

Fundargerð Almannavarnarnefndar Suðurnesja frá 2. desember 2015.
Fundargerðin lögð fram.

Fundargerð 108. fundar Fjölskyldu- og velferðarefndar.
Fundargerðin lögð fram.

Fundargerð 380. fundar stjórnar Hafnasambands Íslands.
Fundargerðin lögð fram.

Fundargerð 465. fundar stjórnar Kölku, Sorpeyðingarstöðvar Suðurnesja.
Fundargerðin lögð fram.

Fundargerð 698. fundar stjórnar SSS.
Fundargerðin lögð fram.

Fundargerð 834. fundar stjórnar Sambands íslenskra sveitarfélaga.
Fundargerðin lögð fram.