Bæjarráð Sveitarfélagsins Voga
Dagskrá
1.Framkvæmdir 2023
2301022
Sviðsstjóri umhverfis- og skipulagssviðs leggur fram yfirlit um stöðu framkvæmda.
2.Endurnýjun hleðslustöðva
2309002
Sviðsstjóri umhverfis- og skipulagssviðs kynnir minnisblað um endurnýjun hleðslustöðva við íþróttamiðstöð og bæjarskrifstofu
Bæjarráð samþykkir að heimila endurnýjun hleðslustöðva í samræmi við fyrirliggjandi forsendur.
3.Beiðni um framlag til starfsemi Stígamóta 2024
2309004
Lögð fram beiðni um framlag til starfsemi Stígamóta árið 2024
Bæjarráð samþykkir að styrkja starfsemi Stígamóta um 50.000 kr.
4.Uppsögn á samningi um rekstur og umsjón íþróttamannvirkja.
2308052
Lagt fram erindi til bæjarráðs vegna umsjónar og reksturs íþróttamannvirkja Sveitarfélagsins dags. 18.08.2023
5.Beiðn um afléttingu veðs - Gíslaborg 2
2308031
Lagt fram erindi frá Grænubyggð ehf. með beiðni um afléttingu veðs af Gíslaborg 2.
6.Umsjón og umhirða Íþróttasvæðis Voga
2303055
Tekið fyrir að nýju erindi frá UMFÞ vegna umsjónar með umhirðu íþróttavalla.
Bæjarráð samþykkir að ganga frá málinu í samræmi við framlagt minnisblað og felur bæjarstjóra að útbúa viðauka við fjárhagsáætlun vegna kaupa á vallartækjum.
7.Boð á ársfund Jöfnunarsjóð sveitarfélaga þann 20.09.2023
2309003
Lagt fram boð á ársfund Jöfnunarsjóðs sveitarfélaga sem haldinn verður miðvikudaginn 20. september nk. á Hilton Nordica í Reykjavík
8.Borgað þegar hent er
2308060
Lögð fram drög að viljayfirlýsingu um þátttöku í verkefninu Borgað þegar hent er, innleiðing við heimili. Verkefnið gengur út á að innleiða nýtt innheimtufyrirkomulag fyrir meðhöndlun úrgangs samkvæmt Borgað þegar hent er (BÞHE) kerfi, sem sveitarfélögum er skylt að innleiða á árinu 2023 skv. lögum nr. 103/2021, um breytingu á lögum um hollustuhætti og mengunarvarnir, lögum um meðhöndlun úrgangs og lögum um úrvinnslugjald (EES-reglur, hringrásarhagkerfi).
Bæjarráð samþykkir þáttöku í verkefninu og felur bæjarstjóra að undirrita viljayfirlýsingu þess efnis.
9.Heimreið að Kálfatjörn
2308020
Tekið fyrir að nýju erindi Birgirs Þórarinssonar um gatnagerð við Kálfatjörn.
Bæjarráð samþykkir þátttöku í verkefninu með fyrirvara um aðra fjármögnun og felur bæjarstjóra að útbúa drög að viðauka við fjárhagsáætlun.
10.Drög að reglugerð um íbúakosningar sveitarfélaga
2308050
Lagt fram til kynningar drög að reglugerð um íbúakosningar sveitarfélaga.
11.Hvítbók um húsnæðismál
2308051
Lögð fram til kynningar hvítbók um húsnæðismál.
12.Fundargerðir Hafnasambands Íslands 2023
2301003
Lögð fram til kynningar fundargerð 455. fundar stjórnar Hafnasambands Íslands sem haldinn var 18.08.2023
13.Svæðisskipulag Suðurnesja fundargerðir 2023
2301034
Lögð fram til kynningar fundargerð 40. fundar Svæðisskipulags Suðurnesja sem haldinn var 30.08.2023.
Fundi slitið - kl. 18:25.
