Bæjarráð Sveitarfélagsins Voga

Þrátt fyrir ýmis jákvæð teikn á lofti í rekstri sveitarfélagsins samhliða fólksfjölgun var rekstrarniðurstaða neikvæð um 64 m.kr á fyrst sex mánuðum ársins. Tekjur voru 7% hærri en áætlað var sem er í takt við aukna fólksfjölgun en íbúum hefur fjölgað um 10% það sem af er ári. Verðbólga og kostnaðarhækkanir hafa aftur á móti töluverð áhrif á afkomu á fyrstu sex mánuðu ársins en rekstrargjöld reyndust 9% hærri og fjármagnsliðir 10% neikvæðari en áætlað var. Veltufé frá rekstri er þó nokkuð hærra en áætlað var og nam 48 m.kr. eða sem samsvarar 5% af tekjum samanborið við 4% samkvæmt áætlun.

Bæjarráð tekur undir þau sjónarmið sem fram koma í erindi ráðuneytisins um mikilvægi þess að sveitarfélög setji sér skýra stefnu um að öll gögn liggi fyrir á íslensku sem og að til staðar séu reglur um rétt íbúa af erlendum uppruna til samskipta við stofnanir sveitarfélagsins á annarri tungu en íslensku. Felur bæjarráð bæjarstjóra að fylgja erindinu eftir.

Í fjárhagsáætlun 2023 var gert ráð fyrir að fjárfesting vegna tengingar fráveitu við Grænuborg næmi 59,5 m. kr. og að framkvæmdin kláraðist á árinu 2024. Framkvæmdin hefur gengið hraðar en gert var ráð fyrir og gert er ráð fyrir að henni verði lokið fyrir árslok. Endurmat á fjárfestingu ársins vegna fráveitu nemur 28,1 og er lagt að að heimild sé veitt til að klára verkið. Er lagt til að aukinni fjárfestingu verði mætt með lækkun á handbæru fé.

Samhliða afgreiðslu máls um umsjón og umhirðu Íþróttasvæðis Voga er lagt að veitt sé fjárheimild til fjárfestingar í vallartækjum auk leigu sbr. mál nr. 2303055, samtals 3,4 m.kr. Er lagt til að aukinni fjárfestingu verði mætt með lækkun á handbæru fé.

Samhliða afgreiðslu máls um heimreið að Kálfatjörn, málsnúmer 2308020 er lagt til að veitt sé fjárheimild til gatnagerðar að fjárhæð 3,0 m.kr.. Er lagt til að aukinni fárfestingu verði mætt með lækkun á handbæru fé.

Samhliða afgreiðslu máls um sjóvarnir, málsnúmer 2309021 er lagt til að veitt sé fjárheimild til gatnagerðar að fjárhæð 3,3 m.kr.. Er lagt til að aukinni fjárfestingu verði mætt með lækkun á handbæru fé.

Lagt er til að veitt sé fjárheimild til að ráðast í úrbætur á virkni bókhaldskerfis, samtals 650 þ.kr. Auknum rekstrarkostnaði verði mætt með lækkun á handbæru fé.


Bæjarráð samþykkir framlagðan viðauka og vísar honum til staðfestingar í bæjarstjórn.

Bæjarráð samþykkir þátttöku í verkefninu.

Í samræmi við framlagt minnisblað samþykkir bæjarráð að fela bæjarstjóra að afla yfirdráttarheimildar hjá viðskiptabanka sveitarfélagsins. Heimildin verður nýtt til útgjaldajöfnunar innan ársins, ef þörf krefur.

Á grundvelli þeirrar valkostagreiningar sem unnin var á síðasta kjörtímabili og fyrirliggjandi markmiða felur Bæjarráð bæjarstjóra að vinna áfram að málinu í samstarfi við ráðgjafa sveitarfélagsins og kanna fekari grundvöll viðræðna. Skal niðurstaða liggja fyrir eigi síðar en að 6 mánuðum liðnum.

Bæjarráð samþykkir framlagðar tillögur og felur bæjarstjóra nánari útfærslu þeirra og kynningu.